2 Kōrinto 1:7 - Rapa Nui

⁷ ꞌE, ko ꞌite riva-riva ꞌana e mātou: pa he ꞌamo iŋa takoꞌa ena ꞌā o kōrua i te ꞌati, ka haka koa ꞌe ka haka pūai takoꞌa atu ena i a kōrua e te ꞌAtua.

2 Kōrinto 1:7 ပူးပေါင်းရင်းမြစ်များ

Māteo 23:30

koia ko kī: “ꞌĀhani mātou i ai ꞌi te hora era o te tupuna, e ko peꞌe mātou ki te nuꞌu tiŋaꞌi i te perofeta”.

1 Kōrinto 10:13

E manaꞌu tātou: te meꞌe haka ꞌatu i a tātou mo hara ko te meꞌe ena ꞌā e haka ꞌatu ena i te taꞌatoꞌa nō taŋata mo hara. ꞌIna ko rehu ꞌi te hora o te haka ꞌatu: te ꞌAtua ꞌina e ko taꞌe haka tano i tāꞌana meꞌe kī. Ko kī ꞌana, paꞌi: ꞌina e ia e ko haꞌatiꞌa mo haka ꞌatu mai i a tātou hai meꞌe e ko ravaꞌa e tātou mo haꞌaoromaꞌi, ꞌe, takoꞌa, e vaꞌai rō mai e ia i te rāveꞌa mo eꞌa o tātou ꞌina kai hara mai rā meꞌe era mo haka ꞌatu mai.

2 Kōrinto 1:14

i te mātou māhatu ꞌe i te mātou meꞌe aŋa, ki koa ai kōrua mo mātou, ꞌe pē ira takoꞌa ꞌana a mātou mo kōrua ꞌi te hora o te hoki iŋa mai o te tātou Pūꞌoko Haka Tere ko Ietū.

2 Kōrinto 12:20

E riꞌa-riꞌa rō ꞌana a au, ka oho atu ena a au uꞌi i a kōrua, te kōrua noho iŋa taꞌe pa he meꞌe haŋa ꞌāꞌaku. ꞌE, mo ai pē ira, taꞌe ia toe tōꞌoku huru pa he meꞌe haŋa e kōrua. Tōꞌoku riꞌa-riꞌa ꞌo ai te tātake ꞌi roto i a kōrua, te mākota, te riri, te ꞌino, te haꞌaꞌino, te vānaŋa taꞌe tano mo te tētahi, te manaꞌu i hau rō atu ki te rua, ꞌe te hihi-hihi o te kōrua noho iŋa.

2 Kōrinto 7:9

ꞌE, ko koa ꞌana a au, taꞌe ꞌō ꞌo te māui-ui o te kōrua māhatu, ꞌo te ai hai rā māui-ui i hārui haka ꞌou ai te kōrua manaꞌu ki te ꞌAtua. Te meꞌe ŋaroꞌa era e kōrua he meꞌe haŋa o te ꞌAtua mo tāꞌana nuꞌu. ꞌI te ai pē ira, ꞌina ia a mātou kai aŋa atu i te meꞌe taꞌe tano ki a kōrua hai rā meꞌe pāpaꞌi atu era e au.

2 Timoteo 2:12

Mo haꞌaoromaꞌi o tātou i te ꞌati hai pūai, he haka tere a tātou ꞌi tōꞌona ao ꞌi muri i a ia. Mo kī o tātou kai ꞌite a tātou ko ai a ia, pē ira takoꞌa ꞌā ka kī ena e ia mo tātou.

2 Timoteo 3:11

e tute mai era i a au mo tōtōā ꞌi te ŋā kona era ko Antiokia, ko Īkōnio ꞌe ko Rītara. ¡Meꞌe huru kē te rahi o te ꞌati a au i haꞌaoromaꞌi ai! ꞌE o te ꞌAtua au i hāꞌūꞌū mai mo eꞌa mai roto i rā ŋā ꞌati.

Tanatiako 1:12

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.

Meꞌe Haka Takeꞌa 1:9

A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.