2 Kōrinto 12:9 - Rapa Nui

⁹ ꞌE pē nei i kī mai ai: «ꞌIna. Ko haꞌatiꞌa ꞌana, paꞌi, e au mo māui-ui ōꞌou, mo aŋi-aŋi e koe pē nei ē: hai riva rahi nei ōꞌoku ꞌina aꞌu meꞌe haŋa toe mo haꞌaoromaꞌi i te ꞌati taꞌatoꞌa piri atu, ꞌe mo aŋi-aŋi takoꞌa ōꞌou: te pūai ōꞌoku e ꞌata takeꞌa ena ꞌi te hora hāꞌūꞌū ōꞌoku ki te nuꞌu pūai kore». Pē ira a Ietū i kī mai ai. ꞌO ira e koa rō ꞌana a au ꞌe e teꞌo-teꞌo rō ꞌana o tōꞌoku taꞌe pūai, mo ꞌite e te nuꞌu pē nei ē: hai pūai mau nō o te Kiritō a au e tāvini nei ki a ia.

2 Kōrinto 12:9 ပူးပေါင်းရင်းမြစ်များ

Māteo 28:18

He haka hāhine a Ietū ki muri i rā nuꞌu ꞌe he kī: «Ko vaꞌai tahi mai ꞌana te ꞌAtua i te parau mo haka tere i te meꞌe o te raŋi ꞌe o te ao nei.

Māteo 28:20

E hāpī mo haꞌatura i te meꞌe taꞌatoꞌa hāpī atu e au ki a kōrua. ꞌE ꞌina ko rehu: ꞌi muri i a kōrua a au paurō te mahana ꞌātā ki te hopeꞌa iŋa o te ao».

Ruka 21:15

Māꞌaku e vaꞌai atu i te vānaŋa mārama-rama mo pāhono ki rā nuꞌu ꞌo ravaꞌa e tahi meꞌe mo kī i te kōrua reo-reo e te nuꞌu te rāua manaꞌu mau nō he tōtōā i a kōrua.

1 Kōrinto 10:13

E manaꞌu tātou: te meꞌe haka ꞌatu i a tātou mo hara ko te meꞌe ena ꞌā e haka ꞌatu ena i te taꞌatoꞌa nō taŋata mo hara. ꞌIna ko rehu ꞌi te hora o te haka ꞌatu: te ꞌAtua ꞌina e ko taꞌe haka tano i tāꞌana meꞌe kī. Ko kī ꞌana, paꞌi: ꞌina e ia e ko haꞌatiꞌa mo haka ꞌatu mai i a tātou hai meꞌe e ko ravaꞌa e tātou mo haꞌaoromaꞌi, ꞌe, takoꞌa, e vaꞌai rō mai e ia i te rāveꞌa mo eꞌa o tātou ꞌina kai hara mai rā meꞌe era mo haka ꞌatu mai.

1 Kōrinto 15:10

ꞌE, hai riva rahi o te ꞌAtua e tuꞌu nei a au pē nei, ꞌe ꞌina kai taꞌe hauhaꞌa rā riva rahi era ōꞌona. Te parautiꞌa, ꞌata hau tōꞌoku aŋa ki te tētahi ꞌāpōtoro, ka ai atu, taꞌe ko au mau ꞌā rā meꞌe, he ꞌAtua, ꞌi tōꞌona riva rahi, e hāꞌūꞌū mai era.

1 Kōrinto 2:3

I māroa atu ai a au ꞌi muꞌa o kōrua ꞌina e tahi ōꞌoku pūai e ŋaroꞌa era e au ꞌe e rurū rō ꞌā ꞌi te riꞌa-riꞌa, ꞌo taꞌe haka tano au i te meꞌe haŋa o te ꞌAtua.

1 Kōrinto 2:5

ꞌo ai hai mārama-rama o te taŋata te haka moe iŋa ena o kōrua i te manaꞌu ꞌi ruŋa i a Ietū ꞌe taꞌe ꞌō hai pūai o te ꞌAtua.

2 Kōrinto 11:30

Meꞌe taꞌe haŋa ꞌāꞌaku he teꞌo-teꞌo o ruŋa i a au; ꞌe mo teꞌo-teꞌo atu, he teꞌo-teꞌo atu ia a au ꞌi tōꞌoku taꞌe pūai.

2 Kōrinto 12:1

ꞌIna e tahi meꞌe mo ravaꞌa e te kope e tahi mo teꞌo-teꞌo o ruŋa i a ia mau ꞌā. ꞌE, ka ai atu pē ira, ꞌī a au he vānaŋa atu o ruŋa i te meꞌe haka takeꞌa ꞌe haka ꞌite mai e te tātou Pūꞌoko Haka Tere.

2 Kōrinto 12:10

ꞌĒ-ē, e koa rō ꞌana a au ꞌo tōꞌoku taꞌe pūai, ꞌo te vā-vā mai, ꞌo te kore o tāꞌaku meꞌe, ꞌo te tute mai mo tōtōā ꞌe ꞌo te ꞌati taꞌatoꞌa topa mai ꞌi ruŋa i a au ꞌi te ai ōꞌoku ꞌa Ietū Kiritō; ꞌi te hora taꞌe pūai ōꞌoku, paꞌi, ꞌi rā hora mau ꞌā e ꞌata pūai ena a au hai pūai ōꞌona.

2 Kōrinto 12:15

ꞌE hai koa a au ka haka pau tahi atu ena i tāꞌaku meꞌe mo kōrua, ꞌe ꞌātā i a au mau nei ꞌā mo te kōrua riva-riva. Mo ꞌata haŋa atu ia ōꞌoku ki a kōrua, ¿he rehe he oho hō te kōrua haŋa iŋa mai?

2 Kōrinto 12:5

E tano nō a au mo haka paka atu ꞌo te topa mai o te meꞌe nei ki a au; ka ai atu pē ira, ꞌina nō a au he haŋa mo haka paka atu. ꞌE, mo haka paka atu, he haka paka atu ia a au i a au pē hē te ꞌAtua e haka takeꞌa ena i tōꞌona pūai ꞌi ruŋa i te kope taꞌe pūai pē au.

Ēfeto 3:16

ꞌe he ani a au ki a ia mo hāꞌūꞌū atu, hai pūai taꞌe pau ōꞌona ꞌe hai Vārua Maitai, mo haka hio-hio i te kōrua manaꞌu ꞌi ruŋa i a Ietū.

Fīripo 4:13

Meꞌe nō era mo topa mai, e ꞌite nō e au mo maꞌu, māuru-uru ki a Ietū Kiritō, kope haka pūai mai i a au.

Kōrosa 1:11

ꞌI roto i te mātou pure e no-noꞌi rō ꞌana a mātou ki te ꞌAtua mo haka haŋu atu i a kōrua hai pūai nui-nui ōꞌona. Pē ira he ꞌite kōrua mo ꞌamo hai pūai, hai haumārū ꞌe hai koa i te ꞌati taꞌatoꞌa nō era mo topa atu ꞌi ruŋa i a kōrua

1 Timoteo 1:14

ꞌE i haka ꞌite rō mai e ia i tōꞌona riva ꞌe i tōꞌona haŋa ki a au hai haka poreko ꞌi roto i a au i te haŋa mo haka moe ōꞌoku i te manaꞌu ꞌi ruŋa i a Ietū, ꞌe i te haŋa mo te rua taŋata hai Ietū Kiritō.

ꞌEvereo 11:34

i tiŋaꞌi ai i te ahi taparahi-taꞌata, i taꞌe mate ai ꞌi te hoe, i ai ai te pūai ka ai atu ꞌina he haŋu o rāua, i riro ai he ꞌaito o te tamaꞌi ꞌe i rē ai ki te vaꞌehau o te rua henua.

ꞌEvereo 4:16

ꞌO ira, ꞌina tātou ko riꞌa-riꞌa mo haka hāhine hai pure ki te ꞌAtua, ki haka ꞌaroha mai ai i a tātou ꞌe, ꞌi tōꞌona riva rahi, e hāꞌūꞌū rō mai ꞌi te hora o te ꞌati.