2 Kōrinto 10:7 - Rapa Nui

⁷ E haka topa te kōrua manaꞌu o ruŋa i te meꞌe ko ꞌite riva-riva ꞌā e kōrua o ruŋa i a mātou. Nā, paꞌi, ꞌi roto i a kōrua te nuꞌu kī: a rāua he tāvini parautiꞌa o te Kiritō. E ꞌite e te nuꞌu era: a mātou takoꞌa he tāvini o te Kiritō.

2 Kōrinto 10:7 ပူးပေါင်းရင်းမြစ်များ

Māteo 23:5

Te meꞌe taꞌatoꞌa aŋa e rāua mo takeꞌa nō e te taŋata. ꞌE te meꞌe haŋa rahi mo aŋa he ꞌata haka nui-nui i te ꞌavahata here ꞌi ruŋa i te tira ꞌe i te rima ꞌi roto te parau pāpaꞌi hai meꞌe o ruŋa i te ⌊Pāpaꞌi Moꞌa⌋. ꞌE te meꞌe haŋa takoꞌa he uru i te kahu ko kumi ko kumi te vere-vere,

Ruka 16:15

He kī e Ietū ki rā nuꞌu: «A kōrua e haka takeꞌa ena ki te taŋata he nuꞌu aŋa i te meꞌe tī-tika. Ka ai atu pē ira, te ꞌAtua ko ꞌite riva-riva ꞌā i te huru o te kōrua manaꞌu. E rahi rō ꞌā, paꞌi, te meꞌe, ki te manaꞌu taŋata, he meꞌe hopeꞌa o te riva-riva, ꞌe ki te mata o te ꞌAtua, he meꞌe hopeꞌa o te rake-rake.

Iovani 7:24

ꞌIna kōrua ko kī i te tano ꞌe i te taꞌe tano o te meꞌe e tahi hai meꞌe nō ena e kōrua e takeꞌa ena. A kōrua ana ture hai parautiꞌa.

1 Kōrinto 1:12

E ai rō ꞌā te nuꞌu o kōrua kī: «A au ꞌa Pauro»; ꞌe tētahi te kī: «A au ꞌa ꞌĀporo»; tētahi atu: «A au ꞌa Tefa»; ꞌe tētahi haka ꞌou atu te kī: «A au o te ⌊Kiritō⌋».

1 Kōrinto 14:37

Mo manaꞌu o te kope e tahi e vānaŋa ꞌana a ia i te meꞌe haka ꞌite e te ꞌAtua, ꞌe he kope haka tere a ia e te Vārua Maitai, e ꞌite pē nei ē: tāꞌaku meꞌe nei e pāpaꞌi atu ena he roŋo o te tātou Pūꞌoko Haka Tere ko Ietū Kiritō.

1 Kōrinto 15:23

ꞌe taꞌatoꞌa ꞌi tōꞌona hora: ꞌi raꞌe te Kiritō, ꞌe ki hoki mai a ia, he nuꞌu ꞌāꞌana.

1 Kōrinto 3:23

ꞌe a kōrua ꞌa Ietū Kiritō, ꞌe a Ietū o te ꞌAtua.

1 Kōrinto 9:1

Taꞌe a au he ꞌekaravo o te manaꞌu taŋata. A au he ꞌāpōtoro. Ko takeꞌa ꞌana, paꞌi, e au i a Ietū, Pūꞌoko Haka Tere o tātou, ꞌe hai aŋa nei i haka moe ai kōrua i te manaꞌu ꞌi ruŋa i a Ietū.

2 Kōrinto 10:1

E te taina, nā ꞌi roto i a kōrua te nuꞌu e haꞌaꞌino rō ꞌā i a au pē nei ē: ꞌi te hora ōꞌoku ꞌi muri i a kōrua, ꞌina a au he kī atu ki te kōrua ꞌāriŋa i te kōrua hape, ꞌe, ꞌi te hora mo pāpaꞌi atu, he ture nō atu tāꞌaku aŋa. ꞌO ira, a au, a Pauro, he ani atu hai haŋa ꞌe hai riva rahi o te ⌊Kiritō⌋:

2 Kōrinto 11:18

Nuꞌu riꞌa-riꞌa, paꞌi, te nuꞌu, hai manaꞌu taŋata, e teꞌo-teꞌo ena o ruŋa i a rāua ꞌe o ruŋa i te rāua meꞌe aŋa. ¿He aha ia a au ana taꞌe teꞌo-teꞌo takoꞌa atu?

2 Kōrinto 11:23

¿He tāvini a rāua o te Kiritō? ꞌAta hau rō atu tōꞌoku tāvini iŋa ki te Kiritō ki a rāua, ka ai atu ꞌi tōꞌoku kī i te meꞌe nei, e vānaŋa ꞌana a au pa he maꞌa-maꞌa. ꞌAta rahi rō atu tōꞌoku aŋa mōꞌona ki a rāua, ꞌata rahi rō atu tōꞌoku puru iŋa ꞌi roto i te hare maꞌuꞌaurī ꞌo te aŋa ki te Kiritō ki a rāua, ꞌata rahi rō atu te tiŋaꞌi iŋa mai i a au, ꞌe i rahi rō te mahana i oho rō a au mo mate.

2 Kōrinto 11:4

ꞌE, nā kōrua e haka roŋo ꞌā hai koa ki te nuꞌu vānaŋa atu o ruŋa i te Ietū kē ki te Ietū haka ꞌite atu era e mātou. E haka roŋo takoꞌa ꞌana hai koa ki te roŋo kē taꞌe hāpī atu e mātou, ꞌe ki te vārua kē taꞌe ki te ⌊Vārua Maitai⌋ noho ꞌi roto i a kōrua.

2 Kōrinto 12:11

He hape o kōrua i vānaŋa maꞌa-maꞌa atu ai a au o ruŋa i a au; mo kōrua, paꞌi, e vānaŋa riva-riva o ruŋa i a au. Taꞌe te ŋā ⌊ꞌāpōtoro⌋ reo-reo ena ꞌata hau ki a au, ka ai atu taꞌe a au he kope hōnui.

2 Kōrinto 13:3

Pē ira ka ꞌite ena e kōrua: hai parau mau ꞌā o te ⌊Kiritō⌋ a au e vānaŋa atu ena. A ia, paꞌi, kope taꞌe haka rehe-rehe i a ia ꞌi te hora haka tī-tika i a kōrua; kope haka takeꞌa i tōꞌona pūai ꞌi roto i a kōrua.

2 Kōrinto 5:12

Taꞌe e haka paka haka ꞌou atu ꞌā a mātou. E vaꞌai atu ꞌana i te rāveꞌa mo koa o kōrua mo mātou, ki ai ai te kōrua vānaŋa mo pāhono ki te nuꞌu uꞌi i te tōroꞌa mau nō o te taŋata ꞌe taꞌe ꞌō i te meꞌe o roto i te māhatu.

Karatia 3:29

ꞌE, ꞌi te ai o tātou ꞌāꞌana, he hakaara tātou o ꞌAparahama, ꞌe mo tātou takoꞌa ia te meꞌe hōrea e te ꞌAtua ki a ia.

1 Iovani 4:6

ꞌE a tātou o te ꞌAtua. Te kope māhani i te ꞌAtua ki a tātou e haka roŋo mai ena, ꞌe te kope taꞌe o te ꞌAtua e ko haka roŋo mai. Hai meꞌe nei e ꞌite ena e tātou ko ai te kope i a ia te Vārua kī i te parautiꞌa ꞌe ko ai te kope i a ia te vārua kī i te reo-reo.