2 Kōrinto 5:10 - Rapa Nui

¹⁰ A tātou taꞌatoꞌa, paꞌi, hoko tahi hoko tahi ka māroa ena ꞌi muꞌa o te ⌊Kiritō⌋, mo kī mai e ia i te tano ꞌe i te taꞌe tano o te tātou meꞌe aŋa, ꞌe mo vaꞌai mai e ia i te meꞌe tano ki te huru o te meꞌe i aŋa ꞌi te hora e noho nō ꞌā hai hakari nei, ka ai atu he meꞌe riva-riva ꞌo he meꞌe taꞌe tano te meꞌe i aŋa.

2 Kōrinto 5:10 ပူးပေါင်းရင်းမြစ်များ

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Aŋa o te ꞌĀpōtoro 10:42

ꞌE ko uŋa mai ꞌā i a mātou mo haka ꞌite ki te taŋata ko vaꞌai ꞌā e te ꞌAtua i te parau ki a ia mo ture ki te nuꞌu ora ꞌe ki te nuꞌu mate.

Aŋa o te ꞌĀpōtoro 17:31

Te ꞌAtua ko uꞌi era ꞌana i te mahana mo ture e te kope haꞌataꞌa e ia i te taŋata taꞌatoꞌa o te ao hai tī-tika ꞌe hai parautiꞌa. ꞌE hai haka ora i rā kope mai te mate i haka aŋi-aŋi ai e te ꞌAtua ki te nuꞌu taꞌatoꞌa ko ai rā kope».

Rōmano 2:16

ꞌi te mahana ture e te ꞌAtua hai Ietū Kiritō i te taꞌatoꞌa meꞌe aŋa ꞌe manaꞌu e te taŋata, ꞌātā i te meꞌe taꞌe ꞌite e te rua. He meꞌe nei te meꞌe haka ꞌite ꞌi ruŋa i te ⌊roŋo riva-riva o te ꞌAtua⌋ hāpī e au.

Rōmano 6:19

(E haꞌaauraꞌa atu ena a au hai ꞌekaravo he aŋa riꞌa-riꞌa o kōrua mo aŋi-aŋi i te ŋā meꞌe nei). ꞌO ira, pa he vaꞌai iŋa o kōrua i te hakari mo aŋa i te meꞌe taꞌe tano ꞌi muꞌa ꞌā, pē ira takoꞌa ꞌā ana vaꞌai ꞌi te hora nei i te hakari mo aŋa i te meꞌe riva-riva ki te mata o te ꞌAtua, ki ai ai te kōrua huru ꞌe te kōrua noho iŋa e tano rō ꞌā ki a ia.

1 Kōrinto 4:5

ꞌO ira, e haka kore te kōrua kī i te tano ꞌe i te taꞌe tano o te meꞌe aŋa e te rua. Ki tiaki tātou ki te hoki iŋa mai o te Kiritō. Māꞌana e haka ꞌite mai i te manaꞌu o te taŋata taꞌe ꞌite e te rua ꞌe he haka aŋi-aŋi mai he aha i manaꞌu ai pē ira. ꞌI rā hora e ture rō ꞌe e haꞌahana-hana rō e te ꞌAtua i te taꞌatoꞌa tano ki te rāua meꞌe i aŋa.

2 Kōrinto 7:3

Taꞌe he riri mo kōrua e kī atu ena i te ŋā meꞌe nei. ꞌI muꞌa ꞌā, paꞌi, i kī rō atu au e maꞌu rō ꞌana a au i a kōrua ꞌi roto i tōꞌoku māhatu; ka ora ꞌo ka mate a au, e ko kore kōrua mai roto.

Ēfeto 6:8

E ꞌite: e ai rō ꞌā te meꞌe mo vaꞌai e te ꞌAtua ki te taŋata, ka ꞌekaravo ꞌo ka taꞌe ꞌekaravo, ꞌo te meꞌe riva-riva aŋa e rāua.

ꞌEvereo 9:27

E tahi mau nō mate iŋa o tātou o te taŋata ꞌe ki oti ka kī mai ena e te ꞌAtua i te tano ꞌe i te taꞌe tano o te tātou meꞌe aŋa.

1 Pētero 4:5

Ka ai atu pē ira, pe muꞌa ka oho ena, ka taꞌe haŋa atu e rāua, e kī tahi nō i te rāua meꞌe i aŋa ki te kope māꞌana e ture i te nuꞌu ora ꞌe i te nuꞌu mate.

Meꞌe Haka Takeꞌa 22:12

He kī haka ꞌou ia e Ietū: «He aŋi ꞌā, e ko roa hia au ka tuꞌu atu ena. E maꞌu rō atu a au i te meꞌe mo vaꞌai mo haka koa o te nuꞌu, tano ki te rāua meꞌe i aŋa.