2 Kōrinto 6:14 - Rapa Nui

¹⁴ E te taina, ko ꞌite ꞌana e tātou taꞌatoꞌa e ko tano mo here ꞌi ruŋa i tū iuko ꞌā e tahi hoi ꞌe e tahi ꞌuei. Pē ira ꞌā e ko tano mo ⌊hāipo-ipo⌋ ꞌo mo haꞌaꞌau i te aŋa e tahi mo aŋa te kope haka moe i te manaꞌu ꞌi ruŋa i a Ietū ararua ko te kope ꞌina he haka moe i te manaꞌu ꞌi ruŋa i a Ietū. ¿Pē hē, paꞌi, ana tano te meꞌe riva-riva ki te meꞌe rake-rake? ꞌE ¿pē hē te māꞌeha ana hokorua i te pōꞌuri?

2 Kōrinto 6:14 ပူးပေါင်းရင်းမြစ်များ

Iovani 7:7

Te taŋata o te ao nei ꞌina he riri mo kōrua; mōꞌoku e riri ena ꞌo te haka takeꞌa e au: te rāua meꞌe aŋa meꞌe taꞌe tano.

Aŋa o te ꞌĀpōtoro 4:23

I eꞌa era a Pētero ararua ko Iovani mai tū kona era, he oho he piri ki te rāua nuꞌu, ꞌe he ꞌaꞌamu i te meꞌe taꞌatoꞌa kī e tū nuꞌu ra-rahi era.

1 Kōrinto 10:21

E ko tano, paꞌi, a au mo unu ꞌe mo kai i te meꞌe haka manaꞌu i te mate o te tātou Pūꞌoko Haka Tere ko Ietū Kiritō ꞌe, ꞌi ruŋa ꞌā, mo unu ꞌe mo kai i te meꞌe tūtia ki te tātane.

1 Kōrinto 15:33

ꞌIna kōrua ko haka rē mo reo-reo atu e te rua. Pa he vānaŋa kī e te kope e tahi: «Te hokorua aŋa i te meꞌe taꞌe tano he haka riro i a koe pē ia takoꞌa».

1 Kōrinto 5:9

ꞌI ruŋa i tāꞌaku meꞌe pāpaꞌi raꞌe atu era i hāꞌaki atu ai a au: ꞌina kōrua ko ai he repahoa o te nuꞌu moe i te viꞌe ꞌo i te taŋata taꞌe he kenu ꞌāꞌana.

1 Kōrinto 6:6

ꞌE ko te horo ko te oho iŋa ꞌana kōrua i a kōrua ꞌā ki te pūꞌoko haka tere o te hare ture taꞌe haka moe i te manaꞌu ꞌi ruŋa i a Ietū.

1 Kōrinto 7:39

Te viꞌe hāipo-ipo o tāꞌana kenu ꞌi te hora e ora nō ꞌā. ꞌE, mo mate o rā kenu, e tano nō rā viꞌe mo hāipo-ipo haka ꞌou. Te meꞌe nō, e hāipo-ipo ki te taŋata haka moe takoꞌa i tōꞌona manaꞌu ꞌi ruŋa i a Ietū.

Fīripo 2:15

ꞌo ai te kōrua hape ꞌe te kōrua meꞌe taꞌe tano mo tuhi atu e te taŋata. ꞌI roto i te nuꞌu haꞌavare ꞌe taparahi-taꞌata o te ao nei e riro kōrua he ŋā poki o te ꞌAtua ꞌina e tahi hape. E māꞌeha kōrua ꞌi roto i a rāua pa he hetuꞌu pura ꞌi roto i te pōhāhā

Tanatiako 4:4

¡E te nuꞌu haka rehu i te ꞌAtua ē! ¿Kai ꞌite ꞌana ꞌō kōrua: te taŋata haŋa ki te haka tere iŋa o te ao nei he taŋata taꞌe haŋa ki te ꞌAtua? Te kope he repahoa o te ao nei he taŋata riri mo te ꞌAtua.