2 Kōrinto 1:15 - Rapa Nui

^15-16 ꞌE he ꞌite ōꞌoku e koa rō ꞌana a kōrua mo mātou, i topa mai ai te manaꞌu mo hipa atu mo uꞌi i a kōrua ꞌi tōꞌoku ara ki Mātērōnia ꞌe, takoꞌa, ꞌi tōꞌoku hoki iŋa mai; pē ira e rua tātou koa iŋa. ꞌE ꞌi tōꞌoku hoki iŋa mai takoꞌa, e tano nō kōrua mo hāꞌūꞌū mai hai rāveꞌa mo tōꞌoku ara ki Hūrea, ana haŋa kōrua.

2 Kōrinto 1:15 ပူးပေါင်းရင်းမြစ်များ

Māteo 1:19

ꞌE a Kōsē, ꞌo te ai he taŋata aŋa i te meꞌe tī-tika, kai haŋa mo haka haꞌamā i a Māria. He manaꞌu mo haꞌataꞌa kiva-kiva mai i a ia.

Rōmano 1:11

E haŋa rō ꞌā a au mo ai atu ōꞌoku ꞌi muri i a kōrua mo haka ꞌite atu i te meꞌe hāpī mai e te Vārua Maitai, ki ꞌata pūai ai te kōrua manaꞌu ꞌi ruŋa i te ꞌAtua.

Rōmano 15:29

ꞌE, ko ꞌite riva-riva ꞌana a au pē nei ē: ki tuꞌu atu a au, ka ꞌata haꞌamaitai mai ena e te Kiritō i a tātou taꞌatoꞌa.

1 Kōrinto 11:34

ꞌE mo maruaki o te kope e tahi o roto i a kōrua, ka kai rō ꞌai ꞌi tōꞌona hare, ꞌo haka ūtuꞌa i a kōrua e te ꞌAtua, he taꞌe tano o te kōrua haka tere iŋa ꞌi te hora haka taka-taka mo manaꞌu i te mate o te tātou Pūꞌoko Haka Tere. ꞌE te tētahi meꞌe ꞌui mai era e kōrua, ki tuꞌu atu a au ana haka ꞌite atu.

1 Kōrinto 16:7

ꞌIna a au e ko haŋa mo hipa ꞌiti-ꞌiti nō atu mo uꞌi i a kōrua; e haŋa rō ꞌana mo roa ꞌiti o tōꞌoku noho iŋa atu, ana haŋa te ꞌAtua.

1 Kōrinto 4:19

ꞌE, mo haŋa o te ꞌAtua, e ko roa hia he tuꞌu atu a au. ꞌI rā hora ka uꞌi nei a au: e pūai rō ꞌana a rāua ꞌo he haka kē nō mo vānaŋa te rāua meꞌe.

2 Kōrinto 12:14

Hora nei ko rito ꞌana a au mo oho atu i tōꞌoku toru ara uꞌi i a kōrua, ꞌe, ki tuꞌu atu a au, e ko haŋa a au mo riro he meꞌe paŋahaꞌa e tahi mo kōrua. Taꞌe he meꞌe o kōrua tāꞌaku meꞌe haŋa, ko kōrua mau ꞌā. He matuꞌa, paꞌi, te meꞌe mo haꞌaputu i te moni mo tāꞌana poki, taꞌe ꞌō he poki mo te matuꞌa.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.