2 Kōrinto 4:1 - Rapa Nui

¹ Te ꞌAtua i vaꞌai mai ai i te aŋa nei, he riva rahi ōꞌona. ꞌO ira a mātou e taꞌe hōriŋa nei.

2 Kōrinto 4:1 ပူးပေါင်းရင်းမြစ်များ

Ruka 18:1

Hai ꞌaꞌamu haꞌaauraꞌa i hāpī ai e Ietū ki te nuꞌu mo pure mo oho ki te ꞌAtua ꞌe mo taꞌe haka hōriŋa.

1 Kōrinto 3:5

Ka haka topa rā te kōrua manaꞌu. ¿Ko ai a Pauro ꞌe ko ai a ꞌĀporo? He tāvini nō o te ꞌAtua, ꞌe mai i a rāua a kōrua e haka moe ena i te manaꞌu ꞌi ruŋa i a Ietū. Te meꞌe aŋa nō o māua he meꞌe kī mai e te ꞌAtua.

1 Kōrinto 7:25

ꞌE, te nuꞌu taꞌe hāipo-ipo, ꞌina e tahi ꞌāꞌaku roŋo mo haka ꞌite ki a rāua vaꞌai mai e Ietū, Pūꞌoko Haka Tere o tātou. ꞌE, ka ai atu pē ira, a au pa he taŋata aŋa i tāꞌana meꞌe kī hai riva rahi o te ꞌAtua, he kī atu au i tōꞌoku manaꞌu.

2 Kōrinto 3:12

ꞌE, ꞌo te ꞌite o mātou e ko ŋaro te haka tere iŋa ꞌāpī nei, ꞌina e tahi mātou meꞌe naꞌa e haka ꞌite e oho nei o ruŋa.

2 Kōrinto 3:6

Hai hāꞌūꞌū mau nō ōꞌona e tano nei mātou mo haka ꞌite o ruŋa i te haka tere iŋa ꞌāpī ōꞌona ananake ko te taŋata, ꞌe te oho iŋa nei taꞌe hai haꞌatura ki te ⌊haka tere iŋa ꞌa Mōtē⌋ ana tano ki tōꞌona mata, hai ai o te Vārua Maitai ꞌi roto i te māhatu. Te meꞌe mo ravaꞌa hai haꞌatura ki te haka tere iŋa ꞌa Mōtē he mate, ꞌe te meꞌe vaꞌai e te Vārua Maitai he ora ꞌāpī ꞌina he hopeꞌa raꞌa.

2 Kōrinto 4:16

ꞌO ira a mātou e taꞌe hōriŋa nei ꞌi te mātou aŋa. Te mātou hakari, pe te rehe-rehe pe te oho nō, ꞌe, ka ai atu pē ira, te mātou haka moe iŋa i te manaꞌu ꞌi ruŋa i a Ietū pe te pūai pe te oho nō te mahana te mahana.

2 Kōrinto 5:18

Te meꞌe taꞌatoꞌa nei he aŋa o te ꞌAtua haka riva-riva i a tātou ki a ia hai Ietū Kiritō, ꞌe vaꞌai mai i te aŋa he haka ꞌite pē hē te taŋata ana riva-riva ki a ia.

Karatia 6:9

ꞌO ira, ꞌina ko rohi-rohi mo hāꞌūꞌū ki te rua. Mo taꞌe rohi-rohi, ꞌi te hora tano he haꞌamaitai a tātou e te ꞌAtua.

Ēfeto 3:13

ꞌE, ka ai atu ꞌī a au e ꞌamo atu ena i te ꞌati ꞌo te haka ꞌite ōꞌoku i te ⌊roŋo riva-riva o te ꞌAtua⌋, he ani atu a au mo taꞌe haka hōriŋa o te kōrua haka moe iŋa o te manaꞌu ꞌi ruŋa i a Ietū. E koa kōrua; te meꞌe nei mo te kōrua riva-riva.

Fīripo 4:13

Meꞌe nō era mo topa mai, e ꞌite nō e au mo maꞌu, māuru-uru ki a Ietū Kiritō, kope haka pūai mai i a au.

2 Tētārōnika 3:13

ꞌE a kōrua, e te taina ē, ꞌina ko haꞌumani ꞌi te aŋa iŋa i te meꞌe riva-riva.

1 Timoteo 1:13

ka ai atu ꞌi muꞌa ꞌā e kī rō ꞌana e au i te vānaŋa taꞌe tano mōꞌona, e tute rō ꞌana a au mo tōtōā i tāꞌana nuꞌu, ꞌe e vā-vā takoꞌa rō ꞌana i a rāua. ꞌE te ꞌAtua i haka ꞌaroha nō i a au ꞌo te ai ꞌi rā hora kai haka moe ꞌana a au i te manaꞌu ꞌi ruŋa i a Ietū, ꞌe kai ꞌite ꞌana a au he aha tāꞌaku meꞌe e aŋa era.

ꞌEvereo 12:3

E haka topa te tātou manaꞌu pē hē a Ietū i haꞌaoromaꞌi ai i te meꞌe taꞌatoꞌa taꞌe tano aŋa e te nuꞌu hara ki a ia; ꞌo ira ꞌina kōrua ko rohi-rohi ꞌe ꞌina ko hōriŋa

1 Pētero 2:10

ꞌI muꞌa ꞌana taꞌe kōrua he nuꞌu o te ꞌAtua, ꞌe hora nei he nuꞌu ꞌāꞌana; ꞌi muꞌa ꞌā kai ŋaroꞌa e kōrua i te riva rahi o te ꞌAtua, ꞌe hora nei e ŋaroꞌa rō ꞌana e kōrua.

Meꞌe Haka Takeꞌa 2:3

I ꞌamo i oho nō koe i te ꞌati ꞌo te ai ōꞌou ꞌāꞌaku, ꞌe ꞌina kai hōriŋa, ko te haka moe ko te oho iŋa ꞌana a koe i tuꞌu manaꞌu ꞌi ruŋa i a au.