2 Kōrinto 4:4 - Rapa Nui

⁴ Te nuꞌu nei, ꞌi te taꞌe haka moe i te rāua manaꞌu ꞌi ruŋa i a Ietū, ko haka pōhāhā ꞌā i te rāua manaꞌu e Rukifero, ꞌatua o te ao nei, ꞌo aŋi-aŋi, ꞌo takeꞌa i te māꞌeha o te mōrī o te roŋo riva-riva o ruŋa i te pūai ꞌe i te nui-nui o te ⌊Kiritō⌋, ꞌāriŋa ora o te ꞌAtua.

2 Kōrinto 4:4 ပူးပေါင်းရင်းမြစ်များ

Māteo 13:22

»Te kona mauku pū-pū vī-viri era o te karu he nuꞌu haka roŋo i te roŋo o te ꞌAtua, ꞌe, ꞌi te pūai o te haŋa ki te meꞌe o te ao nei ꞌe ki te ꞌono he mira-mira te manaꞌu. Taꞌatoꞌa meꞌe nei he haka vavau i te vānaŋa o te ꞌAtua ꞌe ꞌina e ko haka rē mo hua ꞌi roto i a rāua.

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 1:18

ꞌIna e tahi taŋata i takeꞌa i te ꞌAtua; o tāꞌana Poki nō era e tahi, he ꞌAtua, noho ꞌi muri i a ia, i takeꞌa ꞌe i haka ꞌite mai o ruŋa.

Iovani 12:31

He hora era nei mo kī i te ūtuꞌa mo te taŋata taꞌatoꞌa o te ao ꞌe mo rē o te ꞌAtua ki te kope ꞌāꞌana te haka tere i te ao nei ko Rukifero.

Iovani 12:35

He kī e Ietū: —Mahana taꞌe rahi te mahana toe ka noho atu ena ꞌi roto i a kōrua te mōrī haka māꞌeha i te kōrua manaꞌu. ꞌO ira, ka hāꞌere ꞌi roto i te māꞌeha mai ai atu ꞌana te mōrī, ꞌo ravaꞌa a kōrua e te pōhāhā. Te kope haꞌere, paꞌi, a roto i te pōhāhā, ꞌina he takeꞌa a hē a ia e oho ena.

Iovani 12:40

«Te nuꞌu hārui i te ꞌAtua hai tuaꞌivi ko haka keva ꞌā e ia i te mata ꞌo takeꞌa, ꞌe ko haka mira-mira ꞌana i te manaꞌu ꞌo aŋi-aŋi; ꞌo huri mai te rāua manaꞌu a ruŋa i a au ꞌe ꞌo haka ora e au».

Iovani 12:45

ꞌE te kope takeꞌa i a au te meꞌe takeꞌa he kope uŋa mai i a au.

Iovani 14:30

ꞌIna a au e ko vānaŋa rahi haka ꞌou atu; nā, paꞌi, e oho mai ena te kope ꞌāꞌana te ao nei te haka tere. ꞌE, ka ai atu ꞌāꞌana te haka tere, taꞌe i a ia te parau ōꞌoku.

Iovani 15:24

ꞌE, ꞌāhani i taꞌe aŋa e au i te mana kai aŋa ꞌā e te rua kope, e ko ai te rāua hape ꞌo te hārui mai i a au hai tuaꞌivi. A rāua ko takeꞌa ꞌana i tōꞌoku aŋa iŋa i te ŋā meꞌe nei ꞌe, ka ai atu pē ira, ko te maꞌu iŋa ꞌā i te riri mōꞌoku ꞌe mo tōꞌoku Matuꞌa.

Iovani 16:11

ꞌe te kope ꞌi ruŋa i a ia ka topa ena te ture o te ꞌAtua: ko te kope ena ꞌāꞌana te ao te haka tere, te auraꞌa, ko Rukifero, he kope ko ai era ꞌā tōꞌona ūtuꞌa.

Iovani 8:12

Ko roa atu ꞌā te hora he vānaŋa haka ꞌou a Ietū ki te taŋata, he kī pē nei ē: —A au he mōrī haka māꞌeha i te manaꞌu o te taŋata o te ao; te kope oho mai ki a au e ko oho a roto i te pōhāhā. He ai i a ia te mōrī vaꞌai i te ora ꞌāpī ꞌina he hopeꞌa raꞌa.

Aŋa o te ꞌĀpōtoro 26:18

Taꞌa meꞌe ka aŋa ena he haka ꞌara i te rāua mata, ki eꞌa ai mai roto i te pōhāhā ki roto i te māꞌeha, ꞌe mai te rima o Rukifero ki te rima o te ꞌAtua, ki haka moe ai i te rāua manaꞌu ꞌi ruŋa i a au. Pē ira te ꞌAtua ana haka kore i te rāua hara, ꞌe he oꞌo a rāua ki roto i te nūnaꞌa taŋata haꞌataꞌa e te ꞌAtua māꞌana”.

Aŋa o te ꞌĀpōtoro 26:23

e mate rō te ⌊Kiritō⌋, ꞌe ko ia te raꞌe ka ora ena mai te mate, ki haka māꞌeha ai pa he mōrī i te manaꞌu o te hūrio ꞌe o te nuꞌu taꞌe he hūrio hai haka ꞌite ki a rāua i te rāveꞌa pē hē te ꞌAtua ana haka eꞌa i te taŋata mai roto i te ūtuꞌa o te hara ꞌe ana vaꞌai i te ora ꞌāpī ꞌina he hopeꞌa raꞌa.

1 Kōrinto 10:20

Te ꞌati nō, hora ena e tūtia ena ki te ꞌītoro, e tūtia ꞌana ki te tātane, taꞌe ki te ꞌAtua, ꞌe ꞌina a au kai haŋa mo ai e tahi meꞌe o kōrua o te tātane.

2 Kōrinto 2:11

ꞌo rē a Rukifero; ko ꞌite ꞌana, paꞌi, e tātou he aha tāꞌana meꞌe haŋa.

2 Kōrinto 2:12

I tuꞌu era a au ki Toroare, meꞌe rahi te ꞌōpani i mātaki mai e te tātou Pūꞌoko Haka Tere mo haka ꞌite ōꞌoku ꞌi ira i te roŋo riva-riva o te Kiritō.

2 Kōrinto 3:11

Mo ai ia he meꞌe pūai ꞌe nui-nui te haka tere iŋa raꞌe era, haka tere iŋa era mo ŋaro, ꞌata hau rō atu ia te pūai ꞌe te nui-nui o te haka tere iŋa ꞌāpī nei, he meꞌe e ko ŋaro ki te hora hopeꞌa.

2 Kōrinto 3:14

ꞌE te itaraera, ꞌātā ki te hora nei, ꞌina he haŋa mo aŋi-aŋi pē nei ē: te haka tere iŋa tuai o te ꞌAtua ananake ko te taŋata he meꞌe mo ŋaro. E taiꞌo ena i rā haka tere iŋa, e tuꞌu rō ꞌā pa he meꞌe ena ē: e ai rō ꞌā te meꞌe puru i te rāua manaꞌu ꞌo aŋi-aŋi i te parautiꞌa. ꞌE te meꞌe mau nō mo kume i te meꞌe puru i te rāua manaꞌu ꞌo aŋi-aŋi he ⌊haka moe i te manaꞌu⌋ ꞌi ruŋa i a Ietū.

2 Kōrinto 3:18

Hora nei a tātou taꞌatoꞌa, te nuꞌu haka moe i te manaꞌu ꞌi ruŋa i a Ietū, kume o te meꞌe puru o te ꞌāriŋa, e haka takeꞌa ena i te pūai ꞌe i te nui-nui o te tātou Pūꞌoko Haka Tere, pa he ꞌata ꞌi roto i te hiꞌo, ꞌe a ia hai Vārua Maitai e aŋa e oho ena ꞌi roto i te tātou māhatu mo haka riro mo oho i te tātou huru pa he huru riva mau ꞌā ōꞌona.

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

Karatia 1:4

A Ietū i vaꞌai ai i a ia mo mate mo haka kore e te ꞌAtua i te tātou hara ꞌe mo haka eꞌa i a tātou mai roto i te noho iŋa taꞌe tano o te ao, ꞌi te meꞌe era ko haŋa ꞌā e te ꞌAtua, Matuꞌa o tātou.

Ēfeto 2:2

Te noho iŋa era o kōrua e haka tano era ki te noho iŋa taꞌe tano o te nuꞌu o te ao nei taꞌe haŋa ki te ꞌAtua, ꞌe e aŋa era i te meꞌe haŋa ꞌa Rukifero, he pūꞌoko haka tere o te tātane e noho mai ena ꞌi roto i te tokerau. ꞌĀꞌana te haka tere i te manaꞌu o te nuꞌu taꞌe haꞌatura ki te ꞌAtua.

Ēfeto 6:12

Taꞌe a tātou e moto ꞌā ki te taŋata; e moto ꞌana ki te tātane, te auraꞌa, ki a Rukifero ꞌe ki tāꞌana vaꞌehau taꞌatoꞌa ꞌina he takeꞌa mai haka tere i te nuꞌu noho ꞌi roto i te pōhāhā.

Fīripo 2:6

pē nei ē: Ka ai atu a ia he ꞌAtua, i haŋa nō mo haka rē i rā tōroꞌa

Kōrosa 1:15

O te ⌊Kiritō⌋ te haka ꞌite mai i te huru o te ꞌAtua, kope ꞌina he takeꞌa e tātou. Te Kiritō ko ai era ꞌana ꞌi raꞌe ki te aŋa i te ao, ꞌe i hau rō atu ki te meꞌe taꞌatoꞌa aŋa e te ꞌAtua.

Kōrosa 1:27

nuꞌu ki a rāua te ꞌAtua i haŋa ai mo haka ꞌite pē nei ē: te hauhaꞌa taꞌatoꞌa o rā parautiꞌa mo te nuꞌu taꞌe hūrio takoꞌa. ꞌE rā parautiꞌa ko te meꞌe nei: a Ietū Kiritō e noho takoꞌa rō ꞌana, hai Vārua Maitai, ꞌi roto i a kōrua i te nuꞌu taꞌe hūrio. ꞌE hai noho atu ōꞌona ꞌi roto i a kōrua he ꞌite kōrua pē nei ē: pe muꞌa ka oho ena a kōrua takoꞌa ꞌi roto i tōꞌona nui-nui, te auraꞌa: i a kōrua takoꞌa tōꞌona huru riva.

1 Timoteo 1:11

He hāpī nā o te roŋo riva-riva hopeꞌa o te nui-nui mo haka ꞌite e au, uŋa mai e te ꞌAtua, ki a ia ana haꞌahana-hana.

Tito 2:13

ꞌātā ka tuꞌu rō mai te meꞌe nui-nui tiaki e tātou: he hoki iŋa haka ꞌou mai o te tātou ꞌAtua pūai ko Ietū Kiritō, kope haka eꞌa i te taŋata mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

ꞌEvereo 1:3

Te ꞌana-ꞌana ꞌe te pūai nui-nui o te ꞌAtua e takeꞌa ena ꞌi ruŋa i tāꞌana Poki; a ia he ꞌāriŋa mau ꞌā o te ꞌAtua, ꞌe ꞌāꞌana te haka noho i te meꞌe taꞌatoꞌa o te ao ꞌi tōꞌona kona hai kī mau nō e ia. I tuꞌu mai era ki te ao nei, he aŋa tahi i tāꞌana meꞌe taꞌatoꞌa mo aŋa mo haka kore e te ꞌAtua i te tātou hara. I oti tahi era nei aŋa, he hoki ki te raŋi ꞌe he noho ꞌi te pāꞌiŋa mataꞌu o te ꞌAtua.

ꞌEvereo 6:4

Te nuꞌu haka māꞌeha e te ꞌAtua i te manaꞌu o ruŋa i te parautiꞌa aŋi-aŋi i te riva rahi o te ꞌAtua, i te pūai o te ⌊Vārua Maitai⌋,

2 Pētero 1:19

Pē ira a mātou e ꞌite nei: te meꞌe taꞌatoꞌa kī era e te perofeta o muꞌa ꞌā o ruŋa i a Ietū he parautiꞌa mau ꞌā, ꞌe te meꞌe tano o kōrua mo aŋa he haka roŋo takoꞌa ki rā ŋā meꞌe kī era e rāua ꞌo te ai rā ŋā meꞌe pa he hakariꞌi pura ꞌi te kona pōhāhā, ꞌātā ki te ꞌōtea ꞌe ki te eꞌa iŋa o te hetuꞌu popohaŋa mo haka māꞌeha i te kōrua māhatu, te auraꞌa, ꞌātā ki te hoki iŋa mai o Ietū Kiritō, hora ka haka aŋi-aŋi mai ena i te meꞌe taꞌatoꞌa.

1 Iovani 2:11

ꞌE te kope riri mo tōꞌona taina ꞌi roto i te pōhāhā e noho ꞌe e haꞌere ena, ꞌe ꞌina he ꞌite ki hē e oho ena, ꞌi te meꞌe era ꞌi te pōhāhā ꞌina he takeꞌa haka ꞌou.

1 Iovani 2:8

ꞌE, ka ai atu pē ira, e haka ꞌite atu ena ꞌi nei roŋo pa he meꞌe ꞌāpī. Ko takeꞌa ꞌā, paꞌi, ꞌi ruŋa i a Ietū ꞌe ꞌi ruŋa i a kōrua. Hai haꞌatura ki te roŋo nei he ŋaro he oho te meꞌe he pōhāhā, ꞌe he māꞌeha he oho te hāpī parautiꞌa o te ꞌAtua pa he mōrī.

1 Iovani 5:19

A tātou ko ꞌite takoꞌa ꞌana: o te ꞌAtua a tātou, ka ai atu ꞌa Rukifero te haka tere i te ao nei.