2 Kōrinto 1:17 - Rapa Nui

¹⁷ ꞌI te taꞌe oho atu ōꞌoku, kai haŋa a au mo manaꞌu o kōrua pē nei ē: a au he taŋata huri tahaŋa o te manaꞌu, ꞌo he taŋata kī, pa he nuꞌu o te ao nei, «ꞌē-ē», ꞌe te parautiꞌa o te rāua manaꞌu «ꞌina».

2 Kōrinto 1:17 ပူးပေါင်းရင်းမြစ်များ

Māteo 1:19

ꞌE a Kōsē, ꞌo te ai he taŋata aŋa i te meꞌe tī-tika, kai haŋa mo haka haꞌamā i a Māria. He manaꞌu mo haꞌataꞌa kiva-kiva mai i a ia.

Māteo 5:37

Te meꞌe mau nō mo kī: “ꞌina” ꞌo “ꞌē-ē”. Te vānaŋa haka ꞌou kī mo ꞌata haka pūai i te ŋā vānaŋa nei ꞌa Rukifero.

Iovani 8:15

Hai manaꞌu taŋata a kōrua e kī ena i te tano ꞌe i te taꞌe tano ōꞌoku. ꞌE a au, ꞌina he kī i te tano ꞌe i te taꞌe tano o te taŋata.

2 Kōrinto 1:12

E te taina, e koa nei a mātou ꞌi te meꞌe era e haka ꞌite rō mai ꞌana e te mātou māhatu pē nei ē: te noho iŋa o mātou ꞌi roto i a kōrua ꞌe ꞌi roto i te taŋata taꞌatoꞌa hai moꞌa ꞌe hai parautiꞌa o te ꞌAtua. A mātou e haka tere nei hai haka moe i te manaꞌu ꞌi ruŋa i te riva rahi o te ꞌAtua, ꞌe taꞌe ꞌō hai mārama-rama o te taŋata.

2 Kōrinto 11:18

Nuꞌu riꞌa-riꞌa, paꞌi, te nuꞌu, hai manaꞌu taŋata, e teꞌo-teꞌo ena o ruŋa i a rāua ꞌe o ruŋa i te rāua meꞌe aŋa. ¿He aha ia a au ana taꞌe teꞌo-teꞌo takoꞌa atu?

Karatia 2:2

I oho ai a au ꞌo te ai ko kī mai ꞌana e te ꞌAtua mo oho ōꞌoku. ꞌI ira i haka ꞌite ai a au ki te nuꞌu mau nō era ko rāua te pūꞌoko haka tere o te taina o Hērutarema o ruŋa i tāꞌaku roŋo hāpī ki te nuꞌu taꞌe he hūrio, mo aŋi-aŋi riva-riva e rāua: te meꞌe hāpī ꞌāꞌaku he parautiꞌa, ꞌo taꞌe hauhaꞌa rō tāꞌaku aŋa ka hopeꞌa ena.

1 Tētārōnika 2:18

ꞌO ira a mātou i haŋa ai mo hoki atu ki a kōrua ena. ꞌE a au mau nei ꞌā, a Pauro, i uꞌi rō meꞌe rahi nō atu mahana mo hoki atu ꞌe, ꞌi a Rukifero, a mātou i taꞌe tuꞌu atu ai.

Tanatiako 5:12

E te taina ōꞌoku ē, tāꞌaku meꞌe haka ꞌou mo kī atu: ꞌIna kōrua ko hōrea ki te raŋi, ki te henua ꞌe ki te tētahi atu meꞌe. Mo kī o kōrua «ꞌē-ē», e ai ꞌē-ē mau ꞌā; ꞌe mo kī o kōrua «ꞌina», e ai ꞌina mau ꞌā, ꞌo haka ūtuꞌa kōrua e te ꞌAtua.