2 Kōrinto 2:4 - Rapa Nui

⁴ ꞌE, hora pāpaꞌi atu era ōꞌoku i rā parau, i manaꞌu rahi rō atu a au ki a kōrua ꞌe i rahi rō te mamae o tōꞌoku māhatu, ꞌātā i taŋi rō a au. Ka ai atu pē ira, taꞌe i pāpaꞌi atu ai mo haka māui-ui i te kōrua māhatu; mo haka ꞌite atu i te rahi o tōꞌoku haŋa mo kōrua.

2 Kōrinto 2:4 ပူးပေါင်းရင်းမြစ်များ

2 Kōrinto 11:2

ꞌIna kōrua ko rehu: e haŋa rō atu ꞌana a au ki a kōrua pa he haŋa iŋa ena ꞌā o te ꞌAtua ki tōꞌona taŋata. A kōrua ko haka haꞌamoꞌa-moꞌa era ꞌana e au mo hāipo-ipo ki te kenu mau nō e tahi, he ⌊Kiritō⌋, ꞌe ko haŋa ꞌana a au mo maꞌu i a kōrua ki muꞌa i a ia pa he viꞌe ꞌina kai noho ꞌā ki te taŋata ꞌe hāpaꞌo i a ia mo tāꞌana kenu mau nō.

2 Kōrinto 12:15

ꞌE hai koa a au ka haka pau tahi atu ena i tāꞌaku meꞌe mo kōrua, ꞌe ꞌātā i a au mau nei ꞌā mo te kōrua riva-riva. Mo ꞌata haŋa atu ia ōꞌoku ki a kōrua, ¿he rehe he oho hō te kōrua haŋa iŋa mai?

2 Kōrinto 2:9

ꞌI ruŋa i tāꞌaku parau raꞌe era i pāpaꞌi atu ai a au o ruŋa i rā kope ꞌe o ruŋa i te kōrua meꞌe mo aŋa ki a ia, mo uꞌi hoki e haꞌatura rō mai kōrua.

2 Kōrinto 7:12

Hora pāpaꞌi atu era ōꞌoku i rā parau, tōꞌoku manaꞌu taꞌe ꞌi ruŋa i te kope hara era, ꞌo ꞌi ruŋa i te kope māui-ui era o te māhatu ꞌi rā hara. Ko ꞌite ꞌana e te ꞌAtua: tōꞌoku manaꞌu i pāpaꞌi atu ai mo aŋi-aŋi e kōrua i te rahi o te haŋa o kōrua mo mātou.

Fīripo 3:18

Ko kī atu era ꞌā e au ꞌe hai taŋi ka kī haka ꞌou atu ena: nuꞌu rahi te nuꞌu kī: ꞌa Ietū a rāua, ꞌe te parautiꞌa mau, e riri rō ꞌana mōꞌona. O te rāua noho iŋa taꞌe tano, paꞌi, te haka takeꞌa mai pē nei ē: te mate era o Ietū ꞌi ruŋa i te tātaurō ꞌina e tahi hauhaꞌa mo rāua.