2 Kōrinto 11:18 - Rapa Nui

¹⁸ Nuꞌu riꞌa-riꞌa, paꞌi, te nuꞌu, hai manaꞌu taŋata, e teꞌo-teꞌo ena o ruŋa i a rāua ꞌe o ruŋa i te rāua meꞌe aŋa. ¿He aha ia a au ana taꞌe teꞌo-teꞌo takoꞌa atu?

2 Kōrinto 11:18 ပူးပေါင်းရင်းမြစ်များ

1 Kōrinto 4:10

E manaꞌu ena te nuꞌu o te ao nei he maꞌa-maꞌa a mātou ꞌo te aŋa ki te Kiritō, ꞌe a kōrua e manaꞌu ena: ꞌo te ai a kōrua o te Kiritō he nuꞌu mārama-rama. Ki te manaꞌu takoꞌa o te nuꞌu o te ao nei he nuꞌu taꞌe pūai a mātou, ꞌe a kōrua e manaꞌu ena he nuꞌu pūai kōrua. Te nuꞌu o te ao e taꞌe haka au rō ꞌana i a mātou, ꞌe ki a kōrua e moꞌa atu ena.

2 Kōrinto 1:17

ꞌI te taꞌe oho atu ōꞌoku, kai haŋa a au mo manaꞌu o kōrua pē nei ē: a au he taŋata huri tahaŋa o te manaꞌu, ꞌo he taŋata kī, pa he nuꞌu o te ao nei, «ꞌē-ē», ꞌe te parautiꞌa o te rāua manaꞌu «ꞌina».

2 Kōrinto 11:12

ꞌE, e ko haka kore a au i tōꞌoku haka tere iŋa nei he taꞌe no-noꞌi atu hai moni, ꞌo teꞌo-teꞌo tū nuꞌu tuꞌu atu ena ki a kōrua pē nei ē: e aŋa rō ꞌana a rāua pa he aŋa iŋa nei ꞌā o mātou.

2 Kōrinto 12:1

ꞌIna e tahi meꞌe mo ravaꞌa e te kope e tahi mo teꞌo-teꞌo o ruŋa i a ia mau ꞌā. ꞌE, ka ai atu pē ira, ꞌī a au he vānaŋa atu o ruŋa i te meꞌe haka takeꞌa ꞌe haka ꞌite mai e te tātou Pūꞌoko Haka Tere.

2 Kōrinto 12:11

He hape o kōrua i vānaŋa maꞌa-maꞌa atu ai a au o ruŋa i a au; mo kōrua, paꞌi, e vānaŋa riva-riva o ruŋa i a au. Taꞌe te ŋā ⌊ꞌāpōtoro⌋ reo-reo ena ꞌata hau ki a au, ka ai atu taꞌe a au he kope hōnui.

2 Kōrinto 12:9

ꞌE pē nei i kī mai ai: «ꞌIna. Ko haꞌatiꞌa ꞌana, paꞌi, e au mo māui-ui ōꞌou, mo aŋi-aŋi e koe pē nei ē: hai riva rahi nei ōꞌoku ꞌina aꞌu meꞌe haŋa toe mo haꞌaoromaꞌi i te ꞌati taꞌatoꞌa piri atu, ꞌe mo aŋi-aŋi takoꞌa ōꞌou: te pūai ōꞌoku e ꞌata takeꞌa ena ꞌi te hora hāꞌūꞌū ōꞌoku ki te nuꞌu pūai kore». Pē ira a Ietū i kī mai ai. ꞌO ira e koa rō ꞌana a au ꞌe e teꞌo-teꞌo rō ꞌana o tōꞌoku taꞌe pūai, mo ꞌite e te nuꞌu pē nei ē: hai pūai mau nō o te Kiritō a au e tāvini nei ki a ia.

2 Kōrinto 5:16

ꞌO ira a mātou e taꞌe uꞌi haka ꞌou ena i te taŋata hoki a rāua he nuꞌu hōnui ꞌo he nuꞌu taꞌe hōnui, pa he manaꞌu iŋa o te taŋata o te ao nei. Pē ira mātou e uꞌi era i te Kiritō ꞌi muꞌa ꞌā, ꞌe, hora nei, ꞌina he uꞌi haka ꞌou pē ira.

1 Pētero 1:24

Pē nei, paꞌi, e kī ena ꞌi ruŋa i te Pāpaꞌi Moꞌa: «Te taŋata taꞌatoꞌa pa he mauku ꞌana ꞌe tōꞌona pūai pa he tiare o te mauku; he paka-paka te mauku, he mae-mae te tiare ꞌe he marere,