2 Kōrinto 1:8 - Rapa Nui

⁸ E te taina, e haŋa rō ꞌā a mātou mo ꞌite o kōrua i te rahi o te ꞌati topa mai ki a mātou ꞌi ꞌĀtia. He ꞌati taparahi-taꞌata e tahi, ꞌati ena mo taꞌe haꞌaoromaꞌi, ꞌe ꞌātā i manaꞌu rō e mātou he mā-mate a mātou.

2 Kōrinto 1:8 ပူးပေါင်းရင်းမြစ်များ

Aŋa o te ꞌĀpōtoro 16:6

ꞌI te taꞌe haꞌatiꞌa e te ⌊Vārua Maitai⌋ mo haka ꞌite i te ⌊roŋo riva-riva o te ꞌAtua⌋ ꞌi te ŋā kona era o ꞌĀtia, he vari a kuā Pauro a te ŋā kona era o Firihia ꞌe o Karatia,

Aŋa o te ꞌĀpōtoro 2:9

ꞌI roto i a tātou, paꞌi, te nuꞌu o Paratia, o Mēria, o ꞌĒrama, o Mētōpōtāmia, o Hūrea, o Kāpārōtia, o Ponotō, o ꞌĀtia,

Rōmano 1:13

E te taina, e haŋa rō ꞌana a au mo ꞌite o kōrua e rahi rō ꞌā te mahana pohe ōꞌoku mo oho atu mo uꞌi i a kōrua, ꞌe ꞌātā ki te hora nei, ꞌī e piri nō mai ꞌā te meꞌe mo taꞌe tuꞌu atu ōꞌoku. Te meꞌe haŋa ꞌāꞌaku he takeꞌa mai ꞌi roto i a kōrua meꞌe rahi nuꞌu e pūai rō ꞌā te manaꞌu ꞌi ruŋa i te hāpī parautiꞌa o te ꞌAtua, ꞌe, takoꞌa, he ꞌata rahi o te nuꞌu haka ꞌou haka moe i te manaꞌu ꞌi ruŋa i a Ietū, pa he meꞌe topa ꞌi te tētahi atu kona o te nuꞌu taꞌe hūrio tuꞌu hāpī e au.

1 Kōrinto 15:32

ꞌE mo ai he parautiꞌa ꞌina he nuꞌu he ora haka ꞌou mai te mate, ¿e ai rō hō te manaꞌu o te ao nei tano mo haka moto i a au ki te nuꞌu o Ēfeto tuꞌu pa he ꞌanimare taehae pa he meꞌe aŋa e au? Mo taꞌe ora ia o te nuꞌu mai te mate, i hau ꞌi te riva mo aŋa o tātou pa he meꞌe kī e te nuꞌu: «¡Ki kai, ki unu; āpō, he mate ꞌe he oti mau rō ꞌai!».

1 Kōrinto 16:9

ꞌo te ai e rahi rō ꞌana te nuꞌu o nei haŋa mo haka ꞌite ōꞌoku ki a rāua i te ⌊roŋo riva-riva o te ꞌAtua⌋, ka ai atu e rahi takoꞌa rō ꞌana te nuꞌu taꞌe haŋa mai.

1 Kōrinto 4:8

Te huru, e manaꞌu ena kōrua ꞌina he meꞌe toe mo ꞌite o ruŋa i te ꞌAtua ꞌe i a kōrua te meꞌe taꞌatoꞌa vaꞌai e te ⌊Vārua Maitai⌋ mo aŋa i tāꞌana aŋa. Te huru takoꞌa, e manaꞌu ena kōrua a kōrua he ꞌariki ꞌe ꞌina e tahi meꞌe haŋa toe mo vaꞌai atu e mātou. ¡Pē hiva ꞌana ꞌō he parautiꞌa he ꞌariki a kōrua mo haka tere o tātou ananake!

2 Kōrinto 1:9

I tuꞌu mau rō pa he meꞌe ena ē: he mā-mate mau ꞌā a mātou ꞌi ira. I topa mai ai te meꞌe nei mo ꞌite o mātou: ꞌi ruŋa i te ꞌAtua mau nō, kope haka ora i te taŋata mai te mate, ana haka moe mātou i te manaꞌu, ꞌe taꞌe ꞌō ꞌi ruŋa i a mātou mau ꞌā.

2 Kōrinto 6:9

E uꞌi mai ena i a mātou pa he nuꞌu taꞌe māhani e rāua, ka ai atu e ꞌite riva-riva rō ꞌā ko ai a mātou. He oho nō te aŋa o mātou mo mate i a rāua, ꞌe ko te ora iŋa ꞌana. He tōtōā nō mai te aŋa, ꞌe, ka ai atu pē ira, ꞌina a mātou he mate.