2 Kōrinto 12:11 - Rapa Nui

¹¹ He hape o kōrua i vānaŋa maꞌa-maꞌa atu ai a au o ruŋa i a au; mo kōrua, paꞌi, e vānaŋa riva-riva o ruŋa i a au. Taꞌe te ŋā ⌊ꞌāpōtoro⌋ reo-reo ena ꞌata hau ki a au, ka ai atu taꞌe a au he kope hōnui.

2 Kōrinto 12:11 ပူးပေါင်းရင်းမြစ်များ

Ruka 17:10

»Pē ira takoꞌa ꞌā mo kōrua. Ka oti ena te aŋa taꞌatoꞌa kī atu e te ꞌAtua mo aŋa, e manaꞌu kōrua: “A mātou he tāvini. Te meꞌe mau nō o mātou i aŋa he haꞌatura ꞌe he aŋa i te meꞌe kī mai e ia; ꞌo te aha nō ana māuru-uru mai”».

1 Kōrinto 13:2

ꞌE mo vānaŋa ōꞌoku ki te nuꞌu i te meꞌe haka ꞌite mai e te ꞌAtua, ꞌe mo aŋi-aŋi ōꞌoku i te meꞌe taꞌatoꞌa, ꞌātā i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā, ꞌe mo riva ōꞌoku mo haka tapa i te maꞌuŋa mai tōꞌona kona ꞌi te pūai o tōꞌoku haka moe iŋa i te manaꞌu ꞌi ruŋa i a Ietū, ꞌe ꞌina o roto i a au te meꞌe he haŋa ki te rua, ꞌina ia e tahi ōꞌoku hauhaꞌa.

1 Kōrinto 3:22

a Pauro, a ꞌĀporo, a Tefa, te ao, te ora, te mate, te hora nei, pe muꞌa ka oho ena; taꞌatoꞌa meꞌe o kōrua,

2 Kōrinto 1:6

Hora ena o mātou o te ꞌāpōtoro e ꞌamo ena i te ꞌati, he meꞌe mo te kōrua riva-riva, ꞌe, takoꞌa, mo ravaꞌa e kōrua i te ora ꞌāpī ꞌina he hopeꞌa raꞌa. ꞌE, hora ena o te ꞌAtua e haka koa e haka pūai mai ena i a mātou, he meꞌe mo kōrua takoꞌa. Pē ira mātou e ꞌite nei mo haka koa ꞌe mo haka pūai atu i a kōrua, mo haꞌaoromaꞌi o kōrua hai pūai i te ꞌati ꞌamo e tātou ꞌo te ai o tātou o te Kiritō.

2 Kōrinto 11:1

¡Pē hiva ꞌā a kōrua ana haꞌaoromaꞌi mai i te vānaŋa tuꞌu pa he meꞌe maꞌa-maꞌa ka kī atu ena! E uꞌi e haꞌaoromaꞌi mai.

2 Kōrinto 11:5

ꞌIna a au he ŋaroꞌa pē nei ē: kope taꞌe hōnui a au ꞌi muri i tū ŋā ꞌāpōtoro reo-reo tuꞌu atu ena ki a kōrua manaꞌu ena pē nei ē: ꞌata hau rō atu ꞌō a rāua ꞌi te hōnui ki a au.

2 Kōrinto 12:12

Te meꞌe tāpaꞌo i te taŋata pa he ꞌāpōtoro parautiꞌa, pa he aŋa i te mana ꞌe he tētahi atu meꞌe mo māere e te taŋata aŋa hai pūai o te ꞌAtua, i aŋa tahi rō a au ꞌi roto i a kōrua hai haꞌaoromaꞌi.

2 Kōrinto 12:6

ꞌE, ka haŋa atu a au mo haka paka atu o ruŋa i rā meꞌe, e ko riro he meꞌe maꞌa-maꞌa e tahi ꞌi te meꞌe era e kī atu ꞌana a au i te parautiꞌa. ꞌE ꞌina a au he aŋa pē ira, ꞌo manaꞌu tāꞌue rō e te nuꞌu: te meꞌe haka nui-nui i a au he toꞌo iŋa o te Kiritō i a au ki te raŋi, ꞌe taꞌe ꞌō he noho iŋa tano ꞌe he hāpī iŋa parautiꞌa ōꞌoku, he meꞌe takeꞌa ꞌe ŋaroꞌa e rāua.

2 Kōrinto 3:1

Taꞌe te mātou vānaŋa nei e haka paka atu ꞌana i a mātou. Taꞌe, paꞌi, mo mātou e vaꞌai atu i te parau vānaŋa riva-riva o ruŋa i a mātou, pe he tētahi atu nuꞌu, ꞌo mo ani atu ki a kōrua mo pāpaꞌi mai i te parau pē ira o ruŋa i a mātou mo ꞌite e te nuꞌu pē nei ē: te meꞌe aŋa e mātou he meꞌe tī-tika.

2 Kōrinto 5:13

Mo kī o te nuꞌu e maꞌa-maꞌa rō ꞌā a mātou, ꞌina kōrua ko tapa atu; te meꞌe taꞌatoꞌa aŋa o mātou mo te ꞌAtua. ꞌE mo kī o te nuꞌu e haka topa riva-riva rō ꞌā a mātou i te manaꞌu, ko ꞌite ꞌana e kōrua e aŋa nei mātou mo te kōrua riva-riva.

Karatia 6:3

Mo manaꞌu o te kope e tahi ꞌina a ia e ko tano mo hāꞌūꞌū i te rua ꞌi te meꞌe era ꞌata hau rō atu a ia ki rā kope, he meꞌe taꞌe he parautiꞌa, e reo-reo ꞌana ki a ia mau ꞌā.

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.