2 Kōrinto 11:1 - Rapa Nui

¹ ¡Pē hiva ꞌā a kōrua ana haꞌaoromaꞌi mai i te vānaŋa tuꞌu pa he meꞌe maꞌa-maꞌa ka kī atu ena! E uꞌi e haꞌaoromaꞌi mai.

2 Kōrinto 11:1 ပူးပေါင်းရင်းမြစ်များ

Māteo 17:17

He kī e Ietū: —¡E te nuꞌu pūꞌoko hio-hio manaꞌu taꞌe tano ꞌe taꞌe ⌊haka moe i te manaꞌu⌋ ꞌi ruŋa i te ꞌAtua ē! ¡Pa he meꞌe ena: ka ai ka oho nō atu a au ꞌi muri i a kōrua ꞌātā ki te paꞌo iŋa o te ao, ko te taꞌe haka moe iŋa mai ꞌā kōrua i te manaꞌu ꞌi ruŋa i a au! ¿ꞌĀtā ki hē rā nei ka haꞌaoromaꞌi ka oho nō nei i a kōrua? Ka maꞌu mai te poki.

Aŋa o te ꞌĀpōtoro 18:14

Ka oho a Pauro mo vānaŋa ka kī e tū suerekao era ki te hūrio: —ꞌĀhani te kōrua ture o ruŋa o te meꞌe taꞌe tano ꞌe o ruŋa o te meꞌe rake-rake aŋa e ia, ko haka roŋo atu ꞌā a au.

Aŋa o te ꞌĀpōtoro 26:29

He kī e Pauro: —Ka roa ꞌo ka taꞌe roa, ꞌī a au e ani rō ꞌā ki te ꞌAtua mo riro ōꞌou ꞌe o te nuꞌu taꞌatoꞌa haka roŋo mai ꞌi ꞌaŋarīnā he nuꞌu haka moe i te manaꞌu ꞌi ruŋa i a Ietū pē au ꞌā. Te meꞌe haŋa nō ꞌāꞌaku he taꞌe puru ꞌe he taꞌe here-here i a kōrua hai vivi pē au.

1 Kōrinto 1:21

Te ꞌAtua, paꞌi, ꞌi tōꞌona mārama-rama ꞌAtua i kī ai: te taŋata e ko riva mo ꞌite ko ai a ia hai mārama-rama taŋata mau nō. ꞌE, ꞌi tōꞌona riva rahi, i manaꞌu ai mo haka eꞌa i te taŋata mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa hai haka moe o rāua i te manaꞌu ꞌi ruŋa i tāꞌana roŋo o ruŋa i a Ietū Kiritō, roŋo haka ꞌite e mātou, ka ai atu he meꞌe maꞌa-maꞌa nō atu e tahi mo te nuꞌu taꞌe haka moe i te manaꞌu ꞌi ruŋa i a Ietū.

1 Kōrinto 3:18

E uꞌi ꞌo reo-reo ki a kōrua ꞌā hai manaꞌu ena pē nei ē: nuꞌu mārama-rama kōrua ki te mata o te taŋata o te ao nei. I hau rō atu ꞌi te tano mo riro o kōrua pa he nuꞌu taꞌe mārama-rama, ki riro iho ai kōrua mo te ꞌAtua he nuꞌu mārama-rama mau ꞌā.

1 Kōrinto 4:10

E manaꞌu ena te nuꞌu o te ao nei he maꞌa-maꞌa a mātou ꞌo te aŋa ki te Kiritō, ꞌe a kōrua e manaꞌu ena: ꞌo te ai a kōrua o te Kiritō he nuꞌu mārama-rama. Ki te manaꞌu takoꞌa o te nuꞌu o te ao nei he nuꞌu taꞌe pūai a mātou, ꞌe a kōrua e manaꞌu ena he nuꞌu pūai kōrua. Te nuꞌu o te ao e taꞌe haka au rō ꞌana i a mātou, ꞌe ki a kōrua e moꞌa atu ena.

1 Kōrinto 4:8

Te huru, e manaꞌu ena kōrua ꞌina he meꞌe toe mo ꞌite o ruŋa i te ꞌAtua ꞌe i a kōrua te meꞌe taꞌatoꞌa vaꞌai e te ⌊Vārua Maitai⌋ mo aŋa i tāꞌana aŋa. Te huru takoꞌa, e manaꞌu ena kōrua a kōrua he ꞌariki ꞌe ꞌina e tahi meꞌe haŋa toe mo vaꞌai atu e mātou. ¡Pē hiva ꞌana ꞌō he parautiꞌa he ꞌariki a kōrua mo haka tere o tātou ananake!

2 Kōrinto 11:19

¡A kōrua e manaꞌu ena he nuꞌu mārama-rama kōrua, ꞌe te aŋa he haꞌaoromaꞌi hai haŋa i te nuꞌu maꞌa-maꞌa!

2 Kōrinto 11:21

¡Ko te haꞌamā ꞌō ꞌi te pūai kore o mātou mo meꞌe takoꞌa atu pē rāua! ꞌE, ꞌi te meꞌe era ꞌina a rāua he riꞌa-riꞌa mo teꞌo-teꞌo, ꞌina takoꞌa ia a au e ko riꞌa-riꞌa, ka ai atu pa he kope maꞌa-maꞌa a au e vānaŋa atu ena.

2 Kōrinto 11:4

ꞌE, nā kōrua e haka roŋo ꞌā hai koa ki te nuꞌu vānaŋa atu o ruŋa i te Ietū kē ki te Ietū haka ꞌite atu era e mātou. E haka roŋo takoꞌa ꞌana hai koa ki te roŋo kē taꞌe hāpī atu e mātou, ꞌe ki te vārua kē taꞌe ki te ⌊Vārua Maitai⌋ noho ꞌi roto i a kōrua.

2 Kōrinto 12:11

He hape o kōrua i vānaŋa maꞌa-maꞌa atu ai a au o ruŋa i a au; mo kōrua, paꞌi, e vānaŋa riva-riva o ruŋa i a au. Taꞌe te ŋā ⌊ꞌāpōtoro⌋ reo-reo ena ꞌata hau ki a au, ka ai atu taꞌe a au he kope hōnui.

2 Kōrinto 5:13

Mo kī o te nuꞌu e maꞌa-maꞌa rō ꞌā a mātou, ꞌina kōrua ko tapa atu; te meꞌe taꞌatoꞌa aŋa o mātou mo te ꞌAtua. ꞌE mo kī o te nuꞌu e haka topa riva-riva rō ꞌā a mātou i te manaꞌu, ko ꞌite ꞌana e kōrua e aŋa nei mātou mo te kōrua riva-riva.

ꞌEvereo 5:2

Te ŋā oromatuꞌa nei he taŋata e ai rō ꞌana te hape. ꞌO ira e ꞌite ena mo haꞌaoromaꞌi i te nuꞌu taꞌe ꞌite riva-riva i te meꞌe o te ꞌAtua oho a te ara kē.