2 Kōrinto 2:5 - Rapa Nui

^5-7 Hora nei e haŋa ꞌana a au mo pāpaꞌi atu o ruŋa i te kope o roto o kōrua aŋa era i te meꞌe taꞌe tano. Te kope nei ko ⌊huri ꞌana te manaꞌu ki te ꞌAtua⌋ ꞌe ko haka rē ꞌana i te meꞌe taꞌe tano aŋa era e ia. ꞌE, ka ai atu i māui-ui rō tōꞌoku māhatu ꞌe te kōrua māhatu takoꞌa ꞌi rā meꞌe, te meꞌe o tātou mo aŋa ꞌi te hora nei he haka rehu i te meꞌe taꞌe tano aŋa era e ia ꞌe he hāꞌūꞌū i a ia, ꞌo rahi rō te māui-ui ꞌamo ꞌi roto i tōꞌona māhatu ꞌe ꞌo haka tapa rō mai te ara o te ꞌAtua. Ko tano ko oti ꞌana, paꞌi, te ūtuꞌa vaꞌai era e te rahi raꞌa o kōrua ki a ia.

2 Kōrinto 2:5 ပူးပေါင်းရင်းမြစ်များ

Māteo 15:22

E tahi viꞌe tōꞌona noho iŋa e hāhine rō ꞌā ki rā ŋā kona, viꞌe o te kona kī ꞌi muꞌa ꞌā ko ⌊Kanaꞌana⌋, he haka hāhine a muri koia ko ohu: —¡E Ietū, e te Hakaara o ⌊Tāvita⌋ ē, ka haka ꞌaroha koe i a au! ¡Ko oꞌo ꞌana tāꞌaku poki vahine e te tātane he haka māui-ui nō te aŋa i a ia!

Karatia 4:12

ꞌE te taina, he ani atu a au mo riro o kōrua pē au ꞌā, kope taꞌe manaꞌu pē nei ē: mo tano ki te mata o te ꞌAtua e maꞌu takoꞌa ꞌō i te haka tere iŋa ꞌa Mōtē. A au, paꞌi, i riro rō pē kōrua, nuꞌu taꞌe maꞌu i rā haka tere iŋa. ꞌI te hora era ōꞌoku ꞌi muri i a kōrua, ꞌina kōrua kai tōtōā mai.

Karatia 5:10

ꞌE, ꞌi te ai o kōrua ꞌa Ietū Kiritō takoꞌa, ko ꞌite riva-riva ꞌana e au he maꞌu kōrua i te hāpī haka ꞌite atu era e au ꞌe taꞌe ꞌō i te hāpī kē. ꞌE te ꞌAtua he haka ūtuꞌa i te kope haka huri i te kōrua manaꞌu, nōatu ko ai rā kope.