2 Kōrinto 1:9 - Rapa Nui

⁹ I tuꞌu mau rō pa he meꞌe ena ē: he mā-mate mau ꞌā a mātou ꞌi ira. I topa mai ai te meꞌe nei mo ꞌite o mātou: ꞌi ruŋa i te ꞌAtua mau nō, kope haka ora i te taŋata mai te mate, ana haka moe mātou i te manaꞌu, ꞌe taꞌe ꞌō ꞌi ruŋa i a mātou mau ꞌā.

2 Kōrinto 1:9 ပူးပေါင်းရင်းမြစ်များ

Ruka 18:9

He ꞌaꞌamu takoꞌa e Ietū i te ꞌaꞌamu haꞌaauraꞌa nei mo te nuꞌu manaꞌu ko rāua nō te nuꞌu aŋa i te meꞌe tī-tika ki te mata o te ꞌAtua ꞌe te tētahi nuꞌu ꞌina:

Rōmano 8:36

Te ꞌati tuꞌu pa he ŋā ꞌati nei e topa tāꞌue rō mai pēaha ki a tātou. Nā, paꞌi, e hāꞌaki rō ꞌana ꞌi ruŋa i te ⌊Pāpaꞌi Moꞌa⌋ pē nei ē: «ꞌO te ai o mātou ꞌāꞌau, paurō te mahana he oho nō mai te aŋa o te taŋata mo tiŋaꞌi i a mātou; ꞌe, ko haꞌariro ꞌā i a mātou he māmoe mo maꞌu mo tiŋaꞌi».

2 Kōrinto 1:10

ꞌE te ꞌAtua i haka eꞌa rō i a mātou mai rā ꞌati, ꞌe ko ꞌite ꞌā e mātou pē ira ka aŋa ka oho ena. ꞌĒ-ē, ko ꞌite riva-riva ꞌana e mātou pē ira ka aŋa ka oho mai ena.

2 Kōrinto 1:8

E te taina, e haŋa rō ꞌā a mātou mo ꞌite o kōrua i te rahi o te ꞌati topa mai ki a mātou ꞌi ꞌĀtia. He ꞌati taparahi-taꞌata e tahi, ꞌati ena mo taꞌe haꞌaoromaꞌi, ꞌe ꞌātā i manaꞌu rō e mātou he mā-mate a mātou.

2 Kōrinto 3:5

E ko tano mātou mo kī: hai mārama-rama mau ꞌā o mātou e aŋa nei; ko ꞌite riva-riva ꞌana, paꞌi, e mātou: o te ꞌAtua te vaꞌai mai i te mārama-rama mo aŋa i nei aŋa.

2 Kōrinto 4:7

Te aŋa vaꞌai mai nei e te ꞌAtua, he haka ꞌite i te ⌊roŋo riva-riva o ruŋa i a Ietū⌋, he meꞌe hopeꞌa o te hauhaꞌa. ꞌE a mātou, te nuꞌu i a rāua nei hauhaꞌa, pa he pani aŋa hai ꞌōꞌone. Pē ira te ꞌAtua i aŋa ai mo ꞌite e te taꞌatoꞌa: te pūai nui-nui nei i a mātou o te ꞌAtua, taꞌe ꞌō o mātou mau ꞌā.

ꞌEvereo 11:19

He ꞌite o ꞌAparahama e ko taꞌe haka tano e te ꞌAtua i tāꞌana meꞌe kī, ꞌe i te ꞌAtua te pūai mo haka ora i te taŋata mai te mate, i aŋa ai i te meꞌe kī era e te ꞌAtua. Mōꞌona, paꞌi, he ravaꞌa haka ꞌou e ia i rā poki era ꞌāꞌana mai te mate.