2 Kōrinto 4:12 - Rapa Nui

¹² A mātou e oho mau rō ꞌā mo mate ꞌo te haka ꞌite i te roŋo riva-riva o ruŋa i a Ietū, ꞌe a kōrua, hai nei meꞌe mau ꞌā, e ravaꞌa ena i te ora ꞌāpī ꞌina he hopeꞌa raꞌa.

2 Kōrinto 4:12 ပူးပေါင်းရင်းမြစ်များ

Aŋa o te ꞌĀpōtoro 20:24

Te meꞌe era ꞌina e au he tapa atu, ka ai atu he mate a au. Te meꞌe haŋa nō ꞌāꞌaku he haka oti tahi hai koa i te aŋa vaꞌai mai e Ietū, he haka ꞌite he oho i te roŋo riva-riva o ruŋa i te riva rahi o te ꞌAtua.

1 Kōrinto 4:10

E manaꞌu ena te nuꞌu o te ao nei he maꞌa-maꞌa a mātou ꞌo te aŋa ki te Kiritō, ꞌe a kōrua e manaꞌu ena: ꞌo te ai a kōrua o te Kiritō he nuꞌu mārama-rama. Ki te manaꞌu takoꞌa o te nuꞌu o te ao nei he nuꞌu taꞌe pūai a mātou, ꞌe a kōrua e manaꞌu ena he nuꞌu pūai kōrua. Te nuꞌu o te ao e taꞌe haka au rō ꞌana i a mātou, ꞌe ki a kōrua e moꞌa atu ena.

2 Kōrinto 12:15

ꞌE hai koa a au ka haka pau tahi atu ena i tāꞌaku meꞌe mo kōrua, ꞌe ꞌātā i a au mau nei ꞌā mo te kōrua riva-riva. Mo ꞌata haŋa atu ia ōꞌoku ki a kōrua, ¿he rehe he oho hō te kōrua haŋa iŋa mai?

2 Kōrinto 13:9

He koa a mātou mo pūai o kōrua ꞌi te ara parautiꞌa o te ꞌAtua ka ai atu e ai rō ꞌana te nuꞌu manaꞌu ꞌina mātou pūai pa he ꞌāpōtoro. ꞌE he pure he oho a mātou mo kōrua mo tuꞌu ki te roa ena ꞌina e tahi hape.

2 Kōrinto 4:13

A mātou pa he kope kī ꞌi ruŋa i te ⌊Pāpaꞌi Moꞌa⌋ pē nei ē: «E haka moe rō ꞌana a au i tōꞌoku manaꞌu ꞌi ruŋa i te ꞌAtua, ꞌo ira a au e vānaŋa nei o ruŋa i a ia». ꞌE, pa he oho iŋa era ꞌā o rā kope, a mātou takoꞌa, ꞌi te haka moe iŋa i te manaꞌu ꞌi ruŋa i te Kiritō, e haka ꞌite e oho nei o ruŋa i a ia.

Fīripo 2:17

Pa he tūtia vaꞌai e kōrua ki te ꞌAtua mo koa ōꞌona te ꞌati e ꞌamo ena e kōrua ꞌo te ⌊haka moe i te manaꞌu⌋ ꞌi ruŋa i a Ietū ꞌe ꞌo te aŋa o kōrua ki a ia. ꞌE mo haŋa o te ꞌAtua mo ꞌāmui i tōꞌoku mate ki te tūtia vaꞌai e kōrua ki a ia, pa he huri iŋa i te manu tūtia hai vino, e koa nō a au, pa he koa iŋa nei ōꞌoku mo kōrua.

Fīripo 2:30

A Epafororito, paꞌi, i vaꞌai rō i a ia ki te mate mo aŋa ki a Ietū. Te parautiꞌa, i oho rō mo mate ꞌi te hāꞌūꞌū mai i a au ꞌi te aŋa ꞌina e ko ravaꞌa e kōrua mo aŋa he kore o kōrua o muri i a au.

1 Iovani 3:16

A tātou e ꞌite rō ꞌā he aha te meꞌe he haŋa ki te rua ꞌo te ai i vaꞌai rō a Ietū i a ia mo mate mo tātou. Pē ira takoꞌa ꞌā a tātou ana meꞌe mo te tātou taina.