2 Kōrinto 12:10 - Rapa Nui

¹⁰ ꞌĒ-ē, e koa rō ꞌana a au ꞌo tōꞌoku taꞌe pūai, ꞌo te vā-vā mai, ꞌo te kore o tāꞌaku meꞌe, ꞌo te tute mai mo tōtōā ꞌe ꞌo te ꞌati taꞌatoꞌa topa mai ꞌi ruŋa i a au ꞌi te ai ōꞌoku ꞌa Ietū Kiritō; ꞌi te hora taꞌe pūai ōꞌoku, paꞌi, ꞌi rā hora mau ꞌā e ꞌata pūai ena a au hai pūai ōꞌona.

2 Kōrinto 12:10 ပူးပေါင်းရင်းမြစ်များ

Ruka 6:22

»Ko te koa i a kōrua ka tute ena e te nuꞌu mai muri i a rāua, ka riri, ka vā-vā ꞌe ka taꞌe haka au ena ꞌi te ai o kōrua o te Poki o te taŋata.

Iovani 15:21

ꞌO te ai a kōrua ꞌāꞌaku, he aŋa tahi atu i te meꞌe nei ꞌi ruŋa i a kōrua, he taꞌe aŋi-aŋi e rā nuꞌu ko ai mau te kope uŋa mai era i a au.

Aŋa o te ꞌĀpōtoro 5:41

He oho ia tū ŋā ꞌāpōtoro era mai muꞌa o rā nuꞌu ko toꞌo ꞌā te koa, he ꞌite ko haka nui-nui ꞌā a rāua e te ꞌAtua ꞌi te haka rē mo ꞌamo i te ꞌati ꞌo te ai o rāua ꞌa Ietū.

Rōmano 5:3

ꞌE taꞌe nō ꞌo ira a tātou e koa nei, ꞌo te ꞌamo takoꞌa i te ꞌati; ꞌi te ꞌamo iŋa, paꞌi, i te ꞌati e ꞌite nei a tātou i te haꞌaoromaꞌi hai pūai.

1 Kōrinto 4:10

E manaꞌu ena te nuꞌu o te ao nei he maꞌa-maꞌa a mātou ꞌo te aŋa ki te Kiritō, ꞌe a kōrua e manaꞌu ena: ꞌo te ai a kōrua o te Kiritō he nuꞌu mārama-rama. Ki te manaꞌu takoꞌa o te nuꞌu o te ao nei he nuꞌu taꞌe pūai a mātou, ꞌe a kōrua e manaꞌu ena he nuꞌu pūai kōrua. Te nuꞌu o te ao e taꞌe haka au rō ꞌana i a mātou, ꞌe ki a kōrua e moꞌa atu ena.

2 Kōrinto 1:4

ꞌI roto i te tātou ꞌati taꞌatoꞌa he haka koa ꞌe he haka pūai nō mai te aŋa e ia, mo ꞌite takoꞌa o tātou mo haka koa ꞌe mo haka pūai i te nuꞌu e ai rō ꞌana te rāua ꞌati hai hāꞌūꞌū vaꞌai mau mai era ꞌā e ia.

2 Kōrinto 10:18

Te kope koa o te ꞌAtua taꞌe he kope teꞌo-teꞌo kī pē nei ē: a ia e aŋa riva-riva rō ꞌā mo te ꞌAtua; he kope o ruŋa e kī ena e te ꞌAtua: «E koa rō ꞌana a au mōꞌona».

2 Kōrinto 12:9

ꞌE pē nei i kī mai ai: «ꞌIna. Ko haꞌatiꞌa ꞌana, paꞌi, e au mo māui-ui ōꞌou, mo aŋi-aŋi e koe pē nei ē: hai riva rahi nei ōꞌoku ꞌina aꞌu meꞌe haŋa toe mo haꞌaoromaꞌi i te ꞌati taꞌatoꞌa piri atu, ꞌe mo aŋi-aŋi takoꞌa ōꞌou: te pūai ōꞌoku e ꞌata takeꞌa ena ꞌi te hora hāꞌūꞌū ōꞌoku ki te nuꞌu pūai kore». Pē ira a Ietū i kī mai ai. ꞌO ira e koa rō ꞌana a au ꞌe e teꞌo-teꞌo rō ꞌana o tōꞌoku taꞌe pūai, mo ꞌite e te nuꞌu pē nei ē: hai pūai mau nō o te Kiritō a au e tāvini nei ki a ia.

2 Kōrinto 13:4

Ka ai atu i tuꞌu rō a ia pa he kope ꞌina e tahi pūai hora veo era ꞌi ruŋa i te tātaurō, hora nei, hai pūai o te ꞌAtua Matuꞌa e ora ena. Pē ira ꞌana a mātou. E tuꞌu rō ꞌana pa he nuꞌu pūai kore, ꞌe, ꞌi te ai o mātou o te ꞌAtua, hai pūai ōꞌona mātou e ora nei mo tāvini atu ki a kōrua.

2 Kōrinto 13:9

He koa a mātou mo pūai o kōrua ꞌi te ara parautiꞌa o te ꞌAtua ka ai atu e ai rō ꞌana te nuꞌu manaꞌu ꞌina mātou pūai pa he ꞌāpōtoro. ꞌE he pure he oho a mātou mo kōrua mo tuꞌu ki te roa ena ꞌina e tahi hape.

2 Kōrinto 4:17

E haka topa nei i te manaꞌu o ruŋa i te meꞌe ka ai ena mo tātou pe muꞌa ka oho ena: he noho iŋa riva-riva ꞌina he hopeꞌa raꞌa ꞌi te raŋi, te ꞌati ꞌamo e mātou ꞌi te ao nei ꞌina e mātou he tapa atu; e tuꞌu rō ꞌana, paꞌi, pa he meꞌe taꞌe paŋahaꞌa ꞌe e ko roa he ŋaro.

2 Kōrinto 4:5

ꞌIna a mātou he haka ꞌite he oho o ruŋa i a mātou. E haka ꞌite nei o ruŋa i a Ietū Kiritō, he Pūꞌoko Haka Tere o te taꞌatoꞌa. Te meꞌe mau nō haka ꞌite e mātou o ruŋa i a mātou: he tāvini mātou o te taꞌatoꞌa ꞌi te haŋa o mātou ki a Ietū.

2 Kōrinto 5:15

Te Kiritō i mate ai mo te taꞌatoꞌa, ki aŋa ai e tātou e te nuꞌu ora i tāꞌana meꞌe haŋa, ꞌe taꞌe ꞌō i te tātou meꞌe haŋa. A ia, paꞌi, i mate ai ꞌe i ora haka ꞌou mai ai mo tātou.

2 Kōrinto 5:20

He nuꞌu vānaŋa mātou hai ꞌīŋoa o te Kiritō, ꞌe hai mātou te ꞌAtua e vānaŋa atu ena ki a kōrua. ꞌO ira, hai ꞌīŋoa o te Kiritō he ani atu mātou: e haka moe kōrua i te manaꞌu ꞌi ruŋa i te roŋo parautiꞌa o ruŋa i te Kiritō mo riva-riva o kōrua ki te ꞌAtua.

2 Kōrinto 6:4

Hai meꞌe taꞌatoꞌa aŋa e mātou e takeꞌa ena he tāvini parautiꞌa mātou o te ꞌAtua. E haꞌaoromaꞌi rō ꞌana, paꞌi, mātou hai haumārū i te ꞌati, i te meꞌe kore,

2 Kōrinto 7:4

E koa rō ꞌana a au mo kōrua, ꞌe e vānaŋa atu ena taꞌe hai riꞌa-riꞌa. Ka ai atu e ꞌamo rō ꞌana a mātou i te ꞌati, ko te pūai iŋa ꞌana tōꞌoku manaꞌu ꞌe ko te koa iŋa ꞌana a au.

Ēfeto 6:10

E te taina, te vānaŋa hopeꞌa ꞌāꞌaku ka kī atu ena: ꞌi te hora taꞌatoꞌa e haka rē mā Ietū e haka haŋu atu hai pūai nui-nui ōꞌona.

Fīripo 1:29

Te ꞌAtua, paꞌi, hai riva rahi ōꞌona, ko vaꞌai mai ꞌana ki a tātou i te meꞌe taꞌe vaꞌai ki te taꞌatoꞌa: te meꞌe ena he haka moe i te manaꞌu ꞌi ruŋa i a Ietū, ꞌe pē ira ꞌā te meꞌe ena he ꞌamo i te ꞌati topa mai ki a tātou ki te nuꞌu ꞌāꞌana,

Kōrosa 1:24

E koa rō ꞌana a au ꞌi te meꞌe era ko ꞌite ꞌana e au: te ꞌati nei e ꞌamo atu ena mo te kōrua riva-riva. Ko vaꞌai tahi ꞌana, paꞌi, a au i a au mo ꞌamo i te ꞌati taꞌatoꞌa haŋa e te Kiritō mo ꞌamo e au, mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a ia.

2 Tētārōnika 1:4

ꞌO ira a mātou e vānaŋa nei hai koa o ruŋa i a kōrua ꞌi roto i te nuꞌu ⌊haka moe i te manaꞌu⌋ ꞌi ruŋa i a Ietū ꞌi te kona taꞌatoꞌa tuꞌu o mātou. E ꞌaꞌamu rō ꞌā e mātou pē hē kōrua e haka moe e oho nō ena i te manaꞌu ꞌi ruŋa i a Ietū, ꞌina he ꞌaka-ꞌaka te kōrua manaꞌu, ka ai atu e rahi rō ꞌana te ꞌati topa atu ꞌe e ai rō ꞌana te nuꞌu tute i a kōrua mo tōtōā.

2 Timoteo 3:11

e tute mai era i a au mo tōtōā ꞌi te ŋā kona era ko Antiokia, ko Īkōnio ꞌe ko Rītara. ¡Meꞌe huru kē te rahi o te ꞌati a au i haꞌaoromaꞌi ai! ꞌE o te ꞌAtua au i hāꞌūꞌū mai mo eꞌa mai roto i rā ŋā ꞌati.

Tanatiako 1:2

E te taina, ka topa atu ena rauhuru ꞌati, e koa kōrua.

Meꞌe Haka Takeꞌa 2:3

I ꞌamo i oho nō koe i te ꞌati ꞌo te ai ōꞌou ꞌāꞌaku, ꞌe ꞌina kai hōriŋa, ko te haka moe ko te oho iŋa ꞌana a koe i tuꞌu manaꞌu ꞌi ruŋa i a au.