2 Kōrinto 3:1 - Rapa Nui

¹ Taꞌe te mātou vānaŋa nei e haka paka atu ꞌana i a mātou. Taꞌe, paꞌi, mo mātou e vaꞌai atu i te parau vānaŋa riva-riva o ruŋa i a mātou, pe he tētahi atu nuꞌu, ꞌo mo ani atu ki a kōrua mo pāpaꞌi mai i te parau pē ira o ruŋa i a mātou mo ꞌite e te nuꞌu pē nei ē: te meꞌe aŋa e mātou he meꞌe tī-tika.

2 Kōrinto 3:1 ပူးပေါင်းရင်းမြစ်များ

Aŋa o te ꞌĀpōtoro 18:27

I haŋa era a ꞌĀporo mo oho ki Ākāia, he hāꞌūꞌū e te nuꞌu taina hai pāpaꞌi ki te nuꞌu haka moe i te manaꞌu ꞌi ruŋa i a Ietū o rā kona mo hāpaꞌo riva-riva. I tuꞌu era a ꞌĀporo ki Ākāia, hai hāpī ꞌāꞌana i ꞌata haka haŋu ai i te nuꞌu ko haka moe era ꞌana, hai riva rahi o te ꞌAtua, i te rāua manaꞌu ꞌi ruŋa i a Ietū.

Rōmano 16:1

Nā he oho atu te viꞌe e tahi te ꞌīŋoa ko Peve, he viꞌe hāꞌūꞌū i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū o te kona era ko Tenekerea.

1 Kōrinto 10:33

E meꞌe kōrua pē au. Te meꞌe aŋa, paꞌi, ꞌāꞌaku he uꞌi i te rāveꞌa mo haka koa i te taꞌatoꞌa. ꞌIna a au he uꞌi i te meꞌe mo tōꞌoku riva-riva nō, mo te riva-riva takoꞌa o te rua a au e uꞌi nei, mo eꞌa o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

1 Kōrinto 16:3

ꞌE, ki tuꞌu atu a au, he haka maꞌu i rā moni ki Hērutarema hai nuꞌu nō era o kōrua i haŋa. Ki a rāua ka vaꞌai nei e au i te parau ꞌi ruŋa e hāꞌaki rō ꞌā ko ai a rāua ꞌe ki te aha ꞌi Hērutarema.

1 Kōrinto 3:10

Hai riva rahi o te ꞌAtua, ꞌāꞌaku i haꞌamata i hāpī atu ki a kōrua i te parau ꞌāpī riva-riva o ruŋa i a Ietū Kiritō; ꞌe, takoꞌa, i hāꞌūꞌū i te nuꞌu raꞌe o kōrua mo haka moe i te rāua manaꞌu ꞌi ruŋa i a Ietū, pa he kope ꞌāꞌana i aŋa i te mekerā ꞌi ruŋa ka haka tuꞌu era te hakari o te hare. ꞌE, hora nei, o te tētahi te hāpī te oho atu o ruŋa i a Ietū mo haka hio-hio o kōrua ꞌi te ara o te ꞌAtua, pa he nuꞌu o rāua te haka tuꞌu i te hakari o te hare ꞌi ruŋa i te mekerā. Te meꞌe nō, e uꞌi e aŋa riva-riva te hare.

1 Kōrinto 4:15

Ka rahi atu te nuꞌu hāpaꞌo ꞌe hāpī i a kōrua pa he ⌊kiritiano⌋, e tahi mau nō kope pa he matuꞌa tane o kōrua ko au. ꞌĀꞌaku, paꞌi, i haka ꞌite raꞌe atu i te ⌊roŋo riva-riva o ruŋa i a Ietū Kiritō⌋, ꞌe i kī atu mo ⌊haka moe i te manaꞌu⌋ ꞌi ruŋa i a ia mo ai o kōrua ꞌāꞌana.

2 Kōrinto 10:12

Taꞌe mātou o roto o te nuꞌu teꞌo-teꞌo. Te nuꞌu nei, ꞌi te hora uꞌi hoki e tano rō ꞌā te rāua aŋa mo te ꞌAtua, e hāito ena hai meꞌe aŋa ꞌe manaꞌu e rāua mau ꞌā, taꞌe ꞌō hai manaꞌu o te ꞌAtua. ¡Te oho iŋa nei he meꞌe maꞌa-maꞌa e tahi!

2 Kōrinto 10:18

Te kope koa o te ꞌAtua taꞌe he kope teꞌo-teꞌo kī pē nei ē: a ia e aŋa riva-riva rō ꞌā mo te ꞌAtua; he kope o ruŋa e kī ena e te ꞌAtua: «E koa rō ꞌana a au mōꞌona».

2 Kōrinto 10:8

ꞌE mo ai tāꞌue i rahi rō tōꞌoku teꞌo-teꞌo iŋa atu: i a au te parau mo haka tere i a kōrua a te ara parautiꞌa o te ꞌAtua, e ko haꞌamā a au. O te tātou Pūꞌoko Haka Tere, paꞌi, i vaꞌai mai mo haka pūai atu i te kōrua haka moe iŋa i te manaꞌu ꞌi ruŋa i a ia, taꞌe ꞌō mo haka tapa i te kōrua manaꞌu mai ruŋa.

2 Kōrinto 12:11

He hape o kōrua i vānaŋa maꞌa-maꞌa atu ai a au o ruŋa i a au; mo kōrua, paꞌi, e vānaŋa riva-riva o ruŋa i a au. Taꞌe te ŋā ⌊ꞌāpōtoro⌋ reo-reo ena ꞌata hau ki a au, ka ai atu taꞌe a au he kope hōnui.

2 Kōrinto 12:19

E manaꞌu ena pēaha a kōrua: te tumu o te meꞌe taꞌatoꞌa pāpaꞌi atu ena e au e kimi ꞌā i te mātou ora ꞌo te reo-reo taꞌatoꞌa tuhi mai e tū ŋā ꞌāpōtoro reo-reo era, ꞌe taꞌe, paꞌi, pē ira. Te tumu mau o te meꞌe taꞌatoꞌa nei, e te taina haŋa rahi ē, mo haka pūai i te kōrua haka moe iŋa i te manaꞌu ꞌi ruŋa i a Ietū. E vānaŋa atu ena, paꞌi, a mātou hai parautiꞌa ꞌi muꞌa o te ꞌAtua, ꞌe pa he nuꞌu o te Kiritō.

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

2 Kōrinto 5:12

Taꞌe e haka paka haka ꞌou atu ꞌā a mātou. E vaꞌai atu ꞌana i te rāveꞌa mo koa o kōrua mo mātou, ki ai ai te kōrua vānaŋa mo pāhono ki te nuꞌu uꞌi i te tōroꞌa mau nō o te taŋata ꞌe taꞌe ꞌō i te meꞌe o roto i te māhatu.