2 Kōrinto 6:16 - Rapa Nui

¹⁶ ꞌE te ꞌītoro, ¿e tano mau rō ꞌi te kona haꞌamuri ꞌAtua? E kī atu ena a au i te meꞌe nei ꞌo te ai a tātou pa he kona haꞌamuri ꞌAtua. ꞌI ruŋa i te Pāpaꞌi Moꞌa e kī ena, paꞌi, e te ꞌAtua: «Ka noho nei a au ꞌi roto i a rāua, a au mo ꞌAtua o rāua, ꞌe a rāua mo taŋata ꞌāꞌaku».

2 Kōrinto 6:16 ပူးပေါင်းရင်းမြစ်များ

Māteo 16:16

He pāhono ia e Tīmona, e kī takoꞌa era ko Pētero: —A koe he Kiritō, he Poki o te ꞌAtua ora.

Māteo 6:24

»ꞌIna e tahi kope mo ravaꞌa mo tāvini, ꞌi tū hora ꞌā, ki te ŋāŋata hoko rua. Mo aŋa pē ira, ki te kope e tahi ka haŋa era ꞌe ki te rua ꞌina. He haꞌatura ki te taŋata e tahi ꞌe ki te rua ka taꞌe haka au era. Te auraꞌa: e ko tano koe mo aŋa ki te ꞌAtua ꞌe ki te hauhaꞌa ꞌi tū hora ꞌā.

Ruka 5:36

He ꞌaꞌamu ia e Ietū i te ꞌaꞌamu haꞌaauraꞌa nei: «ꞌIna he nuꞌu hore i te vata ꞌāpī mo hono i te kahu rūꞌau. Mo aŋa pē ira, he rake-rake te vata, ꞌe te tapa ꞌāpī era e ko tano ꞌi ruŋa i te kahu rūꞌau.

Iovani 14:23

He pāhono e Ietū: —Te kope haŋa mai ki a au he haka roŋo ꞌe he haꞌatura ki tāꞌaku vānaŋa. He haŋa e tōꞌoku Matuꞌa ꞌe he oho a māua ko te Matuꞌa he noho tahi mātou.

Iovani 6:56

Te kope kai i tōꞌoku hakari ꞌe unu i tōꞌoku toto e ko haka rē i a au, ꞌe a au i a ia.

Rōmano 8:11

Mo ai nā ꞌi roto i a kōrua te Vārua o te ꞌAtua haka ora i a Ietū mai te mate, māꞌana takoꞌa e haka ora i te kōrua hakari mai te mate hai Vārua ōꞌona ꞌi roto o kōrua.

Rōmano 8:9

ꞌE, a kōrua ꞌina he haka tere haka ꞌou hai manaꞌu taŋata; e haka tere ena hai Vārua Maitai ꞌo te ai nā ꞌi roto i a kōrua te Vārua o te ꞌAtua. Te nuꞌu ꞌina he Vārua o te ⌊Kiritō⌋ o roto i a rāua, taꞌe o te Kiritō.

Rōmano 9:26

ꞌE ꞌi te kona kī mau era ꞌā: “Taꞌe kōrua he taŋata ꞌāꞌaku”, ka kī ena: “He ŋā poki o te ꞌAtua ora a kōrua”».

1 Kōrinto 10:21

E ko tano, paꞌi, a au mo unu ꞌe mo kai i te meꞌe haka manaꞌu i te mate o te tātou Pūꞌoko Haka Tere ko Ietū Kiritō ꞌe, ꞌi ruŋa ꞌā, mo unu ꞌe mo kai i te meꞌe tūtia ki te tātane.

1 Kōrinto 6:19

ꞌIna ko rehu, te tātou hakari pa he Kona Haꞌamuri o te Vārua Maitai vaꞌai mai e te ꞌAtua, ꞌe ꞌi roto e noho ena a ia. A tātou taꞌe o tātou ꞌā, o te ꞌAtua.

Ēfeto 2:20

A tātou, te nuꞌu taꞌatoꞌa haka moe i te manaꞌu ꞌi ruŋa i a Ietū, pa he māꞌea o te hare e tahi aŋa e te ꞌAtua. Te hāpī o te ⌊ꞌāpōtoro⌋ ꞌe o te perofeta pa he mekerā ꞌi ruŋa e haka tuꞌu ena i rā hare, ꞌe a Ietū pa he māꞌea matuꞌa haka noho hare.

Ēfeto 2:22

ꞌE a kōrua, ꞌo te ai ꞌa Ietū Kiritō takoꞌa, e toꞌo ena i a kōrua e te ꞌAtua ꞌe e titi ena ki ruŋa i rā hare, he kona ꞌi ira a ia e noho ena hai Vārua Maitai.

Ēfeto 3:17

He ani takoꞌa a au mo noho mo oho nō atu a Ietū Kiritō ꞌi roto i a kōrua hai haka moe i te manaꞌu ꞌi ruŋa i a ia, ꞌe mo haka pūai mo oho nō i te kōrua haŋa ki a ia ꞌe ki te rua.

2 Timoteo 1:14

E Timoteo, hai hāꞌūꞌū o te Vārua Maitai noho ꞌi roto i a tātou, ka hāpaꞌo i te hāpī parautiꞌa vaꞌai atu era mo haka ꞌite ki te nuꞌu.

ꞌEvereo 3:6

Pē ira ꞌā te ⌊Kiritō⌋, ꞌina e ko taꞌe aŋa i te meꞌe taꞌatoꞌa kī e te ꞌAtua mo aŋa. Te meꞌe topa kē ōꞌona, a ia he Poki o te ꞌAtua, ꞌe pa he Poki o te ꞌAtua e haka tere ꞌe e hāpaꞌo ena i te nuꞌu taꞌatoꞌa o te ꞌAtua, ꞌe rā nuꞌu ko tātou ana maꞌu hio-hio ana oho nō tātou i te manaꞌu ꞌi ruŋa i a ia, ꞌe ana tiaki hai koa i te meꞌe taꞌatoꞌa hōrea mai e ia.

ꞌEvereo 8:10

Te haka tere iŋa ꞌāpī ka aŋa ena e au ananake ko te itaraera ꞌi rā mahana, ko te meꞌe nei: He ha-haꞌo e au i tāꞌaku roŋo ꞌi roto i te rāua manaꞌu, ꞌe he pāpaꞌi ꞌi roto i te rāua māhatu. He riro a au he ꞌAtua o rāua, ꞌe a rāua he taŋata ꞌāꞌaku.

Tanatiako 4:5

Taꞌe i hāꞌaki tahaŋa nō ꞌi ruŋa i te ⌊Pāpaꞌi Moꞌa⌋: «Te ⌊Vārua Maitai⌋ uŋa mai e te ꞌAtua ki roto i te tātou māhatu e haŋa rō ꞌana mo ai o tātou o te ꞌAtua mau nō».

1 Pētero 2:5

A kōrua takoꞌa pa he māꞌea ora, ꞌe te ꞌAtua, hai ŋā māꞌea ora ena ko kōrua, e aŋa mai ena i te kona mo haꞌamuri ki a ia. ꞌI roto a kōrua pa he ⌊oromatuꞌa⌋ haꞌataꞌa e ia māꞌana tūtia ki a ia i te meꞌe riva-riva haka poreko e te Vārua Maitai ꞌi roto i a kōrua, he tūtia koa ꞌāꞌana ꞌo te ai o kōrua ꞌa Ietū Kiritō.

1 Iovani 4:12

Ka ai atu ꞌina e tahi kope i takeꞌa i te ꞌAtua, mo haŋa o tātou ki te rua, he noho te ꞌAtua ꞌi roto i a tātou, ꞌe tōꞌona haŋa he takeꞌa ꞌi ruŋa i te tātou haka tere iŋa.

1 Iovani 4:15

Te kope kī: a Ietū he Poki o te ꞌAtua, ararua ko te ꞌAtua e noho ena.

Meꞌe Haka Takeꞌa 2:1

»E pāpaꞌi ki te merahi o te nūnaꞌa taŋata ⌊haka moe i te manaꞌu⌋ ꞌi ruŋa i a au o Ēfeto: “Pē nei te kī o te kope maꞌu ꞌi te rima mataꞌu i te hetuꞌu e hitu, haꞌere ꞌi vāeŋa o te hakariꞌi e hitu aŋa hai piru:

Meꞌe Haka Takeꞌa 21:3

ꞌE he ŋaroꞌa e au i te reꞌo pūai e tahi mai te kona pepe noho ꞌariki era e kī ꞌā: «Mai te hora nei pe muꞌa, ka noho ena te ꞌAtua ꞌi muri i tāꞌana taŋata. Ki a ia a rāua ka haꞌatura tahi ena. ꞌE ꞌina he ꞌAtua e ko haka rē i a rāua ki te hora hopeꞌa.

Meꞌe Haka Takeꞌa 21:7

Te nuꞌu rē ki te pūai o Rukifero, mo rāua te ŋā meꞌe taꞌatoꞌa haka ꞌite atu era, ꞌe he riro a au he ꞌAtua o rāua ꞌe a rāua he poki ꞌāꞌaku.