2 Kōrinto 13:7 - Rapa Nui

⁷ E ani rō ꞌana a mātou ki te ꞌAtua ꞌo aŋa a kōrua i te meꞌe taꞌe tano. Te tumu o mātou e ani nei mo aŋa o kōrua i te meꞌe riva-riva taꞌe ꞌō pē nei ē: mo takeꞌa e te nuꞌu e tano rō ꞌana ꞌō te mātou aŋa pa he ꞌāpōtoro. E ani nei mo aŋa o kōrua i te meꞌe riva-riva ka ai atu mo te nuꞌu taꞌe a mātou he ꞌāpōtoro parautiꞌa o te Kiritō.

2 Kōrinto 13:7 ပူးပေါင်းရင်းမြစ်များ

Māteo 6:13

ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara; e haka eꞌa koe i a mātou mai roto i te rima o Rukifero”.

Iovani 17:15

»Taꞌe a au e ani atu ꞌā mo toꞌo ōꞌou i a rāua mai te ao nei. E kī atu ena mo hāpaꞌo nō ōꞌou i a rāua ꞌo ravaꞌa e Rukifero.

Rōmano 1:28

ꞌI te haka rehu e te nuꞌu nei i te ꞌAtua, he haka rē mau rō ꞌai e te ꞌAtua ki te rāua manaꞌu taꞌe au mo aŋa mo oho nō i te meꞌe taꞌe tano.

Rōmano 12:17

ꞌIna ko haka hoki hai meꞌe taꞌe tano ki te kope aŋa atu i te meꞌe taꞌe tano. E noho riva-riva kōrua, ꞌo ai te vānaŋa mo tuhi atu i te kōrua hape.

Rōmano 13:13

E noho tātou pa he nuꞌu haꞌere ꞌi roto i te māꞌeha. E haka rē te meꞌe taꞌe tano aŋa ꞌi te pō pa he ŋoŋoro taꞌe hāito i te meꞌe aŋa, pa he taꞌero ꞌava, pa he taiꞌata ꞌe he tētahi haka ꞌou atu meꞌe tuꞌu pē ira, pa he tātake ꞌe pa he pohe ki te meꞌe o te rua.

Rōmano 16:10

E ꞌaroha ki a Āpere, he kope ko haka takeꞌa mai ꞌana i te pūai o tōꞌona haka moe iŋa i te manaꞌu ꞌi ruŋa i a Ietū, ꞌe, takoꞌa, ki te huaꞌai o Aritovuro.

1 Kōrinto 11:19

¡E topa-topa kē-kē mau ꞌā pēaha kōrua ki takeꞌa ai ko ai te kope tano ki te mata o te ꞌAtua!

2 Kōrinto 10:10

ꞌĪ a au e kī atu ena: nā ꞌi roto i a kōrua te nuꞌu kī: pūai riꞌa-riꞌa tāꞌaku vānaŋa ꞌi te hora pāpaꞌi atu, ꞌe, ꞌi te hora ꞌi muꞌa i a kōrua, e tuꞌu rō ꞌā pa he kope taꞌe pūai ꞌe taꞌe ꞌite mo tātara.

2 Kōrinto 10:18

Te kope koa o te ꞌAtua taꞌe he kope teꞌo-teꞌo kī pē nei ē: a ia e aŋa riva-riva rō ꞌā mo te ꞌAtua; he kope o ruŋa e kī ena e te ꞌAtua: «E koa rō ꞌana a au mōꞌona».

2 Kōrinto 13:6

ꞌE, pē hiva ꞌā, ana aŋi-aŋi kōrua: a mātou e tano rō ꞌā ki te mata o te ꞌAtua, ꞌe he ⌊ꞌāpōtoro⌋ parautiꞌa ꞌāꞌana.

2 Kōrinto 13:8

Mo haꞌatura o kōrua ki te meꞌe parautiꞌa, ꞌina e tahi mātou meꞌe mo ture atu pa he ꞌāpōtoro. Te meꞌe mau nō mo aŋa he hāꞌūꞌū atu.

2 Kōrinto 13:9

He koa a mātou mo pūai o kōrua ꞌi te ara parautiꞌa o te ꞌAtua ka ai atu e ai rō ꞌana te nuꞌu manaꞌu ꞌina mātou pūai pa he ꞌāpōtoro. ꞌE he pure he oho a mātou mo kōrua mo tuꞌu ki te roa ena ꞌina e tahi hape.

2 Kōrinto 6:4

Hai meꞌe taꞌatoꞌa aŋa e mātou e takeꞌa ena he tāvini parautiꞌa mātou o te ꞌAtua. E haꞌaoromaꞌi rō ꞌana, paꞌi, mātou hai haumārū i te ꞌati, i te meꞌe kore,

2 Kōrinto 8:21

Te meꞌe haŋa o mātou he aŋa riva-riva i te aŋa nei ki te mata o te ꞌAtua, ꞌe pē ira takoꞌa ꞌana ki te mata o te taŋata.

Fīripo 4:8

ꞌE tāꞌaku vānaŋa hopeꞌa mo kōrua, e te taina ē: e manaꞌu ki te meꞌe parautiꞌa, ki te meꞌe taꞌatoꞌa tano mo moꞌa, ki te meꞌe tano ki te mata o te ꞌAtua, ki te meꞌe ꞌina he hara, ki te meꞌe nehe-nehe, ki te taꞌatoꞌa meꞌe riva-riva. Te kī: e manaꞌu ki te meꞌe taꞌatoꞌa tī-tika ꞌe tano mo haꞌahana-hana.

1 Tētārōnika 5:23

Mo te ꞌAtua, kope vaꞌai mai i te haumārū, e haka maꞌitaki i te kōrua huru ꞌe i te kōrua noho iŋa ki te roa ꞌina e tahi hara mo tuhi atu. ꞌE māꞌana takoꞌa e hāpaꞌo i a kōrua ꞌina e tahi hape, mai te hakari ki te vārua, ꞌātā ki te hoki iŋa mai o te tātou Pūꞌoko Haka Tere ko Ietū Kiritō.

1 Timoteo 2:2

E pure mo te nuꞌu haka tere i te henua ꞌe mo te nuꞌu ra-rahi taꞌatoꞌa, ki noho riva-riva ai a tātou ꞌina e tahi ture, ki moꞌa ai ꞌe ki haꞌatura ai ki te ꞌAtua.

2 Timoteo 2:15

E aŋa riva-riva koe i taꞌa aŋa, ki ai ai koe he taŋata tano ꞌe aŋa i te meꞌe tī-tika ꞌi muꞌa i te ꞌAtua, pa he taŋata ꞌina ōꞌona hape mo haꞌamā iŋa ꞌe, takoꞌa, hāpī riva-riva oho i te roŋo parautiꞌa o te ꞌAtua.

2 Timoteo 4:18

ꞌe pē ira takoꞌa ꞌā ka haka eꞌa ena i a au mai roto i te ꞌati taꞌatoꞌa ꞌe ka maꞌu ena i a au ki te raŋi ki te ao haka tere e ia. ¡Ki haꞌahana-hana tahi tātou ki a ia ꞌātā ki te hopeꞌa raꞌa! ⌊ꞌĀmene⌋.

Tanatiako 1:12

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.

1 Pētero 2:12

E noho kōrua ꞌina e tahi hape ꞌi roto i te nuꞌu taꞌe haŋa ki te ꞌAtua. Mo noho o kōrua pē ira, he takeꞌa e rā nuꞌu i te meꞌe riva-riva aŋa e kōrua ꞌe he haꞌahana-hana ki te ꞌAtua ꞌi te mahana ka kī era e ia i te meꞌe tano ꞌe i te meꞌe taꞌe tano aŋa e te taŋata, ka ai atu ꞌi te hora nei e kī rō ꞌana e rāua pē nei ē: a kōrua he nuꞌu aŋa i te meꞌe taꞌe tano.