2 Kōrinto 12:7 - Rapa Nui

⁷ ꞌE, ꞌo manaꞌu au i hau rō atu a au ki te rua ꞌo te haka takeꞌa mai ꞌe ꞌo te haka ꞌite mai e te ꞌAtua i te meꞌe hopeꞌa o te nui-nui ꞌi ruŋa i te raŋi, he haꞌatiꞌa e te ꞌAtua i a Rukifero mo tōtōā mai i a au hai māui-ui.

2 Kōrinto 12:7 ပူးပေါင်းရင်းမြစ်များ

Māteo 26:67

He ꞌanu-ꞌanu e te tētahi o rā nuꞌu a te ꞌāriŋa o Ietū ꞌe he puꞌa. He puru i te mata hai kahu e te tētahi atu ꞌe he haka eke hai rima ki te ꞌāriŋa

Māteo 4:10

He pāhono e Ietū: —¡Ka mahiti koe ka oho, e Rukifero ē! Ko pāpaꞌi era ꞌana ꞌi ruŋa i te Pāpaꞌi Moꞌa: «E haꞌamuri koe ki a Iehoha ki tuꞌu ꞌAtua ꞌe ki a ia mau nō koe ana tāvini».

Ruka 13:16

ꞌE te viꞌe nei, he hakaara o ⌊ꞌAparahama⌋, ko here-here ꞌana hai māui-ui e te tātane ka hoꞌe ꞌahuru mā vaꞌu matahiti, ¿e ko tano hō mo haka ora i a ia ka ai atu he mahana haka ora?».

1 Kōrinto 4:11

ꞌĀtā ki ꞌaŋarīnā e ŋaroꞌa rō ꞌana e mātou te maruaki ꞌe te pohe ki te vai. E kore rō ꞌana te mātou kahu mo uru, e tōtōā rō mai ꞌana e te nuꞌu, e kore rō ꞌā te mātou kona mo noho

1 Kōrinto 5:5

he haka rē kōrua i te taŋata ena ki te rima o Rukifero mo haka ꞌamo hai ꞌati, ki huri haka ꞌou ai i te manaꞌu ki te ꞌAtua ꞌe, ꞌi te mahana era o te hoki iŋa mai o te ⌊Kiritō⌋, he eꞌa tōꞌona vārua mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa ꞌo te huri haka ꞌou o tōꞌona manaꞌu ki te ꞌAtua.

2 Kōrinto 10:10

ꞌĪ a au e kī atu ena: nā ꞌi roto i a kōrua te nuꞌu kī: pūai riꞌa-riꞌa tāꞌaku vānaŋa ꞌi te hora pāpaꞌi atu, ꞌe, ꞌi te hora ꞌi muꞌa i a kōrua, e tuꞌu rō ꞌā pa he kope taꞌe pūai ꞌe taꞌe ꞌite mo tātara.

2 Kōrinto 10:5

ꞌe pē ira takoꞌa ꞌā ki te manaꞌu o te nuꞌu teꞌo-teꞌo taꞌe haꞌatiꞌa i a rāua mo māhani ki te ꞌAtua. Pē ira e hāꞌūꞌū nei a mātou ki te nuꞌu mo huri ki te ꞌAtua ꞌe mo manaꞌu o rāua pa he meꞌe haŋa o te Kiritō.

2 Kōrinto 11:20

Mo tuꞌu atu, paꞌi, o te nuꞌu haꞌariro i a kōrua he ꞌekaravo o rāua, te nuꞌu toꞌo i te kōrua meꞌe, te nuꞌu reo-reo atu, te nuꞌu taꞌe haka au atu, ꞌe te nuꞌu vā-vā atu he haꞌaoromaꞌi e kōrua.

2 Kōrinto 12:1

ꞌIna e tahi meꞌe mo ravaꞌa e te kope e tahi mo teꞌo-teꞌo o ruŋa i a ia mau ꞌā. ꞌE, ka ai atu pē ira, ꞌī a au he vānaŋa atu o ruŋa i te meꞌe haka takeꞌa ꞌe haka ꞌite mai e te tātou Pūꞌoko Haka Tere.

Karatia 4:13

E manaꞌu kōrua: ꞌi tōꞌoku māui-ui a au i tuꞌu atu ai ki a kōrua ena ꞌe i hāpī atu ai i te ⌊roŋo riva-riva o te ꞌAtua⌋.

1 Timoteo 3:6

ꞌO ira, te taŋata mo pūꞌoko haka tere ꞌina ko ai e haka moe iho ꞌana i te manaꞌu ꞌi ruŋa i a Ietū, ꞌo haka paka rō ꞌe he topa ꞌi ruŋa i a ia te ūtuꞌa vaꞌai era ki a Rukifero.