2 Kōrinto 13:6 - Rapa Nui

⁶ ꞌE, pē hiva ꞌā, ana aŋi-aŋi kōrua: a mātou e tano rō ꞌā ki te mata o te ꞌAtua, ꞌe he ⌊ꞌāpōtoro⌋ parautiꞌa ꞌāꞌana.

2 Kōrinto 13:6 ပူးပေါင်းရင်းမြစ်များ

Rōmano 1:28

ꞌI te haka rehu e te nuꞌu nei i te ꞌAtua, he haka rē mau rō ꞌai e te ꞌAtua ki te rāua manaꞌu taꞌe au mo aŋa mo oho nō i te meꞌe taꞌe tano.

2 Kōrinto 12:20

E riꞌa-riꞌa rō ꞌana a au, ka oho atu ena a au uꞌi i a kōrua, te kōrua noho iŋa taꞌe pa he meꞌe haŋa ꞌāꞌaku. ꞌE, mo ai pē ira, taꞌe ia toe tōꞌoku huru pa he meꞌe haŋa e kōrua. Tōꞌoku riꞌa-riꞌa ꞌo ai te tātake ꞌi roto i a kōrua, te mākota, te riri, te ꞌino, te haꞌaꞌino, te vānaŋa taꞌe tano mo te tētahi, te manaꞌu i hau rō atu ki te rua, ꞌe te hihi-hihi o te kōrua noho iŋa.

2 Kōrinto 13:10

E pāpaꞌi atu ena a au i te parau nei ꞌi raꞌe ki tōꞌoku oho iŋa atu, ꞌo ai, hora ena ōꞌoku ka tuꞌu atu ena, he haka ūtuꞌa atu au i a kōrua hai parau vaꞌai mai e te tātou Pūꞌoko Haka Tere, parau vaꞌai mai mo haka pūai i te nuꞌu haka moe i te manaꞌu ꞌi ruŋa i a ia, taꞌe ꞌō mo haꞌataꞌa i a rāua mai muri i a ia.

2 Kōrinto 13:5

E uꞌi kōrua hoki e haka moe parautiꞌa mau rō ꞌana kōrua i te manaꞌu ꞌi ruŋa i a Ietū. Mo ŋaroꞌa e kōrua nā a Ietū Kiritō ꞌi roto i a kōrua, e haka moe parautiꞌa rō ꞌā ia kōrua i te manaꞌu ꞌi ruŋa i a ia ꞌe, takoꞌa, e tano rō ꞌana kōrua ki te mata o te ꞌAtua.

2 Kōrinto 13:7

E ani rō ꞌana a mātou ki te ꞌAtua ꞌo aŋa a kōrua i te meꞌe taꞌe tano. Te tumu o mātou e ani nei mo aŋa o kōrua i te meꞌe riva-riva taꞌe ꞌō pē nei ē: mo takeꞌa e te nuꞌu e tano rō ꞌana ꞌō te mātou aŋa pa he ꞌāpōtoro. E ani nei mo aŋa o kōrua i te meꞌe riva-riva ka ai atu mo te nuꞌu taꞌe a mātou he ꞌāpōtoro parautiꞌa o te Kiritō.