2 Kōrinto 6:11 - Rapa Nui

¹¹ E te taina o Kōrinto ē, taꞌatoꞌa meꞌe manaꞌu e mātou ko haka ꞌite tahi atu ꞌana. Ko vaꞌai tahi atu ꞌā a mātou i te mātou māhatu.

2 Kōrinto 6:11 ပူးပေါင်းရင်းမြစ်များ

Aŋa o te ꞌĀpōtoro 18:1

I oti era he eꞌa a Pauro mai ꞌĀtena he oho ki Kōrinto.

Aŋa o te ꞌĀpōtoro 18:8

A Kīripo, pūꞌoko haka tere o te hare pure nei, kai roa, he ⌊haka moe i te manaꞌu⌋ ꞌi ruŋa i a Ietū ananake ko te nuꞌu taꞌatoꞌa o tōꞌona hare. ꞌE meꞌe rahi nuꞌu haka ꞌou o Kōrinto ŋaroꞌa i te roŋo riva-riva o te ꞌAtua he haka moe takoꞌa i te rāua manaꞌu ꞌi ruŋa i a Ietū, ꞌe he haka ⌊papatito⌋ i a rāua.

2 Kōrinto 12:15

ꞌE hai koa a au ka haka pau tahi atu ena i tāꞌaku meꞌe mo kōrua, ꞌe ꞌātā i a au mau nei ꞌā mo te kōrua riva-riva. Mo ꞌata haŋa atu ia ōꞌoku ki a kōrua, ¿he rehe he oho hō te kōrua haŋa iŋa mai?

2 Kōrinto 2:4

ꞌE, hora pāpaꞌi atu era ōꞌoku i rā parau, i manaꞌu rahi rō atu a au ki a kōrua ꞌe i rahi rō te mamae o tōꞌoku māhatu, ꞌātā i taŋi rō a au. Ka ai atu pē ira, taꞌe i pāpaꞌi atu ai mo haka māui-ui i te kōrua māhatu; mo haka ꞌite atu i te rahi o tōꞌoku haŋa mo kōrua.

Karatia 3:1

E te taina pūꞌoko hio-hio o Karatia ē, ¿ꞌa ꞌai kōrua i haka maꞌa-maꞌa atu? ꞌI roto i te hāpī iŋa atu era o mātou i haka ꞌite riva-riva atu ai ki a kōrua he aha te meꞌe i ravaꞌa e Ietū mo tātou hora mate era ōꞌona ꞌi ruŋa i te tātaurō.

Karatia 4:12

ꞌE te taina, he ani atu a au mo riro o kōrua pē au ꞌā, kope taꞌe manaꞌu pē nei ē: mo tano ki te mata o te ꞌAtua e maꞌu takoꞌa ꞌō i te haka tere iŋa ꞌa Mōtē. A au, paꞌi, i riro rō pē kōrua, nuꞌu taꞌe maꞌu i rā haka tere iŋa. ꞌI te hora era ōꞌoku ꞌi muri i a kōrua, ꞌina kōrua kai tōtōā mai.

Ēfeto 6:19

E pure takoꞌa mōꞌoku, ki vaꞌai mai ai e te ꞌAtua i te vānaŋa tano mo kī ꞌi te hora ka vānaŋa era au o ruŋa i te roŋo riva-riva ꞌāꞌana, he parautiꞌa taꞌe haka ꞌite mai era ꞌi muꞌa ꞌā, ꞌe ki vaꞌai takoꞌa mai ai i te pūai ꞌo riꞌa-riꞌa a au ꞌi rā hora.

Ēfeto 6:8

E ꞌite: e ai rō ꞌā te meꞌe mo vaꞌai e te ꞌAtua ki te taŋata, ka ꞌekaravo ꞌo ka taꞌe ꞌekaravo, ꞌo te meꞌe riva-riva aŋa e rāua.

Fīripo 1:8

He ꞌAtua te meꞌe i ꞌite i te rahi o tōꞌoku manaꞌu mo kōrua taꞌatoꞌa; tōꞌoku haŋa ki a kōrua pa he haŋa iŋa atu ena ꞌā o Ietū Kiritō.

Fīripo 4:15

Ko ꞌite ꞌana a kōrua, e te taina o Fīripo ē, hora oho era ōꞌoku mai Mātērōnia mo haka ꞌite mo oho i te roŋo riva-riva o ruŋa i a Ietū, hora e haka moe iho ꞌana kōrua i te manaꞌu ꞌi ruŋa i a ia, ko kōrua mau nō te nuꞌu i hāꞌūꞌū mai hai moni.

Meꞌe Haka Takeꞌa 22:12

He kī haka ꞌou ia e Ietū: «He aŋi ꞌā, e ko roa hia au ka tuꞌu atu ena. E maꞌu rō atu a au i te meꞌe mo vaꞌai mo haka koa o te nuꞌu, tano ki te rāua meꞌe i aŋa.