2 Kōrinto 5:15 - Rapa Nui

¹⁵ Te Kiritō i mate ai mo te taꞌatoꞌa, ki aŋa ai e tātou e te nuꞌu ora i tāꞌana meꞌe haŋa, ꞌe taꞌe ꞌō i te tātou meꞌe haŋa. A ia, paꞌi, i mate ai ꞌe i ora haka ꞌou mai ai mo tātou.

2 Kōrinto 5:15 ပူးပေါင်းရင်းမြစ်များ

Ruka 1:74

ki ai ai te tātou noho iŋa ꞌina he meꞌe mo riꞌa-riꞌa ꞌe ki taꞌe ai haka ꞌou ai ꞌi roto i te rima o te nuꞌu taꞌe haŋa mai, ki aŋa riva-riva ai tātou ki a ia

Iovani 5:24

»ꞌĪ a au he kī atu: te kope haka roŋo i tāꞌaku vānaŋa ꞌe haka moe i tōꞌona manaꞌu ꞌi ruŋa i te kope uŋa mai i a au, i a ia te ora ꞌāpī ꞌina he hopeꞌa raꞌa, ꞌe ꞌina he ūtuꞌa mōꞌona. Ko haka eꞌa ꞌana, paꞌi, e te ꞌAtua mai te ara o te mate ꞌe ko haka noho ꞌana ꞌi roto i te ara o te ora.

Iovani 6:57

»Te Matuꞌa uŋa mai era i a au e ora rō ꞌana, ꞌe hai ia a au e ora nei. Pē ira takoꞌa, te kope kai i a au he ora hai au.

Rōmano 12:1

E te taina, te ꞌAtua e haka ꞌaroha rō ꞌana i a tātou, ꞌe ꞌi ruŋa i a tātou tōꞌona riva rahi. ꞌO ira ꞌī a au he ani atu: e vaꞌai tahi kōrua i te kōrua hakari ꞌe i te kōrua manaꞌu ki te ꞌAtua pa he tūtia ora haꞌataꞌa māꞌana mo aŋa i tāꞌana meꞌe haŋa. Te meꞌe nei he rāveꞌa tano mo haꞌamuri ki te ꞌAtua.

Rōmano 4:25

vaꞌai era ki te mate mo te tātou hara, ꞌe haka ora haka ꞌou era mai te mate mo riro o tātou he taŋata tano ki te mata o te ꞌAtua.

Rōmano 6:2

¡Taꞌe pē ira! Ko mate ꞌā i a tātou te hara. ¿He aha ia a tātou ana noho nō ꞌi roto i te hara?

Rōmano 6:6

Ko ꞌite ꞌana a tātou: te huru era o tātou o muꞌa ꞌana ko mate ꞌā hora mate era o Ietū ꞌi ruŋa i te tātaurō. Pē ira i kore ai te pūai o te hara mai ruŋa i a tātou, ꞌo haka tere haka ꞌou i a tātou e te hara.

Rōmano 8:10

ꞌE, mo ai rō o te Kiritō ꞌi roto i a kōrua, he ora te kōrua vārua. Ko haka tano ꞌana, paꞌi, e te ꞌAtua i a kōrua ki tōꞌona mata, ka ai atu e mate rō te kōrua hakari, he ūtuꞌa o te hara.

Rōmano 8:2

ꞌi te meꞌe era te Vārua Maitai, vaꞌai i te ora ki te nuꞌu ꞌa Ietū Kiritō, haka tere i a tātou ꞌi te hora nei, ko haka eꞌa ꞌana i a tātou mai roto i te pūai o te hara maꞌu i a tātou ki te mate.

Rōmano 8:6

Te nuꞌu aŋa i te meꞌe taꞌe tano, te meꞌe mo ravaꞌa he mate. ꞌE te nuꞌu aŋa i te meꞌe haŋa o te Vārua Maitai, te meꞌe mo ravaꞌa he haumārū ꞌe he ora ꞌina he hopeꞌa raꞌa.

1 Kōrinto 10:33

E meꞌe kōrua pē au. Te meꞌe aŋa, paꞌi, ꞌāꞌaku he uꞌi i te rāveꞌa mo haka koa i te taꞌatoꞌa. ꞌIna a au he uꞌi i te meꞌe mo tōꞌoku riva-riva nō, mo te riva-riva takoꞌa o te rua a au e uꞌi nei, mo eꞌa o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

2 Kōrinto 12:10

ꞌĒ-ē, e koa rō ꞌana a au ꞌo tōꞌoku taꞌe pūai, ꞌo te vā-vā mai, ꞌo te kore o tāꞌaku meꞌe, ꞌo te tute mai mo tōtōā ꞌe ꞌo te ꞌati taꞌatoꞌa topa mai ꞌi ruŋa i a au ꞌi te ai ōꞌoku ꞌa Ietū Kiritō; ꞌi te hora taꞌe pūai ōꞌoku, paꞌi, ꞌi rā hora mau ꞌā e ꞌata pūai ena a au hai pūai ōꞌona.

2 Kōrinto 3:6

Hai hāꞌūꞌū mau nō ōꞌona e tano nei mātou mo haka ꞌite o ruŋa i te haka tere iŋa ꞌāpī ōꞌona ananake ko te taŋata, ꞌe te oho iŋa nei taꞌe hai haꞌatura ki te ⌊haka tere iŋa ꞌa Mōtē⌋ ana tano ki tōꞌona mata, hai ai o te Vārua Maitai ꞌi roto i te māhatu. Te meꞌe mo ravaꞌa hai haꞌatura ki te haka tere iŋa ꞌa Mōtē he mate, ꞌe te meꞌe vaꞌai e te Vārua Maitai he ora ꞌāpī ꞌina he hopeꞌa raꞌa.

2 Kōrinto 5:16

ꞌO ira a mātou e taꞌe uꞌi haka ꞌou ena i te taŋata hoki a rāua he nuꞌu hōnui ꞌo he nuꞌu taꞌe hōnui, pa he manaꞌu iŋa o te taŋata o te ao nei. Pē ira mātou e uꞌi era i te Kiritō ꞌi muꞌa ꞌā, ꞌe, hora nei, ꞌina he uꞌi haka ꞌou pē ira.

Karatia 5:25

ꞌE, ꞌi te meꞌe era te tātou noho iŋa ꞌāpī nei o te Vārua Maitai i vaꞌai mai, ki haꞌatiꞌa ia māꞌana e haka tika mai.

Ēfeto 4:17

Te meꞌe haŋa ꞌa Ietū Kiritō mo kī atu e au ko te meꞌe nei: ꞌina kōrua ko noho haka ꞌou pa he nuꞌu taꞌe ꞌite ko ai te ꞌAtua parautiꞌa. Te noho iŋa, paꞌi, o rā nuꞌu e haka tano ena ki te manaꞌu taꞌe hauhaꞌa ꞌe taꞌe hāꞌūꞌū i a rāua.

Ēfeto 5:14

O te mōrī, paꞌi, te haka takeꞌa i te huru parautiꞌa o te meꞌe. Pa he meꞌe kī ꞌi ruŋa i te ⌊Pāpaꞌi Moꞌa⌋: «Ka ꞌara koe, e haꞌuru mai ena; ka eꞌa mai roto i te nuꞌu mate, ꞌe mā Ietū Kiritō e haka māꞌeha atu i a koe».

Kōrosa 2:12

ꞌE, i ⌊papatito⌋ era, e tuꞌu rō ꞌā pa he meꞌe: ko mate ꞌā, ko tanu ꞌā, ꞌe ko ora haka ꞌou ꞌā kōrua mai te mate ꞌi muri i a Ietū ꞌo te haka moe i te manaꞌu ꞌi ruŋa i te parautiꞌa nei: e ai rō ꞌā te pūai o te ꞌAtua mo haka ora i te taŋata mai te mate.

Kōrosa 3:1

E te taina, ꞌi te meꞌe era ko haka ora ꞌana e te ꞌAtua i a kōrua ꞌi muri i a Ietū, te auraꞌa, ko vaꞌai atu ꞌana i te noho iŋa ꞌāpī, e haŋa kōrua ki te meꞌe o te raŋi, he kona ꞌi ira a Ietū e noho ena ꞌi te pāꞌiŋa mataꞌu o te ꞌAtua.

Kōrosa 3:17

Te meꞌe taꞌatoꞌa kī ꞌe aŋa e kōrua, e tano o te nuꞌu ꞌa Ietū Kiritō. ꞌE e māuru-uru e oho ki te ꞌAtua Matuꞌa mo te meꞌe taꞌatoꞌa aŋa e Ietū mo kōrua.

Kōrosa 3:23

Taꞌatoꞌa meꞌe o kōrua mo aŋa, e aŋa hai māhatu pa he meꞌe: e aŋa ꞌā kōrua ki a Ietū ꞌe taꞌe ki te taŋata.

1 Tētārōnika 5:10

A ia i mate ai mo tātou, mo noho o tātou ꞌi muri i a ia, ka ai atu ꞌi te hora era o tōꞌona hoki iŋa mai e ora rō ꞌā ꞌo e mate rō ꞌā a tātou.

Tito 2:14

A Ietū, paꞌi, ko vaꞌai ꞌā i a ia ki te mate mo kore o te pūai o te hara mai ruŋa i a tātou, ki ai ai tātou he nuꞌu haꞌataꞌa māꞌana, ꞌina e tahi hara, ꞌe haŋa mo aŋa i te meꞌe riva-riva ki tōꞌona mata.

1 Pētero 4:6

ꞌE ki te taina ko mate ꞌā ꞌi te hora nei i haka ꞌite rō i te ⌊roŋo riva-riva o ruŋa i a Ietū⌋ ꞌi te hora era e ora nō ꞌā, mo ravaꞌa e te rāua vārua i te ora ꞌi muri i te ꞌAtua, ka ai atu ko mate ꞌana te rāua hakari taŋata, he ūtuꞌa mau ꞌā mo te taŋata taꞌatoꞌa.

1 Iovani 4:9

Ko haka takeꞌa mai ꞌana e te ꞌAtua i tōꞌona haŋa hai uŋa mai i tāꞌana Poki mau nō era e tahi ki te ao nei mo ravaꞌa e tātou te ora ꞌāpī ꞌina he hopeꞌa raꞌa hai ia.

Meꞌe Haka Takeꞌa 1:18

he kope e ora rō ꞌā. I mate rō a au, ꞌe, hora nei, he ora he oho mau rō ꞌai ꞌātā ki te hopeꞌa raꞌa. Te tāviri o te mate i a au.