2 Kōrinto 11:15 - Rapa Nui

¹⁵ ꞌE mo aŋa o Rukifero i te meꞌe tuꞌu pē ira, taꞌe ia he meꞌe mo māere te haka tuꞌu o te nuꞌu aŋa ki a ia pa he nuꞌu tano aŋa ki te ꞌAtua. Te meꞌe ka topa ena ki te nuꞌu pē nei he ūtuꞌa tano ki te rāua meꞌe aŋa.

2 Kōrinto 11:15 ပူးပေါင်းရင်းမြစ်များ

Aŋa o te ꞌĀpōtoro 13:10

he kī: «¡E te poki ꞌa Rukifero, ꞌī e te reo-reo, e te meꞌe rake-rake, ꞌe taꞌe haŋa ki te taꞌatoꞌa meꞌe riva-riva ē! ¿He aha koe e haka pōteko-teko ena i te ara o te ꞌAtua?

Rōmano 2:6

Te ꞌAtua e vaꞌai rō ki te taꞌatoꞌa i te meꞌe e tano ki te rāua meꞌe aŋa.

Rōmano 3:8

ꞌE, mo ai pē ira, ¿he aha ia ana taꞌe aŋa i te meꞌe taꞌe tano ki ai ai te meꞌe riva-riva?». O ruŋa i te kī iŋa nei te tētahi nuꞌu e vānaŋa taꞌe tano ena mōꞌoku. Pē nei e kī ena: ꞌāꞌaku te hāpī pē ira. Te nuꞌu ena ko tano riva-riva ꞌā mo haka ūtuꞌa e te ꞌAtua.

1 Kōrinto 9:11

A mātou ko ꞌoka ꞌana i te meꞌe o te ⌊Vārua Maitai⌋ ꞌi roto i te kōrua māhatu. ꞌE ki te kōrua kī, ¿e ko tano a mātou mo no-noꞌi atu e tahi meꞌe ki a kōrua?

2 Kōrinto 11:13

A rāua he ꞌāpōtoro reo-reo e haka tuꞌu rō ꞌana i a rāua pa he ꞌāpōtoro o te Kiritō.

2 Kōrinto 11:23

¿He tāvini a rāua o te Kiritō? ꞌAta hau rō atu tōꞌoku tāvini iŋa ki te Kiritō ki a rāua, ka ai atu ꞌi tōꞌoku kī i te meꞌe nei, e vānaŋa ꞌana a au pa he maꞌa-maꞌa. ꞌAta rahi rō atu tōꞌoku aŋa mōꞌona ki a rāua, ꞌata rahi rō atu tōꞌoku puru iŋa ꞌi roto i te hare maꞌuꞌaurī ꞌo te aŋa ki te Kiritō ki a rāua, ꞌata rahi rō atu te tiŋaꞌi iŋa mai i a au, ꞌe i rahi rō te mahana i oho rō a au mo mate.

2 Kōrinto 3:9

Mo ai he meꞌe pūai ꞌe nui-nui te haka tere iŋa tuai o te ꞌAtua ananake ko te taŋata maꞌu mai i te ūtuꞌa, ¿e ko ai hō te ⌊haka tere iŋa ꞌāpī o te ꞌAtua ananake ko te taŋata⌋ haka tano i te taŋata ki te mata o te ꞌAtua he meꞌe ꞌata hau rō atu ꞌi te pūai ꞌe ꞌi te nui-nui?

Ēfeto 6:12

Taꞌe a tātou e moto ꞌā ki te taŋata; e moto ꞌana ki te tātane, te auraꞌa, ki a Rukifero ꞌe ki tāꞌana vaꞌehau taꞌatoꞌa ꞌina he takeꞌa mai haka tere i te nuꞌu noho ꞌi roto i te pōhāhā.

Fīripo 3:19

Te meꞌe hopeꞌa ka topa era ki te nuꞌu era he ūtuꞌa o te ꞌAtua. He meꞌe pohe nō o te hakari te rāua ꞌatua. Te meꞌe haꞌamā he meꞌe teꞌo-teꞌo e tahi o rāua, ꞌe te rāua manaꞌu ꞌi ruŋa i te meꞌe o te ao mau nō nei.

2 Pētero 2:3

ꞌI te nou-nou o te ŋā maꞌori reo-reo era, he uꞌi i te rāveꞌa mo ꞌata toꞌo i te moni mai i a kōrua hai hāpī reo-reo o rāua, hāpī poreko ꞌi roto i te rāua manaꞌu mau nō era. ꞌE mo te nuꞌu ena, ko ai era ꞌana te ūtuꞌa o te ꞌAtua mai muꞌa ꞌā, ꞌe a ia e ko taꞌe haka ūtuꞌa i a rāua.

Hura 1:4

Nā, paꞌi, hai reo-reo ko oꞌo ꞌana ki roto i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū te nuꞌu haka ꞌite mai era ꞌi ruŋa i te ⌊Pāpaꞌi Moꞌa⌋ e ai rō ꞌā te ūtuꞌa mo rāua. Te nuꞌu nei he nuꞌu taparahi-taꞌata toꞌo i te riva rahi o te tātou ꞌAtua pa he ꞌōtohe mo aŋa i te meꞌe haŋa nō e te rāua hakari, ꞌe ꞌina he haŋa ki te tātou Pūꞌoko Haka Tere ko Ietū Kiritō.

Meꞌe Haka Takeꞌa 13:14

Hai ŋā mana nei, mana haꞌatiꞌa era mo aŋa e ia hai ꞌīŋoa o tū manuꞌino eꞌa era mai roto i te vaikava, i reo-reo ai ki te taŋata. He uŋa ia i te nuꞌu nei he haka aŋa i te ꞌītoro pē rā manuꞌino mau ꞌā, manuꞌino taꞌe mate era ka ai atu i more rō ꞌi te more taparahi-taꞌata ꞌi te hoe.

Meꞌe Haka Takeꞌa 13:2

Te manuꞌino taparahi-taꞌata nei pa he manu ena ꞌā he leopardo. Te vaꞌe pa he vaꞌe ꞌā o te oso ꞌe te haha pa he haha ꞌā o te reone. He vaꞌai ki te manuꞌino nei e tū manuꞌino nui-nui mea-mea era i te pūai ꞌe i tōꞌona tōroꞌa ꞌariki era mo haka tere o rā manuꞌino pa he ꞌariki.

Meꞌe Haka Takeꞌa 9:11

Te ꞌariki o rā ŋā manuꞌino he merahi mātaki era i tū kona pū era ꞌina he hopeꞌa o te raro nui. Te ꞌīŋoa o te merahi nei ꞌi te ⌊ꞌevereo⌋ ko Āvārone ꞌe ꞌi te ⌊kirieko⌋ ko ꞌĀporione. Te haꞌaauraꞌa o te ŋā ꞌīŋoa nei: «he kope taparahi-taꞌata ꞌi te meꞌe taꞌatoꞌa».