2 Kōrinto 5:18 - Rapa Nui

¹⁸ Te meꞌe taꞌatoꞌa nei he aŋa o te ꞌAtua haka riva-riva i a tātou ki a ia hai Ietū Kiritō, ꞌe vaꞌai mai i te aŋa he haka ꞌite pē hē te taŋata ana riva-riva ki a ia.

2 Kōrinto 5:18 ပူးပေါင်းရင်းမြစ်များ

Ruka 10:5

Hare era o kōrua mo tuꞌu, te meꞌe raꞌe, e ꞌaroha pē nei ē: “Ka ai te haumārū ꞌi te hare nei”.

Ruka 24:47

ꞌe hai ꞌīŋoa ōꞌona ka haka ꞌite ka oho ena ki te nuꞌu, mai Hērutarema ki te henua taꞌatoꞌa o te ao, mo huri o te manaꞌu ki te ꞌAtua ki haka kore ai i te hara.

Iovani 3:16

»ꞌI te haŋa rahi o te ꞌAtua ki te taŋata taꞌatoꞌa o te ao, he vaꞌai i tāꞌana Poki mau nō era e tahi mo mate, ꞌe nuꞌu nō era mo haka moe i te manaꞌu ꞌi ruŋa, e ko haka tapa e te ꞌAtua mai muri i a ia ꞌe e ko haka ūtuꞌa; he vaꞌai i te ora ꞌāpī ꞌina he hopeꞌa raꞌa.

Iovani 3:27

He kī e Iovani: —Mo ai rō o te pūai o te taŋata e tahi, o te ꞌAtua i vaꞌai.

Aŋa o te ꞌĀpōtoro 10:36

»Te ꞌAtua i haka ꞌite rō mai ki a mātou ki te itaraera o ruŋa i te rāveꞌa pē hē ana riva-riva haka ꞌou te taŋata ki a ia hai Ietū Kiritō, he Pūꞌoko Haka Tere o te taꞌatoꞌa nō taŋata.

Rōmano 11:36

Taꞌatoꞌa meꞌe o te ꞌAtua i aŋa, ꞌe hai ia e ai e oho nō ena; i aŋa ai mo haꞌahana-hana ki a ia. ¡Ki haꞌahana-hana tahi ia tātou ki te ꞌAtua ꞌātā ki te hopeꞌa raꞌa! ⌊ꞌĀmene⌋.

Rōmano 5:1

ꞌI te ai o tātou ꞌi te hora nei he taŋata tano ki te mata o te ꞌAtua ꞌo te ⌊haka moe i te manaꞌu⌋ ꞌi ruŋa i a Ietū, e riva-riva nei a tātou ko te ꞌAtua hai meꞌe aŋa era e te tātou Pūꞌoko Haka Tere ko Ietū Kiritō.

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 11:12

He parautiꞌa te meꞌe ena: te viꞌe raꞌe i aŋa ai mai te taŋata, ꞌe he parautiꞌa takoꞌa, te taŋata e poreko ena mai roto i te viꞌe. ꞌE te meꞌe taꞌatoꞌa mai te ꞌAtua e ai ena.

1 Kōrinto 12:6

ꞌE, huru kē huru kē te meꞌe aŋa e tātou hai pūai o te ꞌAtua. Ka ai atu pē ira, o te kope mau nō e tahi te vaꞌai mai i rā pūai, o te ꞌAtua.

1 Kōrinto 3:5

Ka haka topa rā te kōrua manaꞌu. ¿Ko ai a Pauro ꞌe ko ai a ꞌĀporo? He tāvini nō o te ꞌAtua, ꞌe mai i a rāua a kōrua e haka moe ena i te manaꞌu ꞌi ruŋa i a Ietū. Te meꞌe aŋa nō o māua he meꞌe kī mai e te ꞌAtua.

1 Kōrinto 8:6

ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.

Kōrosa 1:22

ꞌE hora nei, te ꞌAtua ko haka riva-riva haka ꞌou ꞌana i a kōrua ki a ia hai mate iŋa era o Ietū Kiritō pa he taŋata. Te meꞌe nei i aŋa ai ki tuꞌu ai a kōrua ki muꞌa o te ꞌAtua e maꞌitaki rō ꞌā ꞌina e tahi hara, ꞌe ꞌina e tahi hape mo tuhi atu.

ꞌEvereo 2:17

Mo te meꞌe nei i haka riro ai i a ia he taŋata, mo riro ōꞌona he ⌊oromatuꞌa hopeꞌa o te ra-rahi⌋, māhatu haka ꞌaroha, taꞌe haka rē ki te hora hopeꞌa i tāꞌana meꞌe aŋa ki te ꞌAtua, ki ꞌamo ai e ia i te ūtuꞌa o te hara, ki tano ai te ꞌAtua mo haka rehu i te hara o te taŋata.

Tanatiako 1:17

taꞌatoꞌa meꞌe riva-riva ai o tātou mai te ꞌAtua e ai mai ena. ꞌĀꞌana, paꞌi, i aŋa i te meꞌe taꞌatoꞌa māꞌeha o te raŋi. Te ŋā meꞌe nei e huri rō ꞌana ꞌi tōꞌona hora: e pōꞌuri rō ꞌā ꞌe e māꞌeha rō ꞌana. ꞌE te huru o te ꞌAtua ꞌina he huri.

1 Iovani 2:2

A Ietū i vaꞌai rō i a ia pa he tūtia mo tātou, ki haka kore ai e te ꞌAtua i te tātou hara, ꞌe taꞌe nō i te hara o tātou, i te hara takoꞌa o te nuꞌu taꞌatoꞌa o te ao.

1 Iovani 4:10

Ko te meꞌe nei te meꞌe he haŋa parautiꞌa: he uŋa mai o te ꞌAtua i tāꞌana Poki pa he tūtia mo haka kore o te tātou hara, taꞌe ꞌō ko te haŋa nei o tātou ki a ia.