2 Kōrinto 11:19 - Rapa Nui

¹⁹ ¡A kōrua e manaꞌu ena he nuꞌu mārama-rama kōrua, ꞌe te aŋa he haꞌaoromaꞌi hai haŋa i te nuꞌu maꞌa-maꞌa!

2 Kōrinto 11:19 ပူးပေါင်းရင်းမြစ်များ

1 Kōrinto 10:15

A kōrua he nuꞌu ꞌite mo haka topa riva-riva i te manaꞌu; mo kōrua mau ꞌā e uꞌi hoki e tano rō ꞌā ꞌo e taꞌe tano rō ꞌā tāꞌaku vānaŋa pāpaꞌi atu ena.

1 Kōrinto 4:10

E manaꞌu ena te nuꞌu o te ao nei he maꞌa-maꞌa a mātou ꞌo te aŋa ki te Kiritō, ꞌe a kōrua e manaꞌu ena: ꞌo te ai a kōrua o te Kiritō he nuꞌu mārama-rama. Ki te manaꞌu takoꞌa o te nuꞌu o te ao nei he nuꞌu taꞌe pūai a mātou, ꞌe a kōrua e manaꞌu ena he nuꞌu pūai kōrua. Te nuꞌu o te ao e taꞌe haka au rō ꞌana i a mātou, ꞌe ki a kōrua e moꞌa atu ena.

1 Kōrinto 8:1

ꞌĪ a au he vānaŋa atu o ruŋa i te ꞌui era o kōrua o te kai tūtia ki te ꞌītoro. Taꞌatoꞌa o tātou e ꞌite rō ꞌā ꞌina e tahi pūai o te ꞌītoro ꞌi ruŋa i a tātou. Ka ai atu pē ira, ka haka topa te manaꞌu: mo haka tere o tātou hai ꞌite, he manaꞌu tātou i hau rō atu tātou ki te rua. ꞌE, mo haka tere hai haŋa, he aŋa tātou i te meꞌe riva-riva mo te rua.

Meꞌe Haka Takeꞌa 2:2

‘E ꞌite tahi rō ꞌana a au i taꞌa meꞌe aŋa. E aŋi-aŋi rō ꞌana i te paŋahaꞌa o taꞌa aŋa, i te haꞌaoromaꞌi iŋa ōꞌou i te ꞌati hai haumārū, ꞌe i tuꞌu taꞌe haŋa ki te nuꞌu aŋa i te meꞌe taꞌe tano. E ꞌite takoꞌa rō ꞌana a au i haka ꞌatu rō koe i te nuꞌu kī he ꞌāpōtoro rāua, ꞌe te parautiꞌa mau, taꞌe pē ira; ko maꞌurima ꞌana, paꞌi, e koe he reo-reo.

Meꞌe Haka Takeꞌa 3:17

’He ꞌono koe e kī ena, e riva-riva rō ꞌā ꞌe ꞌina e tahi aꞌa meꞌe hape; ꞌe te parautiꞌa ꞌina koe he aŋi-aŋi pē nei ē: a koe, ꞌi te meꞌe o te ꞌAtua, he haka ꞌaroha e tahi, he veve, he matapō ꞌe ꞌina uꞌu kahu uru.