2 Kōrinto 2:1 - Rapa Nui

¹ ꞌO ira a au i taꞌe oho atu ai mo uꞌi i a kōrua ꞌo ture atu a au ꞌe he mamae te kōrua māhatu, pa he meꞌe topa era ꞌi te hora tuꞌu raꞌe atu era ōꞌoku.

2 Kōrinto 2:1 ပူးပေါင်းရင်းမြစ်များ

Aŋa o te ꞌĀpōtoro 11:29

Te nuꞌu haka moe i te manaꞌu ꞌi ruŋa i a Ietū o Antiokia he haŋa mo hāꞌūꞌū ki te taina o Hūrea hai tara ai nō o rāua.

Aŋa o te ꞌĀpōtoro 15:2

He tātake ia a Pauro ꞌe a Verenāvē ki rā nuꞌu, he taꞌe tano o rā hāpī ki a rāua. ꞌO ira he toꞌo e te taina o Antiokia i a Pauro ꞌe i a Verenāvē ananake ko te tētahi nuꞌu ꞌe he haka oho ki Hērutarema mo vānaŋa o ruŋa i rā hāpī ki te nuꞌu ⌊ꞌāpōtoro⌋ ꞌe ki te tētahi atu nuꞌu pūꞌoko haka tere o ira.

Aŋa o te ꞌĀpōtoro 15:37

He haŋa ia a Verenāvē mo maꞌu i a ⌊Iovani⌋, kī takoꞌa ko Marko, ꞌi muri i a rāua.

1 Kōrinto 2:2

E noho atu era a au ꞌi muri i a kōrua te meꞌe mau nō ꞌāꞌaku i manaꞌu he hāpī atu o ruŋa i a Ietū Kiritō ꞌe o ruŋa i tōꞌona mate iŋa ꞌi ruŋa i te tātaurō.

1 Kōrinto 4:21

¿He aha ia te kōrua meꞌe haŋa: he oho atu ōꞌoku haka ūtuꞌa i a kōrua, ꞌo he oho atu he uꞌi i a kōrua hai koa ꞌe hai haŋa?

1 Kōrinto 5:3

ꞌE, ka ai atu taꞌe a au ꞌi te hora nei ꞌi muri i a kōrua, he haka ꞌite atu a au i tōꞌoku manaꞌu pa he meꞌe ena ē: nā a au ꞌi muri i a kōrua. Te kope aŋa i te meꞌe tuꞌu pē nā e ai rō ꞌana te ūtuꞌa tano mōꞌona.

2 Kōrinto 1:23

He ꞌAtua te meꞌe i ꞌite, e te taina ē, pē nei ē: a au i taꞌe tuꞌu atu ai mo uꞌi i a kōrua ꞌo ture atu a au o ruŋa i te meꞌe taꞌe tano aŋa e kōrua ꞌo mamae te kōrua māhatu ꞌi tāꞌaku vānaŋa.

2 Kōrinto 13:10

E pāpaꞌi atu ena a au i te parau nei ꞌi raꞌe ki tōꞌoku oho iŋa atu, ꞌo ai, hora ena ōꞌoku ka tuꞌu atu ena, he haka ūtuꞌa atu au i a kōrua hai parau vaꞌai mai e te tātou Pūꞌoko Haka Tere, parau vaꞌai mai mo haka pūai i te nuꞌu haka moe i te manaꞌu ꞌi ruŋa i a ia, taꞌe ꞌō mo haꞌataꞌa i a rāua mai muri i a ia.

2 Kōrinto 2:4

ꞌE, hora pāpaꞌi atu era ōꞌoku i rā parau, i manaꞌu rahi rō atu a au ki a kōrua ꞌe i rahi rō te mamae o tōꞌoku māhatu, ꞌātā i taŋi rō a au. Ka ai atu pē ira, taꞌe i pāpaꞌi atu ai mo haka māui-ui i te kōrua māhatu; mo haka ꞌite atu i te rahi o tōꞌoku haŋa mo kōrua.

Tito 3:12

Ka uŋa atu ena a au i a Ārētema ꞌo i a Tīkiko, e uꞌi te rāveꞌa mo oho atu ōꞌou ki Nīkōpori uꞌi mai i a au; e manaꞌu rō ꞌana, paꞌi, a au mo noho ꞌi ira ꞌi te toŋa.