2 Kōrinto 11:29 - Rapa Nui

²⁹ ꞌo viri tāꞌue e tahi o rāua ki roto ꞌi te hara ꞌo te taꞌe pūai o tōꞌona haka moe iŋa i te manaꞌu ꞌi ruŋa i a Ietū ꞌe ꞌo te haka hara i a ia e te kope e tahi. Ka meꞌe era, he riri ia a au mo rā kope era ꞌāꞌana i haka hara.

2 Kōrinto 11:29 ပူးပေါင်းရင်းမြစ်များ

Māteo 11:6

»¡ꞌE, ko te koa i te taŋata taꞌe haka tapa i tōꞌona haka moe iŋa i te manaꞌu mai ruŋa i a au!».

Iovani 2:17

He topa ia te manaꞌu o te nuꞌu hāpī ꞌāꞌana o ruŋa i te vānaŋa kī ꞌi ruŋa i te ⌊Pāpaꞌi Moꞌa⌋ pē nei ē: «Tōꞌoku haŋa mo te kona haꞌamuri atu pa he ahi hū ꞌi roto i tōꞌoku māhatu».

Rōmano 12:15

E koa kōrua ananake ko te nuꞌu koa, ꞌe e taŋi ananake ko te nuꞌu taŋi.

Rōmano 15:1

A tātou, te nuꞌu ꞌite riva-riva i te meꞌe o ruŋa i te ꞌAtua, e haꞌaoromaꞌi te taꞌe aŋa o te tātou taina i te meꞌe manaꞌu e rāua he meꞌe taꞌe haꞌatiꞌa e te ꞌAtua. ꞌIna ko aŋa i te meꞌe mo koa o tātou nō.

1 Kōrinto 11:22

¿Ka kī ꞌō ꞌina kōrua hare mo kai ꞌe mo unu ꞌi ira? ¿He aha kōrua e taꞌe moꞌa ena i te nūnaꞌa taŋata haka moe i te manaꞌu ꞌi ruŋa i a Ietū? ¿He aha e haka haꞌamā ena i te nuꞌu ꞌina rāua meꞌe? ¿He aha tāꞌaku meꞌe mo kī atu? ¿Ko koa ꞌana a au? ꞌIna a au kai koa.

1 Kōrinto 12:26

E ꞌati ena e tahi kona o te hakari, taꞌatoꞌa nō kona o te hakari e maꞌu ena i rā ꞌati, ꞌe e moꞌa ena, taꞌatoꞌa nō e koa ena.

1 Kōrinto 15:36

Te kope ꞌui tāꞌue pē ira ꞌina kai haka topa i te manaꞌu. E manaꞌu kōrua he aha te meꞌe topa ki te karu e ꞌoka ena: e ko tupu mo taꞌe kōpiro ꞌe mo taꞌe ŋaꞌaha ꞌi raꞌe te haho.

1 Kōrinto 8:13

ꞌO ira, mo ai tāꞌue hai kai ōꞌoku i te kiko ana taꞌe haka moe haka ꞌou tōꞌoku taina i tōꞌona manaꞌu ꞌi ruŋa i a Ietū, ꞌina ia a au e ko kai haka ꞌou.

1 Kōrinto 8:9

ꞌIna ko ai hai ꞌite o kōrua ꞌina e tahi meꞌe taꞌe haꞌatiꞌa e te ꞌAtua mo kai, he viri tuꞌu taina taꞌe aŋi-aŋi riva-riva i te meꞌe o te ꞌAtua ki roto i te hara.

1 Kōrinto 9:22

ꞌE ꞌi te hora ōꞌoku ꞌi roto i te nuꞌu kai hio-hio ꞌā te rāua haka moe iŋa i te manaꞌu ꞌi ruŋa i a Ietū, he haka tere takoꞌa a au i a au pē rāua, mo haka hio-hio i te rāua manaꞌu ꞌi ruŋa i a Ietū. Te roa: e haka tere nei a au i a au pa he taꞌatoꞌa nō, he rāveꞌa e tahi mo haka eꞌa i te tētahi o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

2 Kōrinto 13:9

He koa a mātou mo pūai o kōrua ꞌi te ara parautiꞌa o te ꞌAtua ka ai atu e ai rō ꞌana te nuꞌu manaꞌu ꞌina mātou pūai pa he ꞌāpōtoro. ꞌE he pure he oho a mātou mo kōrua mo tuꞌu ki te roa ena ꞌina e tahi hape.

Karatia 2:14

ꞌO ira, i takeꞌa era e au ꞌina he tano tāꞌana meꞌe aŋa ki te parautiꞌa o te roŋo riva-riva o ruŋa i a Ietū, he kī e au ki a Pētero ꞌi muꞌa o te taina taꞌatoꞌa: «Mo ai e tano rō ꞌā mōꞌou, e te hūrio ē, mo noho pa he taŋata taꞌe he hūrio, ¿e tano rō ꞌana ia mo kī o tātou ki te nuꞌu taꞌe he hūrio mo haka tere i a rāua pa he hūrio?».

Karatia 6:2

E hāꞌūꞌū takoꞌa kōrua i te rua mo ꞌamo i tōꞌona ꞌati; pē ira he haka tano kōrua i te meꞌe kī mai e te ⌊Kiritō⌋ mo aŋa.

Meꞌe Haka Takeꞌa 2:2

‘E ꞌite tahi rō ꞌana a au i taꞌa meꞌe aŋa. E aŋi-aŋi rō ꞌana i te paŋahaꞌa o taꞌa aŋa, i te haꞌaoromaꞌi iŋa ōꞌou i te ꞌati hai haumārū, ꞌe i tuꞌu taꞌe haŋa ki te nuꞌu aŋa i te meꞌe taꞌe tano. E ꞌite takoꞌa rō ꞌana a au i haka ꞌatu rō koe i te nuꞌu kī he ꞌāpōtoro rāua, ꞌe te parautiꞌa mau, taꞌe pē ira; ko maꞌurima ꞌana, paꞌi, e koe he reo-reo.

Meꞌe Haka Takeꞌa 2:20

’Ka ai atu pē ira, e ai rō ꞌana tāꞌaku ture māꞌau: he haꞌaoromaꞌi ōꞌou i te viꞌe ko Hētāvere, viꞌe kī i a ia mau ꞌā he perofeta. Te viꞌe nei hai hāpī reo-reo ꞌāꞌana e haka haŋu ena i tōꞌoku tāvini mo moe i te viꞌe i te taŋata taꞌe he viꞌe ꞌo he kenu ꞌāꞌana ꞌe mo kai i te kai tūtia ki te ꞌītoro.