2 Kōrinto 12:6 - Rapa Nui

⁶ ꞌE, ka haŋa atu a au mo haka paka atu o ruŋa i rā meꞌe, e ko riro he meꞌe maꞌa-maꞌa e tahi ꞌi te meꞌe era e kī atu ꞌana a au i te parautiꞌa. ꞌE ꞌina a au he aŋa pē ira, ꞌo manaꞌu tāꞌue rō e te nuꞌu: te meꞌe haka nui-nui i a au he toꞌo iŋa o te Kiritō i a au ki te raŋi, ꞌe taꞌe ꞌō he noho iŋa tano ꞌe he hāpī iŋa parautiꞌa ōꞌoku, he meꞌe takeꞌa ꞌe ŋaroꞌa e rāua.

2 Kōrinto 12:6 ပူးပေါင်းရင်းမြစ်များ

Rōmano 9:1

Pa he taŋata haka moe au i te manaꞌu ꞌi ruŋa i a Ietū Kiritō, he parautiꞌa tāꞌaku meꞌe nei ka kī atu ena, taꞌe he reo-reo. O te ⌊Vārua Maitai⌋ te ꞌata haka aŋi-aŋi mai he parautiꞌa mau ꞌā tōꞌoku manaꞌu:

1 Kōrinto 3:5

Ka haka topa rā te kōrua manaꞌu. ¿Ko ai a Pauro ꞌe ko ai a ꞌĀporo? He tāvini nō o te ꞌAtua, ꞌe mai i a rāua a kōrua e haka moe ena i te manaꞌu ꞌi ruŋa i a Ietū. Te meꞌe aŋa nō o māua he meꞌe kī mai e te ꞌAtua.

2 Kōrinto 1:18

Te ꞌAtua he kope aŋa i tāꞌana meꞌe kī ꞌe he mataꞌite pē nei ē: a mātou takoꞌa. Mo kī atu o mātou «ꞌē-ē», ꞌē-ē mau ꞌā; ꞌe mo kī atu «ꞌina», ꞌina mau ꞌā.

2 Kōrinto 11:16

ꞌĪ a au he kī haka ꞌou atu: ꞌina kōrua ko manaꞌu e maꞌa-maꞌa rō ꞌana a au. ꞌE mo ai pē ira e manaꞌu ena, ka haka rē mai ia mo vānaŋa atu ōꞌoku pa he maꞌa-maꞌa, ki tano takoꞌa ai au mo teꞌo-teꞌo ꞌiti-ꞌiti atu o ruŋa i a au mau ꞌā,

2 Kōrinto 11:31

Te ꞌAtua, Matuꞌa o te tātou Pūꞌoko Haka Tere ko Ietū, kope ki a ia ana haꞌahana-hana ꞌātā ki te hora hopeꞌa, ko ꞌite ꞌā e kī atu ꞌana a au i te parautiꞌa.

2 Kōrinto 12:11

He hape o kōrua i vānaŋa maꞌa-maꞌa atu ai a au o ruŋa i a au; mo kōrua, paꞌi, e vānaŋa riva-riva o ruŋa i a au. Taꞌe te ŋā ⌊ꞌāpōtoro⌋ reo-reo ena ꞌata hau ki a au, ka ai atu taꞌe a au he kope hōnui.

2 Kōrinto 12:7

ꞌE, ꞌo manaꞌu au i hau rō atu a au ki te rua ꞌo te haka takeꞌa mai ꞌe ꞌo te haka ꞌite mai e te ꞌAtua i te meꞌe hopeꞌa o te nui-nui ꞌi ruŋa i te raŋi, he haꞌatiꞌa e te ꞌAtua i a Rukifero mo tōtōā mai i a au hai māui-ui.

2 Kōrinto 5:13

Mo kī o te nuꞌu e maꞌa-maꞌa rō ꞌā a mātou, ꞌina kōrua ko tapa atu; te meꞌe taꞌatoꞌa aŋa o mātou mo te ꞌAtua. ꞌE mo kī o te nuꞌu e haka topa riva-riva rō ꞌā a mātou i te manaꞌu, ko ꞌite ꞌana e kōrua e aŋa nei mātou mo te kōrua riva-riva.

2 Kōrinto 7:14

Ko haka paka era ꞌana e au ki a Tito: a kōrua nuꞌu haꞌatura, ꞌe ꞌina kai hape rā vānaŋa era ꞌāꞌaku. Ko takeꞌa ꞌā, paꞌi, e Tito, he parautiꞌa, pa he meꞌe taꞌatoꞌa kī atu e mātou ki a kōrua.