2 Kōrinto 5:11 - Rapa Nui

¹¹ He moꞌa o mātou i te Kiritō ꞌe he haŋa mo haꞌatura ki a ia, e kimi nei a mātou i te rāveꞌa taꞌatoꞌa mo aŋi-aŋi e te nuꞌu i te roŋo parautiꞌa o te ꞌAtua, mo haka moe o rāua i te manaꞌu ꞌi ruŋa i a Ietū. Te ꞌAtua e ꞌite rō ꞌana e aŋa nei a mātou i te meꞌe nei hai māhatu maꞌitaki, ꞌe a mātou e haŋa rō ꞌā mo ꞌite takoꞌa e kōrua.

2 Kōrinto 5:11 ပူးပေါင်းရင်းမြစ်များ

Māteo 10:28

ꞌIna kōrua ko riꞌa-riꞌa ꞌi te nuꞌu he hakari nō te meꞌe o rāua mo ravaꞌa mo tiŋaꞌi mo haka mate, taꞌe he vārua o kōrua; ka riꞌa-riꞌa ꞌi te ꞌAtua, he kope i a ia te parau mo hoa i te hakari ararua ko te vārua ki roto i te pōꞌauahi.

Māteo 25:46

He kī ia e Ietū: —Te hopeꞌa mo te nuꞌu o te pāꞌiŋa maui he ūtuꞌa ꞌina he hopeꞌa raꞌa, ꞌe mo te nuꞌu o te pāꞌiŋa mataꞌu tano ki te mata o te ꞌAtua he ora ꞌina he hopeꞌa raꞌa.

Ruka 12:5

ꞌĪ a au he kī atu ko ai mau te meꞌe o kōrua mo riꞌa-riꞌa: e riꞌa-riꞌa ꞌi te kope taꞌe nō i a ia te parau mo tiŋaꞌi i te hakari, i a ia takoꞌa te parau mo hoa i te vārua ki roto i te pōꞌauahi. Ko rā kope te meꞌe o kōrua mo riꞌa-riꞌa.

Ruka 16:31

»He kī e ꞌAparahama: “Mo taꞌe haka roŋo ꞌe mo taꞌe haꞌatura i te meꞌe pāpaꞌi e Mōtē ꞌe e te perofeta, pē ira ꞌā ka taꞌe haka roŋo takoꞌa era ka ai atu he ora haka ꞌou te taŋata mai te mate”».

Aŋa o te ꞌĀpōtoro 13:43

I maraŋa era te taŋata mai te hare pure, meꞌe rahi nuꞌu hūrio ꞌe nuꞌu maꞌu takoꞌa i te haka tere iŋa hūrio i oho ꞌi muri i a Pauro ararua ko Verenāvē. ꞌE he hatu e kuā Pauro mo haka noho mo oho nō i te manaꞌu ꞌi ruŋa i te riva rahi o te ꞌAtua.

Aŋa o te ꞌĀpōtoro 18:13

He kī ki a Karione: —Te kope nei e hāpī e oho ꞌana ki te taŋata mo haꞌamuri ki te ꞌAtua hai oho iŋa taꞌe tano ki te mātou haka tere iŋa.

Aŋa o te ꞌĀpōtoro 18:4

Paurō te ⌊mahana haka ora⌋ e oho era a Pauro ki te ⌊hare pure hūrio⌋. ꞌI ira e vānaŋa ꞌe e tātake era ananake ko te nuꞌu hūrio ꞌe taꞌe hūrio, he haŋa mo aŋi-aŋi e rā nuꞌu he parautiꞌa tāꞌana meꞌe hāpī o ruŋa i a Ietū.

Aŋa o te ꞌĀpōtoro 19:26

Ko ŋaroꞌa ꞌana ꞌe ko takeꞌa ꞌā e kōrua te taŋata ena ko Pauro nā e kī e oho ꞌana: te meꞌe aŋa e te taŋata mo ꞌatua taꞌe he ꞌatua. I rahi rō te taŋata i haka roŋo ꞌe i manaꞌu pē ira, taꞌe nō ꞌi nei ꞌi Ēfeto, ꞌi te kona taꞌatoꞌa o ꞌĀtia.

Aŋa o te ꞌĀpōtoro 26:26

Nā te ꞌariki ena ko ꞌAkiripa nā ko aŋi-aŋi riva-riva ꞌana i te ŋā meꞌe nei. ꞌO ira a au e taꞌe riꞌa-riꞌa ena mo vānaŋa atu ꞌi muꞌa i a ia. Ko ꞌite ꞌana a au e ꞌite rō ꞌana e ia i te ŋā meꞌe taꞌatoꞌa nei; taꞌe, paꞌi, he meꞌe i topa ꞌi te kona mo taꞌe takeꞌa.

Aŋa o te ꞌĀpōtoro 28:23

He haꞌaꞌau ia a Pauro ananake ko tū nuꞌu era i te mahana mo piri haka ꞌou o rāua. I tuꞌu era ki rā mahana, he oho meꞌe rahi nuꞌu ki te hare ꞌi ira e noho era a Pauro. Mai te pōꞌā ki te ahi-ahi i vānaŋa ai a Pauro o ruŋa i te ⌊haka tere iŋa ꞌāpī o te ꞌAtua⌋. E uꞌi ꞌana mo haka aŋi-aŋi riva-riva ki rā nuꞌu o ruŋa i a Ietū hai meꞌe pāpaꞌi e ⌊Mōtē⌋ ꞌe e te perofeta.

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

2 Kōrinto 5:20

He nuꞌu vānaŋa mātou hai ꞌīŋoa o te Kiritō, ꞌe hai mātou te ꞌAtua e vānaŋa atu ena ki a kōrua. ꞌO ira, hai ꞌīŋoa o te Kiritō he ani atu mātou: e haka moe kōrua i te manaꞌu ꞌi ruŋa i te roŋo parautiꞌa o ruŋa i te Kiritō mo riva-riva o kōrua ki te ꞌAtua.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

Karatia 1:10

Ki te kōrua manaꞌu, ¿e aŋa nei a au mo koa o te taŋata ꞌo mo koa o te ꞌAtua? ꞌĀhani mo koa o te taŋata, taꞌe ia a au he tāvini o te Kiritō.

Ēfeto 5:21

E te taina, e moꞌa kōrua ꞌi roto i a kōrua ꞌana, ki takeꞌa ai e moꞌa rō ꞌana kōrua i a Ietū Kiritō.

ꞌEvereo 10:31

¡He taparahi-taꞌata e tahi te meꞌe ena ꞌi te rima o te ꞌAtua koe mo haka ūtuꞌa atu!

ꞌEvereo 12:29

ꞌIna ko rehu i a kōrua: te tātou ꞌAtua pa he ahi haka kore tahi i te meꞌe taꞌe tano.

Hura 1:23

ꞌE ki te tētahi e uꞌi e haka eꞌa mai roto i te ūtuꞌa o te pōꞌauahi. E haka ꞌaroha kōrua i te nuꞌu hara, ꞌe e uꞌi kōrua e te hara era o rāua pa he ꞌōꞌone haka pea-pea i te kahu, ꞌo pea-pea takoꞌa rō kōrua.

Meꞌe Haka Takeꞌa 20:15

ꞌe ꞌi ira i hoa ai i te nuꞌu ꞌina te rāua ꞌīŋoa o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.