2 Kōrinto 1:23 - Rapa Nui

²³ He ꞌAtua te meꞌe i ꞌite, e te taina ē, pē nei ē: a au i taꞌe tuꞌu atu ai mo uꞌi i a kōrua ꞌo ture atu a au o ruŋa i te meꞌe taꞌe tano aŋa e kōrua ꞌo mamae te kōrua māhatu ꞌi tāꞌaku vānaŋa.

2 Kōrinto 1:23 ပူးပေါင်းရင်းမြစ်များ

Aŋa o te ꞌĀpōtoro 18:1

I oti era he eꞌa a Pauro mai ꞌĀtena he oho ki Kōrinto.

Aŋa o te ꞌĀpōtoro 18:8

A Kīripo, pūꞌoko haka tere o te hare pure nei, kai roa, he ⌊haka moe i te manaꞌu⌋ ꞌi ruŋa i a Ietū ananake ko te nuꞌu taꞌatoꞌa o tōꞌona hare. ꞌE meꞌe rahi nuꞌu haka ꞌou o Kōrinto ŋaroꞌa i te roŋo riva-riva o te ꞌAtua he haka moe takoꞌa i te rāua manaꞌu ꞌi ruŋa i a Ietū, ꞌe he haka ⌊papatito⌋ i a rāua.

Rōmano 1:9

A au e aŋa nei ki te ꞌAtua hai māhatu ꞌi te haka ꞌite iŋa ki te taŋata i te roŋo riva-riva o ruŋa o tāꞌana Poki. ꞌE he ꞌAtua te mataꞌite: e manaꞌu rō atu ꞌana a au ki a kōrua,

Rōmano 9:1

Pa he taŋata haka moe au i te manaꞌu ꞌi ruŋa i a Ietū Kiritō, he parautiꞌa tāꞌaku meꞌe nei ka kī atu ena, taꞌe he reo-reo. O te ⌊Vārua Maitai⌋ te ꞌata haka aŋi-aŋi mai he parautiꞌa mau ꞌā tōꞌoku manaꞌu:

1 Kōrinto 4:21

¿He aha ia te kōrua meꞌe haŋa: he oho atu ōꞌoku haka ūtuꞌa i a kōrua, ꞌo he oho atu he uꞌi i a kōrua hai koa ꞌe hai haŋa?

1 Kōrinto 5:5

he haka rē kōrua i te taŋata ena ki te rima o Rukifero mo haka ꞌamo hai ꞌati, ki huri haka ꞌou ai i te manaꞌu ki te ꞌAtua ꞌe, ꞌi te mahana era o te hoki iŋa mai o te ⌊Kiritō⌋, he eꞌa tōꞌona vārua mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa ꞌo te huri haka ꞌou o tōꞌona manaꞌu ki te ꞌAtua.

2 Kōrinto 1:1

A au a Pauro, ⌊ꞌāpōtoro⌋ ꞌa Ietū Kiritō hai haŋa o te ꞌAtua, ꞌe te tātou taina nei ko Timoteo he ꞌaroha atu ki a kōrua ki te nūnaꞌa taŋata ⌊haka moe i te manaꞌu⌋ ꞌi ruŋa i a Ietū o Kōrinto, ꞌe ki te tētahi atu taina o te ŋā kona taꞌatoꞌa ena o Ākāia.

2 Kōrinto 1:18

Te ꞌAtua he kope aŋa i tāꞌana meꞌe kī ꞌe he mataꞌite pē nei ē: a mātou takoꞌa. Mo kī atu o mātou «ꞌē-ē», ꞌē-ē mau ꞌā; ꞌe mo kī atu «ꞌina», ꞌina mau ꞌā.

2 Kōrinto 10:2

Ka uꞌi ka haka tī-tika rō ꞌai te ŋā nuꞌu ena, nuꞌu manaꞌu: a mātou e haka tere nei hai manaꞌu taŋata mau nō, ꞌo tuꞌu atu au, he ture atu ki a kōrua ananake ko nā ŋā nuꞌu.

2 Kōrinto 11:11

Te taꞌe no-noꞌi atu ōꞌoku mo hāꞌūꞌū mai, ¿e taꞌe haŋa atu ꞌana a au ki a kōrua? ¡He ꞌAtua te meꞌe i ꞌite e haŋa rō atu ꞌana a au!

2 Kōrinto 11:31

Te ꞌAtua, Matuꞌa o te tātou Pūꞌoko Haka Tere ko Ietū, kope ki a ia ana haꞌahana-hana ꞌātā ki te hora hopeꞌa, ko ꞌite ꞌā e kī atu ꞌana a au i te parautiꞌa.

2 Kōrinto 12:20

E riꞌa-riꞌa rō ꞌana a au, ka oho atu ena a au uꞌi i a kōrua, te kōrua noho iŋa taꞌe pa he meꞌe haŋa ꞌāꞌaku. ꞌE, mo ai pē ira, taꞌe ia toe tōꞌoku huru pa he meꞌe haŋa e kōrua. Tōꞌoku riꞌa-riꞌa ꞌo ai te tātake ꞌi roto i a kōrua, te mākota, te riri, te ꞌino, te haꞌaꞌino, te vānaŋa taꞌe tano mo te tētahi, te manaꞌu i hau rō atu ki te rua, ꞌe te hihi-hihi o te kōrua noho iŋa.

2 Kōrinto 13:10

E pāpaꞌi atu ena a au i te parau nei ꞌi raꞌe ki tōꞌoku oho iŋa atu, ꞌo ai, hora ena ōꞌoku ka tuꞌu atu ena, he haka ūtuꞌa atu au i a kōrua hai parau vaꞌai mai e te tātou Pūꞌoko Haka Tere, parau vaꞌai mai mo haka pūai i te nuꞌu haka moe i te manaꞌu ꞌi ruŋa i a ia, taꞌe ꞌō mo haꞌataꞌa i a rāua mai muri i a ia.

2 Kōrinto 13:2

ꞌI tōꞌoku rua oho iŋa atu era, i kī rō au ki te nuꞌu o roto i a kōrua noho ꞌi roto i te hara ꞌe ki te taꞌatoꞌa pē nei ē: e uꞌi e eꞌa mai roto i te meꞌe taꞌe tano ꞌo haka ūtuꞌa. ꞌE hora nei, ꞌi raꞌe ki tōꞌoku tuꞌu iŋa haka ꞌou atu, he haka ꞌite atu a au: ka tuꞌu atu ena a au, ꞌina a au e ko taꞌe haka ūtuꞌa i te nuꞌu ko te noho iŋa ꞌana ꞌi roto i te hara.

2 Kōrinto 6:6

E takeꞌa takoꞌa ena he tāvini mātou o te ꞌAtua hai noho iŋa taꞌe hara o mātou, hai ꞌite i te parautiꞌa o ruŋa i a ia, hai riva o mātou, hai haꞌaoromaꞌi o mātou i te rua, hai ai o te ⌊Vārua Maitai⌋ ꞌi roto i a mātou, hai haŋa parautiꞌa ki te rua,

Karatia 1:20

ꞌE ꞌī a au he kī atu ꞌi muꞌa i te ꞌAtua: te meꞌe taꞌatoꞌa nei e au e pāpaꞌi atu ena he parautiꞌa.

Fīripo 1:8

He ꞌAtua te meꞌe i ꞌite i te rahi o tōꞌoku manaꞌu mo kōrua taꞌatoꞌa; tōꞌoku haŋa ki a kōrua pa he haŋa iŋa atu ena ꞌā o Ietū Kiritō.

1 Tētārōnika 2:5

Ko ꞌite ꞌana e kōrua, kai vānaŋa atu mātou hai vānaŋa nehe-nehe mo haka koa atu ꞌo mo ravaꞌa moni. He ꞌAtua te mataꞌite o te meꞌe nei.

1 Timoteo 1:20

I topa ai te meꞌe nei ki a Hīmēneo ararua ko Arehantaro, ꞌe ko haka rē atu ꞌana e au ki a Rukifero mo aŋi-aŋi e rāua ararua: ꞌina ko kī haka ꞌou i te vānaŋa taꞌe tano mo te ꞌAtua.