2 Kōrinto 2:10 - Rapa Nui

¹⁰ Te meꞌe haŋa ꞌi te hora nei he haka rehu e kōrua i te meꞌe taꞌe tano aŋa era e rā kope. Rā meꞌe ko haka rehu ꞌana e au, ꞌe ko ꞌite ꞌana e te ⌊Kiritō⌋: hai māhatu a au i haka rehu ai. I aŋa ai a au pē ira mo te kōrua riva-riva,

2 Kōrinto 2:10 ပူးပေါင်းရင်းမြစ်များ

Māteo 18:18

»ꞌĪ a au he kī atu: te meꞌe mo taꞌe haꞌatiꞌa e kōrua ꞌi te ao nei, ko taꞌe haꞌatiꞌa takoꞌa ꞌā ꞌi ruŋa i te raŋi, ꞌe te meꞌe mo haꞌatiꞌa e kōrua ꞌi te ao nei, ko haꞌatiꞌa takoꞌa ꞌā ꞌi te raŋi.

Iovani 20:23

Te nuꞌu hārui i te rāua manaꞌu ki te ꞌAtua ꞌe haka tapa mai roto i te hara, i a kōrua te parau mo kī ki a rāua, ko haka kore ꞌana e te ꞌAtua i te rāua hara. ꞌE te nuꞌu ꞌina, i a kōrua takoꞌa te parau mo kī, kai haka kore e te ꞌAtua i te rāua hara».

1 Kōrinto 5:4

Hora ena o kōrua ka taka-taka tahi ena mo haka eꞌa i a ia, a au takoꞌa ꞌi muri i a kōrua, ꞌe pē ira takoꞌa ꞌana te pūai o Ietū Kiritō Pūꞌoko Haka Tere o tātou. ꞌI rā hora, hai ꞌīŋoa ōꞌona,

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

2 Kōrinto 5:20

He nuꞌu vānaŋa mātou hai ꞌīŋoa o te Kiritō, ꞌe hai mātou te ꞌAtua e vānaŋa atu ena ki a kōrua. ꞌO ira, hai ꞌīŋoa o te Kiritō he ani atu mātou: e haka moe kōrua i te manaꞌu ꞌi ruŋa i te roŋo parautiꞌa o ruŋa i te Kiritō mo riva-riva o kōrua ki te ꞌAtua.

2 Kōrinto 6:6

E takeꞌa takoꞌa ena he tāvini mātou o te ꞌAtua hai noho iŋa taꞌe hara o mātou, hai ꞌite i te parautiꞌa o ruŋa i a ia, hai riva o mātou, hai haꞌaoromaꞌi o mātou i te rua, hai ai o te ⌊Vārua Maitai⌋ ꞌi roto i a mātou, hai haŋa parautiꞌa ki te rua,

Ēfeto 4:32

E ai kōrua he nuꞌu riva, māhatu ꞌaroha, ꞌite i te haka rehu i te meꞌe taꞌe tano aŋa atu e te rua, pa he haka rehu iŋa era e te ꞌAtua i te kōrua hara hai Ietū Kiritō.