2 Kōrinto 10:6 - Rapa Nui

⁶ ꞌE ki takeꞌa ia e mātou i te rahi raꞌa o kōrua e haꞌatura parautiꞌa mau rō ꞌā ki te meꞌe taꞌatoꞌa haŋa o te Kiritō, ꞌi rā hora he uꞌi mātou he haka ūtuꞌa i te nuꞌu o roto i a kōrua taꞌe haꞌatura ki a ia.

2 Kōrinto 10:6 ပူးပေါင်းရင်းမြစ်များ

Rōmano 2:23

E manaꞌu ena koe: ꞌi te ai i a koe te haka tere iŋa ꞌa Mōtē i hau rō atu koe ki te rua, ꞌe, ꞌi te taꞌe haꞌatura ōꞌou ki te meꞌe hāꞌaki o ruŋa, e taꞌe moꞌa ena i te ꞌAtua.

1 Kōrinto 4:21

¿He aha ia te kōrua meꞌe haŋa: he oho atu ōꞌoku haka ūtuꞌa i a kōrua, ꞌo he oho atu he uꞌi i a kōrua hai koa ꞌe hai haŋa?

2 Kōrinto 13:10

E pāpaꞌi atu ena a au i te parau nei ꞌi raꞌe ki tōꞌoku oho iŋa atu, ꞌo ai, hora ena ōꞌoku ka tuꞌu atu ena, he haka ūtuꞌa atu au i a kōrua hai parau vaꞌai mai e te tātou Pūꞌoko Haka Tere, parau vaꞌai mai mo haka pūai i te nuꞌu haka moe i te manaꞌu ꞌi ruŋa i a ia, taꞌe ꞌō mo haꞌataꞌa i a rāua mai muri i a ia.

2 Kōrinto 13:2

ꞌI tōꞌoku rua oho iŋa atu era, i kī rō au ki te nuꞌu o roto i a kōrua noho ꞌi roto i te hara ꞌe ki te taꞌatoꞌa pē nei ē: e uꞌi e eꞌa mai roto i te meꞌe taꞌe tano ꞌo haka ūtuꞌa. ꞌE hora nei, ꞌi raꞌe ki tōꞌoku tuꞌu iŋa haka ꞌou atu, he haka ꞌite atu a au: ka tuꞌu atu ena a au, ꞌina a au e ko taꞌe haka ūtuꞌa i te nuꞌu ko te noho iŋa ꞌana ꞌi roto i te hara.

2 Kōrinto 2:9

ꞌI ruŋa i tāꞌaku parau raꞌe era i pāpaꞌi atu ai a au o ruŋa i rā kope ꞌe o ruŋa i te kōrua meꞌe mo aŋa ki a ia, mo uꞌi hoki e haꞌatura rō mai kōrua.

2 Kōrinto 7:15

E topa nei te manaꞌu o Tito ki te moꞌa ꞌe ki te haꞌatura iŋa era o kōrua ki a ia, he ꞌata rahi rō atu ꞌai tōꞌona haŋa mo kōrua.

1 Timoteo 1:20

I topa ai te meꞌe nei ki a Hīmēneo ararua ko Arehantaro, ꞌe ko haka rē atu ꞌana e au ki a Rukifero mo aŋi-aŋi e rāua ararua: ꞌina ko kī haka ꞌou i te vānaŋa taꞌe tano mo te ꞌAtua.

3 Iovani 1:10

Ki tuꞌu atu au, he ture e au ꞌi muꞌa o te taina taꞌatoꞌa o ruŋa i tāꞌana meꞌe taꞌe tano ena e aŋa mai ena. E haꞌaꞌino ꞌe e reo-reo e oho ena o ruŋa i a tātou. ꞌE taꞌe nō ko rā meꞌe te meꞌe e aŋa mai ena. ꞌIna he haŋa mo toꞌo ki tōꞌona hare i te taina tuꞌu ki ira. ꞌE te taina haŋa mo toꞌo i rā ŋā taina ki te rāua hare ꞌina e ia he haꞌatiꞌa, ꞌe he toꞌo mai i rā ŋā taina era e haŋa rō ꞌā he tute mai roto i te nūnaꞌa taŋata haka moe i te manaꞌu ꞌi ruŋa i a Ietū.