2 Kōrinto 11:17 - Rapa Nui

¹⁷ ka ai atu te teꞌo-teꞌo nei he meꞌe maꞌa-maꞌa e tahi ꞌe taꞌe ꞌō he meꞌe mo koa o te ꞌAtua.

2 Kōrinto 11:17 ပူးပေါင်းရင်းမြစ်များ

1 Kōrinto 7:12

ꞌE ki te tētahi nuꞌu he kī atu a au, pa he meꞌe ꞌāꞌaku, taꞌe pa he vānaŋa o te tātou Pūꞌoko Haka Tere ko Ietū Kiritō: mo ai e tahi taina o roto i a kōrua tāꞌana viꞌe ꞌina he haka moe i tōꞌona manaꞌu ꞌi ruŋa i a Ietū, ꞌe ko te haŋa iŋa ꞌana rā viꞌe mo noho mo oho nō ararua, ꞌina rā taina ko haꞌataꞌa mai rā viꞌe.

1 Kōrinto 7:25

ꞌE, te nuꞌu taꞌe hāipo-ipo, ꞌina e tahi ꞌāꞌaku roŋo mo haka ꞌite ki a rāua vaꞌai mai e Ietū, Pūꞌoko Haka Tere o tātou. ꞌE, ka ai atu pē ira, a au pa he taŋata aŋa i tāꞌana meꞌe kī hai riva rahi o te ꞌAtua, he kī atu au i tōꞌoku manaꞌu.

1 Kōrinto 7:6

Taꞌe e kī atu ꞌā ka tapu kōrua. Tāꞌaku kī: mo haŋa o kōrua mo tapu e tano nō mo aŋa pē ira.

2 Kōrinto 11:1

¡Pē hiva ꞌā a kōrua ana haꞌaoromaꞌi mai i te vānaŋa tuꞌu pa he meꞌe maꞌa-maꞌa ka kī atu ena! E uꞌi e haꞌaoromaꞌi mai.

2 Kōrinto 9:4

ꞌo oho tāꞌue atu te nuꞌu o Mātērōnia ꞌi muri i a au he takeꞌa kai taka-taka ꞌā i a kōrua, ꞌe he haꞌamā a au. ꞌE, ¡¿mo aha atu ꞌā ana kī atu pē hē kōrua ka haꞌamā takoꞌa ena?! E ꞌaꞌamu rō ꞌana, paꞌi, mātou: a kōrua e haka tano tahi rō ꞌana i te kōrua meꞌe kī.