2 Kōrinto 6:13 - Rapa Nui

¹³ He ani atu ia a au, pa he ani iŋa o te matuꞌa ki tāꞌana ŋā poki: e haŋa mai kōrua, pa he haŋa iŋa atu ena o mātou.

2 Kōrinto 6:13 ပူးပေါင်းရင်းမြစ်များ

Marko 11:24

ꞌO ira ꞌī a au he kī atu: te meꞌe taꞌatoꞌa no-noꞌi e kōrua hai pure, e manaꞌu: nā ko ai ꞌā i a kōrua rā meꞌe ꞌe he vaꞌai atu.

Karatia 4:12

ꞌE te taina, he ani atu a au mo riro o kōrua pē au ꞌā, kope taꞌe manaꞌu pē nei ē: mo tano ki te mata o te ꞌAtua e maꞌu takoꞌa ꞌō i te haka tere iŋa ꞌa Mōtē. A au, paꞌi, i riro rō pē kōrua, nuꞌu taꞌe maꞌu i rā haka tere iŋa. ꞌI te hora era ōꞌoku ꞌi muri i a kōrua, ꞌina kōrua kai tōtōā mai.

Karatia 4:19

E te ŋā poki haŋa rahi ꞌāꞌaku ē, pa he māui-ui ŋaroꞌa e te viꞌe aꞌu i te poki te māui-ui ŋaroꞌa e au mo kōrua ꞌātā ka ai rō te kōrua huru taꞌatoꞌa pē Ietū Kiritō ꞌā.

1 Tētārōnika 2:11

Ko ꞌite takoꞌa ꞌana a kōrua pē hē a mātou i haka haŋu ꞌe i haka koa atu ai i a kōrua pa he meꞌe aŋa e te matuꞌa tane ki tāꞌana ŋā poki. Ko hatu atu ꞌā e mātou mo ai o te kōrua noho iŋa, noho iŋa tano o te nuꞌu o te ꞌAtua, kope kī mai ꞌi roto i te tātou māhatu mo oꞌo ki roto o te nūnaꞌa taŋata haka tere e ia, ꞌe ki roto i tōꞌona nui-nui.

1 Iovani 2:1

E te ŋā poki ꞌāꞌaku ē, e pāpaꞌi atu ena a au i te meꞌe nei ꞌo hara kōrua. ꞌE mo hara tāꞌue e tahi o kōrua, e ai rō ꞌana e tahi kope ꞌi muꞌa o te ꞌAtua mo vānaŋa mo te tātou ora ko Ietū Kiritō, ꞌe a ia he kope aŋa i te meꞌe tī-tika.

1 Iovani 3:18

E te ŋā poki ꞌāꞌaku ē, ꞌina ko ai te tātou haŋa ki te rua hai haha nō; te tātou haŋa e haka takeꞌa hai meꞌe riva-riva aŋa e tātou.

1 Iovani 3:7

E te ŋā poki ꞌāꞌaku ē, e uꞌi kōrua ꞌo reo-reo rō atu: te kope aŋa i te meꞌe tī-tika, he taŋata tano ki te mata o te ꞌAtua, pē Ietū.

3 Iovani 1:4

ꞌIna he meꞌe hopeꞌa o te koa pa he meꞌe ena he ꞌite ōꞌoku pē nei ē: tāꞌaku ŋā poki e noho rō ꞌana ꞌi roto i te ara o te parautiꞌa.