2 Kōrinto 1:11 - Rapa Nui

¹¹ Te meꞌe haŋa he hāꞌūꞌū he pure mai o kōrua mo te mātou aŋa. ꞌE mo rahi o te nuꞌu pure mo mātou, he rahi takoꞌa ia te nuꞌu māuru-uru ki te ꞌAtua o tōꞌona haꞌamaitai mai i a mātou.

2 Kōrinto 1:11 ပူးပေါင်းရင်းမြစ်များ

Aŋa o te ꞌĀpōtoro 12:5

A Pētero ia ꞌi roto i te hare maꞌuꞌaurī e ꞌauario rō ꞌā e te vaꞌehau, ꞌe te nuꞌu haka moe i te manaꞌu ꞌi ruŋa i a Ietū hai māhatu e pure era mōꞌona.

2 Kōrinto 4:15

Te haꞌaoromaꞌi o mātou i te ꞌati taꞌatoꞌa he meꞌe mo te riva-riva o kōrua, ꞌe mo ꞌata rahi mo oho o te nuꞌu ⌊haka moe i te manaꞌu⌋ ꞌi ruŋa i a Ietū, he ꞌite o ruŋa i te riva rahi o te ꞌAtua. Pē ira ka rahi ka oho ena te nuꞌu māuru-uru ꞌe haꞌahana-hana ki te ꞌAtua.

2 Kōrinto 9:14

ꞌE ꞌātā he pure hai māhatu mo kōrua ꞌi te takeꞌa i te riva rahi o te ꞌAtua ꞌi ruŋa i a kōrua.

Fīripo 1:19

ꞌi te ꞌite ōꞌoku: māuru-uru ki te kōrua pure ꞌe ki te hāꞌūꞌū o te ⌊Vārua Maitai⌋ vaꞌai mai e Ietū Kiritō te meꞌe taꞌatoꞌa topa mai ki a au mo tōꞌoku riva-riva.

Kōrosa 4:3

ꞌe e pure takoꞌa mo mātou, ki mātaki ai e te ꞌAtua i te ara mo haka ꞌite mo oho mātou i tāꞌana roŋo, ꞌe mo haka aŋi-aŋi i te parautiꞌa o ruŋa i a Ietū taꞌe haka ꞌite mai era e ia ꞌi muꞌa ꞌā. ꞌO te haka ꞌite ōꞌoku o ruŋa i te meꞌe nei a au e puru atu ena ꞌi roto i te hare maꞌuꞌaurī.

1 Tētārōnika 5:25

E te taina, e pure takoꞌa kōrua mo mātou.

2 Tētārōnika 3:1

Te meꞌe hopeꞌa, e te taina ē, e pure kōrua mo mātou, ki tuꞌu ai te roŋo parautiꞌa o te tātou Pūꞌoko Haka Tere ki te kona taꞌatoꞌa, ꞌe, takoꞌa, mo toꞌo ꞌe mo haꞌatura e te nuꞌu hai koa pē kōrua.

Firemono 1:22

E haŋa takoꞌa rō ꞌana a au mo haka riva-riva mai ōꞌou e tahi piha mōꞌoku; ko ꞌite riva-riva ꞌana, paꞌi, e au: te ꞌAtua he haka roŋo i te kōrua pure ꞌe he haka rē mai i a au mo oho atu mo uꞌi i a kōrua.

ꞌEvereo 13:18

E te taina, e pure kōrua mo mātou. E ꞌite riva-riva rō ꞌana a mātou ꞌina e tahi mātou meꞌe taꞌe tano i aŋa ꞌo te ai te meꞌe haŋa nō o mātou mo aŋa he meꞌe riva-riva.