2 Kōrinto 11:28 - Rapa Nui

²⁸ ꞌE taꞌe nō ꞌō he ŋā meꞌe nei te meꞌe i topa mai ki a au; takoꞌa paurō te mahana he manaꞌu nō tāꞌaku aŋa ki te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū,

2 Kōrinto 11:28 ပူးပေါင်းရင်းမြစ်များ

Aŋa o te ꞌĀpōtoro 15:36

Ko rahi ꞌana te mahana, he kī e Pauro ki a Verenāvē: «Mai ki hoki tāua ki uꞌi i te taina o te ŋā kona taꞌatoꞌa haka ꞌite era e tāua i te roŋo riva-riva o te ꞌAtua».

Aŋa o te ꞌĀpōtoro 18:23

I oti era te noho ꞌi ira meꞌe rahi mahana, he eꞌa haka ꞌou he oho ki kona era ki kona era o Karatia ꞌe o Firihia, e haka haŋu e oho era i te nuꞌu taina taꞌatoꞌa o rā ŋā kona mo haka moe mo oho i te rāua manaꞌu ꞌi ruŋa i a Ietū.

Aŋa o te ꞌĀpōtoro 20:2

ꞌI te kona taꞌatoꞌa tuꞌu ōꞌona e haka haŋu e oho era i te taina hai vānaŋa ꞌāꞌana. He tuꞌu ia ꞌi tōꞌona ara ki Keretia,

Aŋa o te ꞌĀpōtoro 9:31

ꞌI rā hora, ꞌi te taꞌe kimi haka ꞌou e te taŋata mo tōtōā, he ŋaroꞌa te ora e te nuꞌu haka moe i te manaꞌu ꞌi ruŋa i a Ietū o te kona taꞌatoꞌa o Hūrea, o Karirea ꞌe o ⌊Tāmāria⌋, ꞌe he haka hio-hio he oho i te rāua manaꞌu ꞌi ruŋa i a Ietū. He moꞌa nō te aŋa i te ꞌAtua, ꞌe, hai hāꞌūꞌū o te Vārua Maitai, e ꞌata rahi e oho era a rāua.

Rōmano 1:14

Ki te taŋata taꞌatoꞌa a au ana haka ꞌite i te roŋo riva-riva o te ꞌAtua, ka ai atu he nuꞌu ai o te hāpī ꞌo taꞌe ai o te hāpī, he nuꞌu mārama-rama, ꞌo taꞌe mārama-rama.

Rōmano 11:13

E ai rō ꞌana tāꞌaku meꞌe mo kī atu ki a kōrua ki te nuꞌu taꞌe he hūrio: te ꞌAtua ko haꞌataꞌa ꞌā i a au pa he ⌊ꞌāpōtoro⌋ mo haka ꞌite atu ki a kōrua i tāꞌana vānaŋa. ꞌO ira a au e aŋa riva-riva nei i te aŋa nui-nui nei,

Rōmano 15:16

mo tāvini ki a Ietū Kiritō mo te riva-riva o te nuꞌu taꞌatoꞌa taꞌe he hūrio. Tāꞌaku aŋa pa he aŋa ꞌā o te ⌊oromatuꞌa⌋: he haka ꞌite ki te nuꞌu taꞌe he hūrio i te ⌊roŋo riva-riva o te ꞌAtua⌋, ki haka moe ai a rāua i te manaꞌu ꞌi ruŋa i a Ietū. Pē ira ka ai ena a rāua pa he meꞌe mo vaꞌai ki te ꞌAtua mo tōꞌona koa haka maꞌitaki e te Vārua Maitai.

Rōmano 16:4

Te nuꞌu ena i vaꞌai rō i a rāua ki roto i te ꞌati mo ora ōꞌoku. E māuru-uru rō ꞌā a au i a rāua, ꞌe pē ira takoꞌa te nūnaꞌa taina taꞌatoꞌa taꞌe he hūrio haka moe i te manaꞌu ꞌi ruŋa i a Ietū.

1 Kōrinto 7:17

Huru kē huru kē te tātou noho iŋa i vaꞌai mai ai e te tātou Pūꞌoko Haka Tere ko Ietū Kiritō: kē mo taureꞌa-reꞌa, kē mo hāipo-ipo, kē mo ꞌekaravo, mo taꞌe ꞌekaravo, mo ⌊hūrio⌋ ꞌe mo taꞌe hūrio. ꞌE tāꞌana meꞌe haŋa: he noho he oho taꞌatoꞌa o tātou pa he hora kī mai era e ia ꞌi roto i te tātou māhatu mo haka moe i te manaꞌu ꞌi ruŋa i a Ietū. Ko te meꞌe nei te meꞌe hāpī e au ꞌi roto i te nūnaꞌa taꞌatoꞌa o te taŋata haka moe i te manaꞌu ꞌi ruŋa i a Ietū.

Kōrosa 2:1

E haŋa rō ꞌana a au mo ꞌite o kōrua: ꞌī a au e aŋa e oho nō ꞌā mo kōrua mo te taina o Kōrosa, mo te nuꞌu ⌊haka moe i te manaꞌu⌋ ꞌi ruŋa i a Ietū o Rāōrītea, ꞌe mo te nuꞌu taꞌatoꞌa pē kōrua kai takeꞌa ꞌana i a au.