2 Kōrinto 10:1 - Rapa Nui

¹ E te taina, nā ꞌi roto i a kōrua te nuꞌu e haꞌaꞌino rō ꞌā i a au pē nei ē: ꞌi te hora ōꞌoku ꞌi muri i a kōrua, ꞌina a au he kī atu ki te kōrua ꞌāriŋa i te kōrua hape, ꞌe, ꞌi te hora mo pāpaꞌi atu, he ture nō atu tāꞌaku aŋa. ꞌO ira, a au, a Pauro, he ani atu hai haŋa ꞌe hai riva rahi o te ⌊Kiritō⌋:

2 Kōrinto 10:1 ပူးပေါင်းရင်းမြစ်များ

Māteo 11:29

E aŋa tāꞌaku meꞌe kī atu ꞌe e riro kōrua he nuꞌu hāpī ꞌāꞌaku. A au, paꞌi, he kope riva, taꞌe riri-riri tahaŋa ꞌe taꞌe manaꞌu i hau rō atu ki te rua. Pē ira he ŋaroꞌa e kōrua te ora.

Māteo 21:5

«Ka kī ki te nuꞌu o te kona ena ko ⌊Tione⌋, kī takoꞌa ko Hērutarema: “Ka uꞌi tuꞌu ꞌAriki e oho mai ena, pa he taŋata taꞌe hōnui, e eke rō ꞌana ꞌi ruŋa i te muni, he poki o te muni maꞌu taoꞌa”».

Aŋa o te ꞌĀpōtoro 8:32

Te kona o rā puka e taiꞌo era he kona kī: «I maꞌu ai i a ia pa he māmoe ki te kona tiŋaꞌi māmoe; ꞌe pa he māmoe ꞌiti-ꞌiti haka kiva-kiva ꞌi muꞌa o te nuꞌu varu māmoe, kai rere te reꞌo.

Rōmano 10:20

I pāpaꞌi takoꞌa rō e te perofeta era ko ꞌItaia pē nei ē: «Te nuꞌu taꞌe kimi mai, i ravaꞌa rō i a au; ꞌe te nuꞌu taꞌe ꞌui o ruŋa ōꞌoku, ki a rāua a au i haka takeꞌa ai i a au».

Rōmano 12:1

E te taina, te ꞌAtua e haka ꞌaroha rō ꞌana i a tātou, ꞌe ꞌi ruŋa i a tātou tōꞌona riva rahi. ꞌO ira ꞌī a au he ani atu: e vaꞌai tahi kōrua i te kōrua hakari ꞌe i te kōrua manaꞌu ki te ꞌAtua pa he tūtia ora haꞌataꞌa māꞌana mo aŋa i tāꞌana meꞌe haŋa. Te meꞌe nei he rāveꞌa tano mo haꞌamuri ki te ꞌAtua.

Rōmano 15:15

Ka ai atu pē ira, ꞌi ruŋa i te parau nei, ko pāpaꞌi ko haka ꞌite atu ꞌana a au o ruŋa i te tētahi meꞌe, ꞌo rehu i a kōrua. I pāpaꞌi atu ai ꞌo te ai te ꞌAtua hai riva rahi ōꞌona ko haka ꞌāpōtoro ꞌā i a au

1 Kōrinto 2:3

I māroa atu ai a au ꞌi muꞌa o kōrua ꞌina e tahi ōꞌoku pūai e ŋaroꞌa era e au ꞌe e rurū rō ꞌā ꞌi te riꞌa-riꞌa, ꞌo taꞌe haka tano au i te meꞌe haŋa o te ꞌAtua.

1 Kōrinto 4:10

E manaꞌu ena te nuꞌu o te ao nei he maꞌa-maꞌa a mātou ꞌo te aŋa ki te Kiritō, ꞌe a kōrua e manaꞌu ena: ꞌo te ai a kōrua o te Kiritō he nuꞌu mārama-rama. Ki te manaꞌu takoꞌa o te nuꞌu o te ao nei he nuꞌu taꞌe pūai a mātou, ꞌe a kōrua e manaꞌu ena he nuꞌu pūai kōrua. Te nuꞌu o te ao e taꞌe haka au rō ꞌana i a mātou, ꞌe ki a kōrua e moꞌa atu ena.

1 Kōrinto 4:21

¿He aha ia te kōrua meꞌe haŋa: he oho atu ōꞌoku haka ūtuꞌa i a kōrua, ꞌo he oho atu he uꞌi i a kōrua hai koa ꞌe hai haŋa?

2 Kōrinto 10:10

ꞌĪ a au e kī atu ena: nā ꞌi roto i a kōrua te nuꞌu kī: pūai riꞌa-riꞌa tāꞌaku vānaŋa ꞌi te hora pāpaꞌi atu, ꞌe, ꞌi te hora ꞌi muꞌa i a kōrua, e tuꞌu rō ꞌā pa he kope taꞌe pūai ꞌe taꞌe ꞌite mo tātara.

2 Kōrinto 10:2

Ka uꞌi ka haka tī-tika rō ꞌai te ŋā nuꞌu ena, nuꞌu manaꞌu: a mātou e haka tere nei hai manaꞌu taŋata mau nō, ꞌo tuꞌu atu au, he ture atu ki a kōrua ananake ko nā ŋā nuꞌu.

2 Kōrinto 10:7

E haka topa te kōrua manaꞌu o ruŋa i te meꞌe ko ꞌite riva-riva ꞌā e kōrua o ruŋa i a mātou. Nā, paꞌi, ꞌi roto i a kōrua te nuꞌu kī: a rāua he tāvini parautiꞌa o te Kiritō. E ꞌite e te nuꞌu era: a mātou takoꞌa he tāvini o te Kiritō.

2 Kōrinto 11:21

¡Ko te haꞌamā ꞌō ꞌi te pūai kore o mātou mo meꞌe takoꞌa atu pē rāua! ꞌE, ꞌi te meꞌe era ꞌina a rāua he riꞌa-riꞌa mo teꞌo-teꞌo, ꞌina takoꞌa ia a au e ko riꞌa-riꞌa, ka ai atu pa he kope maꞌa-maꞌa a au e vānaŋa atu ena.

2 Kōrinto 11:30

Meꞌe taꞌe haŋa ꞌāꞌaku he teꞌo-teꞌo o ruŋa i a au; ꞌe mo teꞌo-teꞌo atu, he teꞌo-teꞌo atu ia a au ꞌi tōꞌoku taꞌe pūai.

2 Kōrinto 12:5

E tano nō a au mo haka paka atu ꞌo te topa mai o te meꞌe nei ki a au; ka ai atu pē ira, ꞌina nō a au he haŋa mo haka paka atu. ꞌE, mo haka paka atu, he haka paka atu ia a au i a au pē hē te ꞌAtua e haka takeꞌa ena i tōꞌona pūai ꞌi ruŋa i te kope taꞌe pūai pē au.

2 Kōrinto 3:12

ꞌE, ꞌo te ꞌite o mātou e ko ŋaro te haka tere iŋa ꞌāpī nei, ꞌina e tahi mātou meꞌe naꞌa e haka ꞌite e oho nei o ruŋa.

2 Kōrinto 5:20

He nuꞌu vānaŋa mātou hai ꞌīŋoa o te Kiritō, ꞌe hai mātou te ꞌAtua e vānaŋa atu ena ki a kōrua. ꞌO ira, hai ꞌīŋoa o te Kiritō he ani atu mātou: e haka moe kōrua i te manaꞌu ꞌi ruŋa i te roŋo parautiꞌa o ruŋa i te Kiritō mo riva-riva o kōrua ki te ꞌAtua.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

2 Kōrinto 7:4

E koa rō ꞌana a au mo kōrua, ꞌe e vānaŋa atu ena taꞌe hai riꞌa-riꞌa. Ka ai atu e ꞌamo rō ꞌana a mātou i te ꞌati, ko te pūai iŋa ꞌana tōꞌoku manaꞌu ꞌe ko te koa iŋa ꞌana a au.

Karatia 4:13

E manaꞌu kōrua: ꞌi tōꞌoku māui-ui a au i tuꞌu atu ai ki a kōrua ena ꞌe i hāpī atu ai i te ⌊roŋo riva-riva o te ꞌAtua⌋.

Karatia 5:2

Haka roŋo mai. ꞌĪ a au, a Pauro, he kī atu: mo hore o te kiri o te kinoŋa hai manaꞌu: pē ira he tano kōrua ki te mata o te ꞌAtua, te meꞌe aŋa era ia e Ietū e ko hāꞌūꞌū atu.

Ēfeto 3:1

A au, a Pauro, i puru nei ꞌi roto i te hare maꞌuꞌaurī ꞌo te aŋa ki a Ietū Kiritō mo te riva-riva o kōrua o te nuꞌu taꞌe he hūrio.

Ēfeto 4:1

A au, a Pauro, e puru atu ena ꞌo te haka ꞌite i te ⌊roŋo riva-riva o ruŋa i a Ietū Kiritō⌋, he ani atu: ꞌo te ai o kōrua he nuꞌu haꞌataꞌa e te ꞌAtua māꞌana, e ai te kōrua noho iŋa, noho iŋa tano o te nuꞌu ꞌāꞌana.

Fīripo 4:5

E ꞌite e te nuꞌu taꞌatoꞌa: nuꞌu riva kōrua. Te hoki iŋa mai, paꞌi, o Ietū ko hāhine ꞌana.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

2 Tētārōnika 3:17

A au, a Pauro, e pāpaꞌi atu ena i te ꞌaroha nei hai rima mau nei ꞌā ōꞌoku. Pē ira a au e tāpaꞌo tahi nei i tāꞌaku parau pāpaꞌi.

Firemono 1:19

Hai rima mau ꞌana ōꞌoku o Pauro e pāpaꞌi atu ena: māꞌaku mau ꞌā e ꞌauhau atu. Ka ai atu pē ira, ꞌina ko rehu i a koe e ai rō ꞌana tuꞌu tārahu mōꞌoku: hai au, paꞌi, i ravaꞌa ai e koe i te ora ꞌāpī ꞌina he hopeꞌa raꞌa vaꞌai e te ꞌAtua.

Firemono 1:9

ꞌe ꞌina a au kai haŋa mo aŋa pē ira. ꞌI te ai o tuꞌu here mo te taina, te haŋa e no-noꞌi atu. ꞌĪ a au, a Pauro, korohuꞌa, e puru atu ena ꞌi te hora nei ꞌo te haka ꞌite o ruŋa i a Ietū Kiritō,

1 Pētero 2:11

E te taina, a kōrua pa he nuꞌu o te kona kē noho ꞌi te ao nei mo te hora ꞌiti-ꞌiti nō e tahi. ꞌO ira, ꞌina ko vaꞌai i a kōrua ki te meꞌe pohe nō o te hakari, he meꞌe haka tapa i a kōrua mai te ara o te ꞌAtua.

Meꞌe Haka Takeꞌa 1:9

A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.