2 Kōrinto 4:13 - Rapa Nui

¹³ A mātou pa he kope kī ꞌi ruŋa i te ⌊Pāpaꞌi Moꞌa⌋ pē nei ē: «E haka moe rō ꞌana a au i tōꞌoku manaꞌu ꞌi ruŋa i te ꞌAtua, ꞌo ira a au e vānaŋa nei o ruŋa i a ia». ꞌE, pa he oho iŋa era ꞌā o rā kope, a mātou takoꞌa, ꞌi te haka moe iŋa i te manaꞌu ꞌi ruŋa i te Kiritō, e haka ꞌite e oho nei o ruŋa i a ia.

2 Kōrinto 4:13 ပူးပေါင်းရင်းမြစ်များ

Aŋa o te ꞌĀpōtoro 15:11

A tātou ko ꞌite riva-riva ꞌā: hai riva rahi mau nō o Ietū e eꞌa ena a tātou mai roto i te ūtuꞌa o te hara ꞌe e ravaꞌa ena i te ora ꞌāpī ꞌina he hopeꞌa raꞌa vaꞌai e te ꞌAtua, ꞌe pē ira takoꞌa ꞌana a rāua».

Rōmano 1:12

Te kī: ki haka pūai tātou i a tātou ꞌā ꞌi te haka moe iŋa i te manaꞌu ꞌi ruŋa i a Ietū.

1 Kōrinto 12:9

O te Vārua Maitai te vaꞌai ki te tētahi taŋata i te pūai mo ꞌata haka moe i tōꞌona manaꞌu ꞌi ruŋa i a Ietū, ꞌe ki te tētahi haka ꞌou atu i te pūai mo haka ora i te māui-ui.

2 Kōrinto 3:12

ꞌE, ꞌo te ꞌite o mātou e ko ŋaro te haka tere iŋa ꞌāpī nei, ꞌina e tahi mātou meꞌe naꞌa e haka ꞌite e oho nei o ruŋa.

2 Kōrinto 4:12

A mātou e oho mau rō ꞌā mo mate ꞌo te haka ꞌite i te roŋo riva-riva o ruŋa i a Ietū, ꞌe a kōrua, hai nei meꞌe mau ꞌā, e ravaꞌa ena i te ora ꞌāpī ꞌina he hopeꞌa raꞌa.

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.