2 Kōrinto 3:7 - Rapa Nui

⁷ Hai pūai nui-nui te ꞌAtua i haka ꞌite mai ai i te haka tere iŋa tuai ōꞌona ananake ko tātou ko te taŋata i pāpaꞌi ꞌi ruŋa i te māꞌea pararaha. Te auraꞌa: hora turu mai era o Mōtē mai ruŋa i te maꞌuŋa e maꞌu rō ꞌana i nei māꞌea, e ꞌana-ꞌana rō ꞌā tōꞌona ꞌāriŋa ꞌi te pūai o te ꞌAtua ki te roa ꞌina he itaraera he tano mo uꞌi a ruŋa, ka ai atu ꞌai e ŋaro e oho era te pūai o rā ꞌana-ꞌana. Mo ai ia hai pūai nui-nui pē ira i haka ꞌite mai ai e te ꞌAtua i rā haka tere iŋa tuai era ōꞌona, he meꞌe mo maꞌu i a tātou ki te mate,

2 Kōrinto 3:7 ပူးပေါင်းရင်းမြစ်များ

Aŋa o te ꞌĀpōtoro 6:15

Te nuꞌu ra-rahi ꞌe te nuꞌu taꞌatoꞌa ꞌi tū kona era, i uꞌi era a ruŋa i a ꞌĒteva, he takeꞌa i te ꞌāriŋa pa he ꞌāriŋa merahi ꞌā.

Rōmano 10:4

Te haŋa: he haka tano e te ꞌAtua i a rāua ki tōꞌona mata hai haꞌatura o rāua ki te ⌊haka tere iŋa ꞌa Mōtē⌋. ꞌE te parautiꞌa mau, hai tuꞌu iŋa mai era o Ietū Kiritō i kore ai te hauhaꞌa o te meꞌe ena he haꞌatura ki rā haka tere iŋa mo tano o te taŋata ki te mata o te ꞌAtua. Hora nei taŋata nō era mo ⌊haka moe i te manaꞌu⌋ ꞌi ruŋa i a Ietū e tano rō ꞌā ki te mata o te ꞌAtua.

Rōmano 4:15

Te meꞌe ravaꞌa, paꞌi, mai te haka tere iŋa ꞌa Mōtē, he ūtuꞌa ꞌo te ai ꞌina e tahi kope mo ravaꞌa mo haꞌatura tahi i rā haka tere iŋa. ꞌE mo taꞌe ai o te haka tere iŋa mo haꞌatura, ꞌina ia he meꞌe mo kī mai ko hape ꞌā a tātou.

Rōmano 5:20

Te ꞌAtua i vaꞌai ai i te ⌊haka tere iŋa ꞌa Mōtē⌋ mo aŋi-aŋi e te taŋata he aŋi mau ꞌana e rahi rō ꞌana te rāua hara. ꞌE, ka ai atu e rahi rō ꞌā te hara, te ꞌAtua i haka ꞌite rō mai: ꞌata hau rō atu ki te hara tōꞌona riva rahi.

Rōmano 7:10

ꞌe e ꞌava-ꞌava rō ꞌana e noho era mai te ꞌAtua. Pē ira, te haka tere iŋa nei ꞌa Mōtē, he meꞌe mo maꞌu i a tātou a te ara o te ora, i riro ai he meꞌe mo maꞌu i a tātou ki te mate.

Rōmano 7:22

Hai māhatu a au e haŋa nei ki te ⌊haka tere iŋa o te ꞌAtua haka pāpaꞌi ki a Mōtē⌋.

Rōmano 7:5

Hora era ꞌi roto i te hara ꞌana a tātou, te aŋa o te haka tere iŋa ꞌa Mōtē he haka poreko ꞌi roto i a tātou rauhuru atu manaꞌu taꞌe tano, ꞌe te meꞌe mau nō i ravaꞌa mai rā ŋā meꞌe he mate.

1 Kōrinto 13:10

ꞌE, ki tuꞌu mai te kope ena ꞌina ōꞌona hape, he ꞌite tahi e tātou, ꞌe he kore te ŋā meꞌe nei.

2 Kōrinto 3:3

A kōrua he parau pāpaꞌi e te ⌊Kiritō⌋ hai mātou, parau taꞌe hai ꞌārahu i pāpaꞌi ai, hai ⌊Vārua Maitai⌋ o te ꞌAtua, ꞌe taꞌe ꞌi ruŋa i te māꞌea pa he roŋo pāpaꞌi e ⌊Mōtē⌋; i pāpaꞌi ai ꞌi roto i te māhatu o te taŋata.

2 Kōrinto 3:6

Hai hāꞌūꞌū mau nō ōꞌona e tano nei mātou mo haka ꞌite o ruŋa i te haka tere iŋa ꞌāpī ōꞌona ananake ko te taŋata, ꞌe te oho iŋa nei taꞌe hai haꞌatura ki te ⌊haka tere iŋa ꞌa Mōtē⌋ ana tano ki tōꞌona mata, hai ai o te Vārua Maitai ꞌi roto i te māhatu. Te meꞌe mo ravaꞌa hai haꞌatura ki te haka tere iŋa ꞌa Mōtē he mate, ꞌe te meꞌe vaꞌai e te Vārua Maitai he ora ꞌāpī ꞌina he hopeꞌa raꞌa.

2 Kōrinto 3:8

¿e ko ai hō hai pūai ꞌata hau rō atu ꞌi te nui-nui te haka ꞌite iŋa mai o te haka tere iŋa ꞌāpī ōꞌona ananake ko tātou ko te taŋata vaꞌai mai i te Vārua Maitai?

Karatia 3:10

Te nuꞌu manaꞌu: hai haꞌatura ki te haka tere iŋa ꞌa Mōtē he tano a rāua ki te mata o te ꞌAtua ko ai era ꞌā te ūtuꞌa mo rāua. E kī rō ꞌana, paꞌi, ꞌi ruŋa i te Pāpaꞌi Moꞌa: «Te kope taꞌe haꞌatura ki te roŋo taꞌatoꞌa o te haka tere iŋa ꞌa Mōtē, he haka ūtuꞌa e te ꞌAtua ꞌātā ki te hopeꞌa raꞌa».

Karatia 3:21

¿Te kī hō, te haka tere iŋa ꞌa Mōtē e taꞌe haka hauhaꞌa rō ꞌā ꞌi te hōrea o te ꞌAtua? Taꞌe pē ira. Mo te meꞌe kē, mo te meꞌe kē i vaꞌai mai ai i te ŋā meꞌe nei. ꞌE, mo ai ko vaꞌai mai ꞌā e te ꞌAtua i te haka tere iŋa ꞌa Mōtē mo ravaꞌa e tātou i te ora ꞌāpī ꞌina he hopeꞌa raꞌa, he tano ia a tātou ki tōꞌona mata ꞌo te haꞌatura ki rā haka tere iŋa.

ꞌEvereo 12:18

E te taina, kai hāhine tātou ki te ꞌAtua pa he itaraera ꞌi muꞌa ꞌā. I hāhine ai a rāua ki a ia hai meꞌe e takeꞌa rō ꞌā, he maꞌuŋa era ko Tinaī, e ura rō ꞌā ꞌi te ahi, e pōhāhā rō ꞌā, ꞌe e hu-hū rō ꞌā ꞌi te tokerau.

ꞌEvereo 3:3

Ka ai atu pē ira, mo te ꞌAtua, ꞌata hau rō atu a Ietū ki a Mōtē, pa he oho iŋa ena i hau rō atu te kope ꞌāꞌana te hare i aŋa, ki rā hare mau ꞌā.

ꞌEvereo 9:4

ꞌI nei piha te ⌊fata⌋ aŋa hai piru mo tutu i te meꞌe mo haka ꞌeo, ꞌe te ⌊ꞌavahata o te haka tere iŋa o te ꞌAtua ananake ko te taŋata⌋, ꞌavahata viri tahi hai piru. ꞌI roto i rā ꞌavahata te toko-toko era o ⌊ꞌĀrone⌋ ko pipi ꞌā, te māꞌea pāpaꞌi era ꞌi ruŋa te roŋo o te ꞌAtua, ꞌe te poko-poko e tahi aŋa hai piru, te meꞌe o roto he ⌊mānā⌋.