2 Kōrinto 5:17 - Rapa Nui

¹⁷ Kope nō era o te Kiritō ꞌi te haka moe i te manaꞌu ꞌi ruŋa i a ia, he kope ꞌāpī e tahi; te manaꞌu ꞌe te noho iŋa raꞌe ōꞌona ko ŋaro ꞌā, ꞌe ko haꞌamata ꞌana tōꞌona noho iŋa ꞌāpī.

2 Kōrinto 5:17 ပူးပေါင်းရင်းမြစ်များ

Māteo 12:33

»Mo riva-riva o te tumu, he hua te meꞌe riva-riva; ꞌe mo rake-rake, meꞌe rake-rake. Te huru o te tumu e aŋi-aŋi ena hai huru o tāꞌana meꞌe hua.

Māteo 24:35

E ŋaro rō te raŋi ꞌe te henua, ꞌe tāꞌaku vānaŋa nei e ko ŋaro; e tano tahi rō.

Ruka 5:38

ꞌO ira te ꞌava ꞌāpī e haꞌaꞌī ki roto i te ipu kiri ꞌāpī.

Iovani 14:20

ꞌI rā mahana ka aŋi-aŋi ena e kōrua: a māua ko te Matuꞌa e tahi mau nō, a au o kōrua, ꞌe a kōrua ꞌāꞌaku.

Iovani 15:2

Mo taꞌe hua e tahi maŋa ōꞌoku, he ko-koti; ꞌe mo hua, he to-tope mo ꞌata hua.

Iovani 15:5

»Ko au te tumu vino, ko kōrua te maŋa. Mo raꞌu nō mai o kōrua ꞌi ruŋa i a au ꞌe a au ki a kōrua, he ꞌata rahi te hua iŋa; ꞌe mo kore ōꞌoku, e ko ravaꞌa e kōrua mo aŋa i te meꞌe tano ki te mata o te ꞌAtua.

Iovani 17:23

A au i a rāua, ꞌe a koe i a au, pē ira tātou taꞌatoꞌa e tahi mau nō, ki ꞌite ai te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai, ꞌe e haŋa rō ꞌana koe ki te nuꞌu vaꞌai mai e koe, pa he haŋa iŋa mai ena ꞌā ōꞌou ki a au.

Iovani 3:3

He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

Iovani 3:5

He pāhono e Ietū: —ꞌĪ a au he kī atu: te taŋata mo taꞌe poreko mai roto i te vai ꞌe mai te ⌊Vārua Maitai⌋, e ko oꞌo ki roto i te haka tere iŋa ꞌāpī o te ꞌAtua.

Rōmano 16:10

E ꞌaroha ki a Āpere, he kope ko haka takeꞌa mai ꞌana i te pūai o tōꞌona haka moe iŋa i te manaꞌu ꞌi ruŋa i a Ietū, ꞌe, takoꞌa, ki te huaꞌai o Aritovuro.

Rōmano 16:11

E ꞌaroha ki a Erotione, hūrio takoꞌa pē au, ꞌe ki te nuꞌu o te huaꞌai o Naratito haka moe i te manaꞌu ꞌi ruŋa i a Ietū.

Rōmano 16:3

E ꞌaroha atu kōrua ki a Pirika ꞌe ki a ꞌĀkira; a rāua he hokorua ōꞌoku ꞌi te aŋa vaꞌai mai e Ietū Kiritō.

Rōmano 16:7

E ꞌaroha ki a Anatoroniko ꞌe ki a Hūnia, he ⌊hūrio⌋ takoꞌa pē au ꞌā, ꞌe he hokorua era ōꞌoku ꞌi roto i te hare maꞌuꞌaurī. He ⌊ꞌāpōtoro⌋ moꞌa rahi a rāua, ꞌe ꞌi raꞌe ki a au i haka moe ai i te rāua manaꞌu ꞌi ruŋa i a Ietū.

Rōmano 16:9

E ꞌaroha ki a ꞌUrupano, he hokorua aŋa o tātou ki te Kiritō, ꞌe ki tōꞌoku repahoa haŋa rahi ko ꞌĒtaki.

Rōmano 7:6

ꞌE hora nei, ꞌina he pūai toe o te haka tere iŋa ꞌa Mōtē ꞌi ruŋa i a tātou. Ko tano ꞌana ia a tātou ꞌi te hora nei mo aŋa i te meꞌe haŋa o te ꞌAtua, taꞌe ꞌō hai oho iŋa tuai haꞌatura ki te haka tere iŋa ꞌa Mōtē, hai oho iŋa ꞌāpī hāꞌūꞌū mai e te ⌊Vārua Maitai⌋.

Rōmano 8:1

Hora nei ꞌina he ūtuꞌa toe mo tātou mo te nuꞌu ꞌa Ietū Kiritō, nuꞌu ⌊haka moe i te manaꞌu⌋ ꞌi ruŋa i a ia,

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 13:11

Hora era ōꞌoku e ŋā poki nō ꞌā, e vānaŋa era, e manaꞌu era ꞌe e haka topa era i te manaꞌu pa he ŋā poki ꞌana; ꞌe hora nei ko paꞌari ꞌā, ko haka rē atu ꞌā e au i rā ŋā meꞌe.

2 Kōrinto 12:2

Ka hoꞌe ꞌahuru mā maha matahiti a tuꞌa i maꞌu ai e te ⌊Kiritō⌋ i a au, kope ⌊haka moe i te manaꞌu⌋ ꞌi ruŋa i a ia, ki te raŋi. Kai ꞌite riva-riva mai hoki hai hakari mau ꞌā ꞌo i toꞌo vārua nō; he ꞌAtua te meꞌe i ꞌite.

2 Kōrinto 5:16

ꞌO ira a mātou e taꞌe uꞌi haka ꞌou ena i te taŋata hoki a rāua he nuꞌu hōnui ꞌo he nuꞌu taꞌe hōnui, pa he manaꞌu iŋa o te taŋata o te ao nei. Pē ira mātou e uꞌi era i te Kiritō ꞌi muꞌa ꞌā, ꞌe, hora nei, ꞌina he uꞌi haka ꞌou pē ira.

2 Kōrinto 5:19

Hai mate era, paꞌi, o Ietū Kiritō ꞌi ruŋa i te tātaurō i aŋa ai e te ꞌAtua i te rāveꞌa mo haka riva-riva i te taŋata ki a ia ꞌe mo taꞌe tapa atu i te rāua hara. ꞌE ki a mātou i vaꞌai mai ai i te aŋa he haka ꞌite he oho i te roŋo nei.

2 Kōrinto 5:21

Te Kiritō ꞌina e tahi meꞌe taꞌe tano i aŋa, ꞌe, ka ai atu pē ira, te ꞌAtua i haka ūtuꞌa rō i a ia mo te tātou hara, ki tano ai mo kī: a tātou, te nuꞌu haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

Karatia 3:28

ꞌE ꞌi te hora nei, ki te mata o te ꞌAtua, taꞌe he meꞌe te ai ōꞌou he ⌊hūrio⌋ ꞌo he ⌊kirieko⌋, he ꞌekaravo ꞌo taꞌe he ꞌekaravo, he viꞌe ꞌo he taŋata. ꞌO te ai o tātou ꞌa Ietū Kiritō, a tātou taꞌatoꞌa e tahi mau nō.

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

Karatia 6:15

ꞌE, ki te mata o te ꞌAtua, ꞌina e tahi hauhaꞌa o te meꞌe he hore ꞌo he taꞌe hore o te kiri o te kinoŋa. Te meꞌe hauhaꞌa mōꞌona he haka ꞌāpī atu i a koe e te Vārua Maitai.

Ēfeto 2:10

Ko haka ꞌāpī ꞌana te ꞌAtua i te tātou noho iŋa ꞌo te ai o tātou ꞌa Ietū Kiritō, ki aŋa ai a tātou i te meꞌe riva-riva, ꞌe ki haka tano ai i te meꞌe manaꞌu e ia ꞌi muꞌa ꞌā mo aŋa e tātou.

Ēfeto 2:15

Pē nei te auraꞌa: ꞌi muꞌa ꞌā te hūrio e taꞌe haka au rō ꞌana ki te nuꞌu taꞌe hūrio ꞌo te taꞌe haꞌatura ki te ⌊haka tere iŋa ꞌa Mōtē⌋. ꞌE a Ietū, hai mate era ōꞌona ꞌi ruŋa i te tātaurō, i haka kore ai i te meꞌe ena he haꞌatura ki rā haka tere iŋa mo tano ki te mata o te ꞌAtua. I aŋa ai pē ira mo riro o te nuꞌu taꞌatoꞌa ꞌāꞌana, ka hūrio, ka taꞌe hūrio, e tahi mau nō nūnaꞌa, ꞌe mo haka poreko i te haumārū ꞌi roto i a rāua.

Fīripo 4:21

E ꞌaroha atu kōrua ki te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū. Te ŋā taina nei o muri i a au ꞌī e ꞌaroha atu ena ki a kōrua.