2 Kōrinto 2:3 - Rapa Nui

³ Te meꞌe pāpaꞌi atu era e au ꞌi ruŋa i te parau raꞌe era i pāpaꞌi atu ai ꞌo tuꞌu atu a au ꞌe he māui-ui tōꞌoku māhatu ꞌi te takeꞌa i a kōrua, nuꞌu i a rāua a au ana koa, e aŋa ꞌana i te meꞌe taꞌe tano. Ko ꞌite ꞌana, paꞌi, e kōrua: mo koa o kōrua he koa takoꞌa a au.

2 Kōrinto 2:3 ပူးပေါင်းရင်းမြစ်များ

1 Kōrinto 4:21

¿He aha ia te kōrua meꞌe haŋa: he oho atu ōꞌoku haka ūtuꞌa i a kōrua, ꞌo he oho atu he uꞌi i a kōrua hai koa ꞌe hai haŋa?

2 Kōrinto 1:15

ꞌE he ꞌite ōꞌoku e koa rō ꞌana a kōrua mo mātou, i topa mai ai te manaꞌu mo hipa atu mo uꞌi i a kōrua ꞌi tōꞌoku ara ki Mātērōnia ꞌe, takoꞌa, ꞌi tōꞌoku hoki iŋa mai; pē ira e rua tātou koa iŋa. ꞌE ꞌi tōꞌoku hoki iŋa mai takoꞌa, e tano nō kōrua mo hāꞌūꞌū mai hai rāveꞌa mo tōꞌoku ara ki Hūrea, ana haŋa kōrua.

2 Kōrinto 1:23

He ꞌAtua te meꞌe i ꞌite, e te taina ē, pē nei ē: a au i taꞌe tuꞌu atu ai mo uꞌi i a kōrua ꞌo ture atu a au o ruŋa i te meꞌe taꞌe tano aŋa e kōrua ꞌo mamae te kōrua māhatu ꞌi tāꞌaku vānaŋa.

2 Kōrinto 12:11

He hape o kōrua i vānaŋa maꞌa-maꞌa atu ai a au o ruŋa i a au; mo kōrua, paꞌi, e vānaŋa riva-riva o ruŋa i a au. Taꞌe te ŋā ⌊ꞌāpōtoro⌋ reo-reo ena ꞌata hau ki a au, ka ai atu taꞌe a au he kope hōnui.

2 Kōrinto 12:21

E riꞌa-riꞌa takoꞌa rō ꞌana a au ꞌo haꞌamā a au i a kōrua ꞌi muꞌa i te ꞌAtua ꞌi tōꞌoku ara oho uꞌi atu i a kōrua, ꞌe he taŋi a au ꞌi te rahi o kōrua mai muꞌa ꞌā e hara e oho mai ena ꞌina he haka rē i te meꞌe taꞌe tano pa he moe i te viꞌe ꞌe i te taŋata taꞌe he kenu ꞌe he viꞌe ꞌāꞌana, ꞌe he tētahi atu meꞌe taꞌe tano pohe e te hakari.

2 Kōrinto 13:10

E pāpaꞌi atu ena a au i te parau nei ꞌi raꞌe ki tōꞌoku oho iŋa atu, ꞌo ai, hora ena ōꞌoku ka tuꞌu atu ena, he haka ūtuꞌa atu au i a kōrua hai parau vaꞌai mai e te tātou Pūꞌoko Haka Tere, parau vaꞌai mai mo haka pūai i te nuꞌu haka moe i te manaꞌu ꞌi ruŋa i a ia, taꞌe ꞌō mo haꞌataꞌa i a rāua mai muri i a ia.

2 Kōrinto 2:9

ꞌI ruŋa i tāꞌaku parau raꞌe era i pāpaꞌi atu ai a au o ruŋa i rā kope ꞌe o ruŋa i te kōrua meꞌe mo aŋa ki a ia, mo uꞌi hoki e haꞌatura rō mai kōrua.

2 Kōrinto 7:12

Hora pāpaꞌi atu era ōꞌoku i rā parau, tōꞌoku manaꞌu taꞌe ꞌi ruŋa i te kope hara era, ꞌo ꞌi ruŋa i te kope māui-ui era o te māhatu ꞌi rā hara. Ko ꞌite ꞌana e te ꞌAtua: tōꞌoku manaꞌu i pāpaꞌi atu ai mo aŋi-aŋi e kōrua i te rahi o te haŋa o kōrua mo mātou.

2 Kōrinto 7:16

¡ꞌE hora nei, ko ꞌata koa ꞌana a au he ꞌite ōꞌoku: a kōrua nuꞌu haka tano i te kōrua meꞌe kī!

2 Kōrinto 7:6

ꞌE, o te ꞌAtua, haka pūai i te nuꞌu ꞌina he haŋu toe, i haka pūai mai i a mātou hai tuꞌu iŋa mai o Tito.

2 Kōrinto 7:8

I ꞌite era e au i māui-ui rō te kōrua māhatu ꞌi te parau pāpaꞌi atu era e au, tē rā ia au ka manaꞌu: ko te ꞌaroha ꞌō i haka maꞌu atu ai. ꞌE hora nei, ka ai atu ꞌi rā parau i māui-ui ai te kōrua māhatu, ko kore ꞌana te haka ꞌaroha era ōꞌoku mo kōrua ꞌo te ai kai māuꞌa a au i pāpaꞌi atu ai.

2 Kōrinto 8:22

ꞌI muri i a kuā Tito i uŋa takoꞌa atu ai a au i te taina haka ꞌou e tahi. Te kope nei hai rauhuru atu meꞌe aŋa e takeꞌa ena i te rahi o tōꞌona haŋa mo hāꞌūꞌū ꞌi te aŋa o te ꞌAtua. ꞌE hora nei, ko ꞌata haŋa ꞌana a ia mo hāꞌūꞌū ꞌo te ꞌite e ko taꞌe vaꞌai kōrua hai māhatu mo te taina veve o Hērutarema.

Karatia 5:10

ꞌE, ꞌi te ai o kōrua ꞌa Ietū Kiritō takoꞌa, ko ꞌite riva-riva ꞌana e au he maꞌu kōrua i te hāpī haka ꞌite atu era e au ꞌe taꞌe ꞌō i te hāpī kē. ꞌE te ꞌAtua he haka ūtuꞌa i te kope haka huri i te kōrua manaꞌu, nōatu ko ai rā kope.

2 Tētārōnika 3:4

ꞌO ira mātou e ꞌite riva-riva nei pē nei ē: hai hāꞌūꞌū ōꞌona e aŋa e oho mai ena kōrua i te meꞌe hāpī atu era e mātou ꞌe pē ira ka aŋa ka oho ena.

Firemono 1:21

E pāpaꞌi atu ena ꞌo te ꞌite ōꞌoku e haꞌatura rō mai koe, ꞌe ꞌo te ꞌite takoꞌa ōꞌoku pē nei ē: e hau rō atu taꞌa meꞌe riva-riva ka aŋa ena ki te meꞌe no-noꞌi atu ena e au.