2 Kōrinto 1:20 - Rapa Nui

²⁰ hai ia, paꞌi, e haka tano tahi ena e te ꞌAtua i tāꞌana meꞌe hōrea. ꞌO ira, ꞌi te hora haꞌahana-hana o tātou ki te ꞌAtua e kī nei: «⌊ꞌĀmene⌋».

2 Kōrinto 1:20 ပူးပေါင်းရင်းမြစ်များ

Māteo 6:13

ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara; e haka eꞌa koe i a mātou mai roto i te rima o Rukifero”.

Ruka 2:14

«¡Ko te nui-nui ꞌe ko te pūai i a koe, e te ꞌAtua ē! ¡Ka ai te haumārū ꞌi roto i te taŋata taꞌatoꞌa o te ao ꞌi ruŋa i a rāua te koa o te ꞌAtua!».

Iovani 1:17

Hai ⌊Mōtē⌋ te ꞌAtua i haka ꞌite mai ai i tāꞌana roŋo mo tātou, ꞌe hai Ietū Kiritō i haka ꞌite mai ai i tōꞌona haŋa mo tātou ꞌe i te parautiꞌa o ruŋa i a ia.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 3:5

He pāhono e Ietū: —ꞌĪ a au he kī atu: te taŋata mo taꞌe poreko mai roto i te vai ꞌe mai te ⌊Vārua Maitai⌋, e ko oꞌo ki roto i te haka tere iŋa ꞌāpī o te ꞌAtua.

Rōmano 11:36

Taꞌatoꞌa meꞌe o te ꞌAtua i aŋa, ꞌe hai ia e ai e oho nō ena; i aŋa ai mo haꞌahana-hana ki a ia. ¡Ki haꞌahana-hana tahi ia tātou ki te ꞌAtua ꞌātā ki te hopeꞌa raꞌa! ⌊ꞌĀmene⌋.

Rōmano 6:23

Te meꞌe vaꞌai mai e te hara he mate, he haꞌataꞌa mau rō ꞌāvai mai muri i te ꞌAtua. ꞌE te meꞌe vaꞌai mai e te ꞌAtua he ora ꞌāpī ꞌina he hopeꞌa raꞌa ꞌi muri i a ia ꞌi te ai o tātou ꞌa Ietū Kiritō, Pūꞌoko Haka Tere o tātou.

1 Kōrinto 14:16

Mo haꞌahana-hana ōꞌou ki te ꞌAtua hai ꞌarero vaꞌai atu e te Vārua Maitai, ꞌe he ŋaroꞌa e te kope e tahi, e ko riva te kope era mo hokorua atu ꞌi taꞌa pure ꞌi te meꞌe era ꞌina he aŋi-aŋi i taꞌu vānaŋa.

2 Kōrinto 4:15

Te haꞌaoromaꞌi o mātou i te ꞌati taꞌatoꞌa he meꞌe mo te riva-riva o kōrua, ꞌe mo ꞌata rahi mo oho o te nuꞌu ⌊haka moe i te manaꞌu⌋ ꞌi ruŋa i a Ietū, he ꞌite o ruŋa i te riva rahi o te ꞌAtua. Pē ira ka rahi ka oho ena te nuꞌu māuru-uru ꞌe haꞌahana-hana ki te ꞌAtua.

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

Karatia 3:22

Te meꞌe nō, pē nei e kī ena ꞌi ruŋa i te Pāpaꞌi Moꞌa: te taŋata taꞌatoꞌa o te hara te haka tere, ꞌe te rāveꞌa nō mo ravaꞌa i te meꞌe hōrea e te ꞌAtua, he ora ꞌāpī ꞌina he hopeꞌa raꞌa, e haka moe i te manaꞌu ꞌi ruŋa i a Ietū.

Ēfeto 1:6

ꞌO ira, ki haꞌahana-hana ki te ꞌAtua ꞌi tōꞌona riva rahi haka takeꞌa mai ꞌo te ai o tātou ꞌa Ietū Kiritō, he Poki haŋa rahi ꞌāꞌana.

Ēfeto 2:7

Te meꞌe nei i aŋa ai e te ꞌAtua mo haka takeꞌa ki te nuꞌu taꞌatoꞌa, pe muꞌa ka oho ena, i te rahi o tōꞌona riva ꞌe o tōꞌona māhatu ꞌaroha mo tātou mo te nuꞌu ꞌa Ietū Kiritō.

Kōrosa 1:27

nuꞌu ki a rāua te ꞌAtua i haŋa ai mo haka ꞌite pē nei ē: te hauhaꞌa taꞌatoꞌa o rā parautiꞌa mo te nuꞌu taꞌe hūrio takoꞌa. ꞌE rā parautiꞌa ko te meꞌe nei: a Ietū Kiritō e noho takoꞌa rō ꞌana, hai Vārua Maitai, ꞌi roto i a kōrua i te nuꞌu taꞌe hūrio. ꞌE hai noho atu ōꞌona ꞌi roto i a kōrua he ꞌite kōrua pē nei ē: pe muꞌa ka oho ena a kōrua takoꞌa ꞌi roto i tōꞌona nui-nui, te auraꞌa: i a kōrua takoꞌa tōꞌona huru riva.

ꞌEvereo 11:13

Te nuꞌu taꞌatoꞌa nei i mā-mate ai e haka moe nō ꞌana i te manaꞌu ꞌi ruŋa i te ꞌAtua, ka ai atu ꞌina kai ai hia ꞌā i a rāua te meꞌe hōrea era e te ꞌAtua. A rāua, paꞌi, e ꞌite rō ꞌana: pe muꞌa ka oho ena i a rāua rā ŋā meꞌe taꞌatoꞌa, ꞌe e koa rō ꞌā o ruŋa. ꞌE e aŋi-aŋi rō ꞌana ꞌe e kī rō ꞌana: te ao nei taꞌe he kāiŋa mau o rāua.

ꞌEvereo 13:8

E te taina, ko tū manaꞌu ꞌā te manaꞌu o Ietū Kiritō ꞌi muꞌa ꞌā, ꞌi ꞌaŋarīnā ꞌe ki te hora hopeꞌa.

ꞌEvereo 7:6

ꞌE a Merekitereke, ka ai atu taꞌe he hakaara o Rēvī, a ꞌAparahama, kope i a ia te hōrea o te ꞌAtua, i vaꞌai nō i te ꞌapa tano mo vaꞌai ki te oromatuꞌa o tāꞌana meꞌe taꞌatoꞌa ravaꞌa era. ꞌE he haꞌamaitai e Merekitereke.

1 Pētero 1:12

ꞌE te ꞌAtua i haka ꞌite rō ki rā ŋā perofeta pē nei ē: te roŋo haka ꞌite oho era e rāua he meꞌe mo topa pe muꞌa ka oho era, te auraꞌa, ꞌi te noho iŋa nei o tātou, ꞌe taꞌe ꞌō ꞌi te rāua noho iŋa era. ꞌE ko rā roŋo te meꞌe i haka ꞌite atu ki a kōrua e te nuꞌu haka ꞌite oho i te roŋo riva-riva nei o ruŋa i a Ietū hai pūai o te ⌊Vārua Maitai⌋ uŋa mai mai te raŋi. ꞌE ꞌātā te merahi e haŋa rō ꞌana mo aŋi-aŋi o ruŋa i te roŋo nei o te haka eꞌa iŋa o te taŋata mai roto i te ūtuꞌa o te hara.

1 Iovani 5:11

ꞌE ko te meꞌe nei te meꞌe i kī e te ꞌAtua: ko vaꞌai mai ꞌana e ia ki a tātou i te ora ꞌāpī ꞌina he hopeꞌa raꞌa, ꞌe nei ora i tāꞌana Poki.

Meꞌe Haka Takeꞌa 3:14

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Rāōrītea: “Pē nei te kī o te kope he ⌊ꞌĀmene⌋, he mataꞌite kī mau nō i te parautiꞌa, he kope hai ia te ꞌAtua i aŋa ai i te meꞌe taꞌatoꞌa:

Meꞌe Haka Takeꞌa 7:12

ꞌe he kī pē nei ē: «¡He aŋi ꞌana! Te meꞌe mo te tātou ꞌAtua: he haꞌahana-hana, he haka nui-nui, he moꞌa ꞌe he māuru-uru o te taꞌatoꞌa ꞌo te ꞌite ōꞌona i te meꞌe taꞌatoꞌa, ꞌo te ai i a ia te pūai ꞌe te mana. Ki haꞌahana-hana tātou ki a ia ꞌātā ki te hopeꞌa raꞌa. ¡⌊ꞌĀmene⌋!».