2 Kōrinto 13:9 - Rapa Nui

⁹ He koa a mātou mo pūai o kōrua ꞌi te ara parautiꞌa o te ꞌAtua ka ai atu e ai rō ꞌana te nuꞌu manaꞌu ꞌina mātou pūai pa he ꞌāpōtoro. ꞌE he pure he oho a mātou mo kōrua mo tuꞌu ki te roa ena ꞌina e tahi hape.

2 Kōrinto 13:9 ပူးပေါင်းရင်းမြစ်များ

Rōmano 15:2

Ki aŋa tahi tātou i te meꞌe hai haŋa mo haka koa ꞌe mo hāꞌūꞌū i te taina, ꞌe mo ꞌata ꞌite o tātou taꞌatoꞌa o ruŋa i te meꞌe o te ꞌAtua.

1 Kōrinto 1:10

E te taina, hai ꞌīŋoa o te tātou Pūꞌoko Haka Tere ko Ietū Kiritō he ani atu a au mo ai o kōrua taꞌatoꞌa e tahi mau nō manaꞌu, ꞌe ꞌina ko haka topa kē-kē. E noho kōrua taꞌatoꞌa ꞌi roto i te haumārū, e tahi mau nō manaꞌu ꞌe e tahi mau nō meꞌe haŋa mo aŋa.

1 Kōrinto 2:3

I māroa atu ai a au ꞌi muꞌa o kōrua ꞌina e tahi ōꞌoku pūai e ŋaroꞌa era e au ꞌe e rurū rō ꞌā ꞌi te riꞌa-riꞌa, ꞌo taꞌe haka tano au i te meꞌe haŋa o te ꞌAtua.

1 Kōrinto 4:10

E manaꞌu ena te nuꞌu o te ao nei he maꞌa-maꞌa a mātou ꞌo te aŋa ki te Kiritō, ꞌe a kōrua e manaꞌu ena: ꞌo te ai a kōrua o te Kiritō he nuꞌu mārama-rama. Ki te manaꞌu takoꞌa o te nuꞌu o te ao nei he nuꞌu taꞌe pūai a mātou, ꞌe a kōrua e manaꞌu ena he nuꞌu pūai kōrua. Te nuꞌu o te ao e taꞌe haka au rō ꞌana i a mātou, ꞌe ki a kōrua e moꞌa atu ena.

2 Kōrinto 11:30

Meꞌe taꞌe haŋa ꞌāꞌaku he teꞌo-teꞌo o ruŋa i a au; ꞌe mo teꞌo-teꞌo atu, he teꞌo-teꞌo atu ia a au ꞌi tōꞌoku taꞌe pūai.

2 Kōrinto 13:11

Mo haka mao atu, e kuā taina ē, e koa kōrua ꞌe e noho ꞌina e tahi hape. E haka haŋu kōrua i a kōrua ꞌā, e ai kōrua e tahi mau nō manaꞌu ꞌe e noho ꞌi roto i te haumārū. Pē ira te ꞌAtua, vaꞌai i te haŋa ꞌe i te haumārū, ka haꞌamaitai ena i a kōrua.

2 Kōrinto 13:4

Ka ai atu i tuꞌu rō a ia pa he kope ꞌina e tahi pūai hora veo era ꞌi ruŋa i te tātaurō, hora nei, hai pūai o te ꞌAtua Matuꞌa e ora ena. Pē ira ꞌana a mātou. E tuꞌu rō ꞌana pa he nuꞌu pūai kore, ꞌe, ꞌi te ai o mātou o te ꞌAtua, hai pūai ōꞌona mātou e ora nei mo tāvini atu ki a kōrua.

2 Kōrinto 4:12

A mātou e oho mau rō ꞌā mo mate ꞌo te haka ꞌite i te roŋo riva-riva o ruŋa i a Ietū, ꞌe a kōrua, hai nei meꞌe mau ꞌā, e ravaꞌa ena i te ora ꞌāpī ꞌina he hopeꞌa raꞌa.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

Kōrosa 1:28

ꞌI te kona taꞌatoꞌa, e hāpī e oho nei mātou o ruŋa i a Ietū Kiritō, ꞌe hai mārama-rama vaꞌai mai e te ꞌAtua, e hatu e hāpī nei ki te nuꞌu mo haka moe i te rāua manaꞌu ꞌi ruŋa i a Ietū. Te meꞌe haŋa, paꞌi, o mātou he maꞌu i te nuꞌu taꞌatoꞌa ꞌa Ietū Kiritō ki muꞌa o te ꞌAtua ko paꞌari ꞌana ꞌi te meꞌe o te ꞌAtua ꞌe ꞌina e tahi hape.

Kōrosa 4:12

A Epafara, tāvini takoꞌa o Ietū Kiritō, ꞌī e ꞌaroha atu ena. A ia takoꞌa o te kona ena o kōrua, ꞌe te aŋa nō ꞌāꞌana he ani ki te ꞌAtua mo kōrua ꞌi roto i tāꞌana pure, mo haka hio-hio atu i te manaꞌu ꞌi ruŋa i a Ietū, ki aŋi-aŋi riva-riva ai e kōrua he aha te meꞌe haŋa o te ꞌAtua mo kōrua.

1 Tētārōnika 3:10

Ka pō ka ꞌōtea e ani nei ki te ꞌAtua mo haꞌatiꞌa i a mātou mo tuꞌu haka ꞌou atu ki muri i a kōrua, mo ꞌata haka ꞌite atu o ruŋa i a Ietū, ki pūai riva-riva ai te kōrua manaꞌu ꞌi ruŋa i a ia.

2 Timoteo 3:17

ki ai ai te nuꞌu aŋa ki a ia e tano riva-riva rō ꞌana mo aŋa rauhuru meꞌe riva-riva haŋa ꞌāꞌana.

ꞌEvereo 12:23

ꞌe te nuꞌu taꞌatoꞌa haka moe i te manaꞌu ꞌi ruŋa i a Ietū, nuꞌu i a rāua te tōroꞌa o te ŋā poki ꞌatariki ꞌe te rāua ꞌīŋoa ko pāpaꞌi ꞌana ꞌi ruŋa i te raŋi, ꞌe he kona ꞌi ira a tātou e piri nei ki te ꞌAtua, kope ꞌāꞌana te ture i te taꞌatoꞌa; ki te vārua o te nuꞌu mā-mate ko haka tano ko oti ꞌā ki te mata o te ꞌAtua;

ꞌEvereo 13:21

e haka riro i a kōrua he taŋata riva, tano i te meꞌe taꞌatoꞌa, mo aŋa i tāꞌana meꞌe haŋa. ꞌE māꞌana takoꞌa e aŋa ꞌi ruŋa i a tātou tāꞌana meꞌe nō era i haŋa hai Ietū Kiritō. ¡Ki haꞌahana-hana tātou ki a Ietū Kiritō ꞌātā ki te hopeꞌa raꞌa! Ka ai pē ira.

ꞌEvereo 6:1

ꞌO ira, e te taina ē, ꞌina tātou ko noho mau rō ꞌai ꞌi ruŋa i te hāpī raꞌe o ruŋa i te ⌊Kiritō⌋. Ki ꞌata hāpī ki oho tātou ꞌātā ka paꞌari rō ꞌi te meꞌe o te ꞌAtua, ꞌo teka-teka ꞌo oho nō tātou ꞌi ruŋa i te hāpī raꞌe era pe he hāpī o ruŋa i te huri iŋa o te manaꞌu ki te ꞌAtua, o ruŋa i te haka tapa iŋa mai roto i te meꞌe taꞌe tano maꞌu ki te mate, o ruŋa i te haka moe iŋa i te manaꞌu ꞌi ruŋa i a Ietū,

1 Pētero 5:10

ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,