2 Kōrinto 4:18 - Rapa Nui

¹⁸ ꞌO ira, te meꞌe manaꞌu o mātou taꞌe he meꞌe o te ao nei, pa he ꞌati topa mai. Te mātou manaꞌu e haka noho nei ꞌi ruŋa i te meꞌe o te raŋi. Te meꞌe takeꞌa, paꞌi, o te ao nei e ko roa he ŋaro, ꞌe te meꞌe taꞌe takeꞌa vaꞌai mai e te ꞌAtua e ko ŋaro ki te hora hopeꞌa.

2 Kōrinto 4:18 ပူးပေါင်းရင်းမြစ်များ

Māteo 25:46

He kī ia e Ietū: —Te hopeꞌa mo te nuꞌu o te pāꞌiŋa maui he ūtuꞌa ꞌina he hopeꞌa raꞌa, ꞌe mo te nuꞌu o te pāꞌiŋa mataꞌu tano ki te mata o te ꞌAtua he ora ꞌina he hopeꞌa raꞌa.

2 Kōrinto 5:7

E haka tere nei a mātou ꞌi te ao nei hai ⌊haka moe i te manaꞌu⌋ ꞌi ruŋa i a ia ꞌe ꞌi ruŋa i tāꞌana meꞌe hōrea mai era, ka ai atu ꞌina he takeꞌa mai.

2 Tētārōnika 2:16

ꞌE mā Ietū Kiritō mau ꞌā, Pūꞌoko Haka Tere o tātou, ꞌe mo te ꞌAtua, Matuꞌa o tātou, haŋa mai ꞌe vaꞌai mai hai riva rahi ōꞌona i te koa ꞌina he hopeꞌa raꞌa ꞌe i te ꞌite pē nei ē: pe muꞌa ka oho ena e vaꞌai rō mai i te meꞌe hōrea mai era e ia,

ꞌEvereo 11:1

¿Pē hē e ꞌite ena ko haka moe mau ꞌana a tātou i te manaꞌu ꞌi ruŋa i te ꞌAtua? Hai ꞌite e tātou pē nei ē: he parautiꞌa mau ꞌā e ai rō i a tātou te meꞌe e tiaki nei, ꞌe he parautiꞌa takoꞌa mo tātou e ai mau rō ꞌā te ŋā meꞌe ena ꞌina e tātou he takeꞌa.

ꞌEvereo 11:13

Te nuꞌu taꞌatoꞌa nei i mā-mate ai e haka moe nō ꞌana i te manaꞌu ꞌi ruŋa i te ꞌAtua, ka ai atu ꞌina kai ai hia ꞌā i a rāua te meꞌe hōrea era e te ꞌAtua. A rāua, paꞌi, e ꞌite rō ꞌana: pe muꞌa ka oho ena i a rāua rā ŋā meꞌe taꞌatoꞌa, ꞌe e koa rō ꞌā o ruŋa. ꞌE e aŋi-aŋi rō ꞌana ꞌe e kī rō ꞌana: te ao nei taꞌe he kāiŋa mau o rāua.

ꞌEvereo 9:11

ꞌE hora nei, ko oꞌo ꞌana te ⌊Kiritō⌋ mo oromatuꞌa hopeꞌa o te ra-rahi o te meꞌe riva-riva taꞌatoꞌa e ai ena mo tātou hai tūtia i a ia, ꞌe e aŋa mai ena ꞌi te Kona ꞌAta Moꞌa ꞌata nui-nui ꞌe ꞌata riva-riva ꞌi te meꞌe era taꞌe o te taŋata i aŋa ꞌe taꞌe o te ao nei.

1 Iovani 2:25

ꞌE te meꞌe hōrea mai era e Ietū Kiritō ko te meꞌe nei: he ora ꞌāpī ꞌina he hopeꞌa raꞌa.