2 Kōrinto 11:31 - Rapa Nui

³¹ Te ꞌAtua, Matuꞌa o te tātou Pūꞌoko Haka Tere ko Ietū, kope ki a ia ana haꞌahana-hana ꞌātā ki te hora hopeꞌa, ko ꞌite ꞌā e kī atu ꞌana a au i te parautiꞌa.

2 Kōrinto 11:31 ပူးပေါင်းရင်းမြစ်များ

Iovani 10:30

ꞌE, a māua ko te Matuꞌa e tahi mau nō.

Iovani 20:17

He kī e Ietū: —Ē, ꞌina koe ko haka noho mai i a au. Kai iri ꞌana, paꞌi, a au ki tōꞌoku Matuꞌa. Ka oho ka kī ki te tētahi nuꞌu ꞌāꞌaku: «He iri a au ki tōꞌoku Matuꞌa, Matuꞌa takoꞌa o kōrua, ki tōꞌoku ꞌAtua, ꞌAtua takoꞌa o kōrua».

Rōmano 1:25

Te nuꞌu nei ꞌina he haŋa ki te parautiꞌa o te ꞌAtua; he reo-reo te meꞌe haŋa. E haꞌamuri ꞌe e haꞌahana-hana ena ki te meꞌe o te ao aŋa e te ꞌAtua, taꞌe ki te ꞌAtua, kope aŋa i rā ŋā meꞌe, kope ki a ia ana haꞌamuri ꞌe ana haꞌahana-hana e te taꞌatoꞌa ꞌātā ki te hopeꞌa raꞌa.

Rōmano 1:9

A au e aŋa nei ki te ꞌAtua hai māhatu ꞌi te haka ꞌite iŋa ki te taŋata i te roŋo riva-riva o ruŋa o tāꞌana Poki. ꞌE he ꞌAtua te mataꞌite: e manaꞌu rō atu ꞌana a au ki a kōrua,

Rōmano 15:6

mo haꞌahana-hana tahi o kōrua i te ꞌAtua, he Matuꞌa o te tātou Pūꞌoko Haka Tere ko Ietū Kiritō hai manaꞌu mau nō e tahi.

Rōmano 9:1

Pa he taŋata haka moe au i te manaꞌu ꞌi ruŋa i a Ietū Kiritō, he parautiꞌa tāꞌaku meꞌe nei ka kī atu ena, taꞌe he reo-reo. O te ⌊Vārua Maitai⌋ te ꞌata haka aŋi-aŋi mai he parautiꞌa mau ꞌā tōꞌoku manaꞌu:

Rōmano 9:5

Ko rāua te hakaara o te tātou tupuna, ꞌe mai i a rāua i poreko ai te Kiritō. A ia, paꞌi, he ꞌAtua o te meꞌe taꞌatoꞌa ꞌe ki a ia ana haꞌahana-hana ꞌātā ki te hopeꞌa raꞌa. ⌊ꞌĀmene⌋.

2 Kōrinto 1:23

He ꞌAtua te meꞌe i ꞌite, e te taina ē, pē nei ē: a au i taꞌe tuꞌu atu ai mo uꞌi i a kōrua ꞌo ture atu a au o ruŋa i te meꞌe taꞌe tano aŋa e kōrua ꞌo mamae te kōrua māhatu ꞌi tāꞌaku vānaŋa.

2 Kōrinto 1:3

Ki haꞌahana-hana tātou ki te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia he Matuꞌa haka ꞌaroha i a tātou, ꞌe he ꞌAtua haka koa ꞌe haka pūai mai.

2 Kōrinto 11:11

Te taꞌe no-noꞌi atu ōꞌoku mo hāꞌūꞌū mai, ¿e taꞌe haŋa atu ꞌana a au ki a kōrua? ¡He ꞌAtua te meꞌe i ꞌite e haŋa rō atu ꞌana a au!

Karatia 1:20

ꞌE ꞌī a au he kī atu ꞌi muꞌa i te ꞌAtua: te meꞌe taꞌatoꞌa nei e au e pāpaꞌi atu ena he parautiꞌa.

Ēfeto 1:3

Ki haꞌahana-hana tātou ki te ꞌAtua, he Matuꞌa o te tātou Pūꞌoko Haka Tere ko Ietū Kiritō, ꞌi te meꞌe era ko haꞌamaitai mai ꞌana i a tātou hai vaꞌai mai i te meꞌe riva-riva ai ꞌi ruŋa i te raŋi mo hāꞌūꞌū mai ꞌi te tātou haꞌere iŋa a tōꞌona ara ꞌo te ai o tātou ꞌa Ietū Kiritō.

Ēfeto 3:14

E haka topa nei au i tōꞌoku manaꞌu ki te meꞌe taꞌatoꞌa nei, he tū-turi a au he pure ki te ꞌAtua Matuꞌa,

Kōrosa 1:3

E pure nei a mātou, te nuꞌu taina o nei, mo kōrua, e māuru-uru rō ꞌana ki te ꞌAtua, Matuꞌa o te tātou Pūꞌoko Haka Tere ko Ietū Kiritō.

1 Tētārōnika 2:5

Ko ꞌite ꞌana e kōrua, kai vānaŋa atu mātou hai vānaŋa nehe-nehe mo haka koa atu ꞌo mo ravaꞌa moni. He ꞌAtua te mataꞌite o te meꞌe nei.

1 Timoteo 1:11

He hāpī nā o te roŋo riva-riva hopeꞌa o te nui-nui mo haka ꞌite e au, uŋa mai e te ꞌAtua, ki a ia ana haꞌahana-hana.

1 Timoteo 1:17

¡Ki moꞌa ꞌe ki haꞌahana-hana tahi tātou, ꞌātā ki te hopeꞌa raꞌa, ki te ꞌAriki, he ꞌAtua ꞌina ōꞌona haꞌamata, ꞌina ōꞌona hopeꞌa, ꞌina he mate, ꞌina he takeꞌa, ꞌe e tahi mau nō! Ka ai pē ira.

1 Timoteo 6:16

ꞌIna o ruŋa i a ia te mate; ꞌi roto i te mōrī ꞌana-ꞌana e noho ena ꞌe ꞌi te pūai o rā mōrī e ko hāhine e tahi kope. ꞌIna ꞌā e tahi taŋata i takeꞌa ꞌe mo takeꞌa takoꞌa i a ia. Ki haꞌamuri ꞌe ki haꞌahana-hana tātou i te ꞌAtua; i a ia, paꞌi, te parau ꞌe te pūai mo haka tere i te meꞌe taꞌatoꞌa ꞌātā ki te hora hopeꞌa. ⌊ꞌĀmene⌋.

1 Pētero 1:3

Ki haꞌahana-hana tātou i te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia, paꞌi, ko vaꞌai mai ꞌana i te ora ꞌe i te noho iŋa ꞌāpī, he rahi o tōꞌona haka ꞌaroha mo tātou. ꞌE, ꞌi te ai ko haka ora ꞌana e ia i a Ietū mai te mate, e ꞌite nei a tātou e haka ora takoꞌa rō mai i a tātou mai te mate pe muꞌa ka oho ena,