2 Iovani 1:1 - Rapa Nui

¹ A au, te pūꞌoko haka tere o te nūnaꞌa taŋata ⌊haka moe i te manaꞌu⌋ ꞌi ruŋa i a Ietū, he ꞌaroha atu ki a koe, e te viꞌe haꞌataꞌa e te ꞌAtua māꞌana ē, ꞌe ki taꞌa ŋā poki. E haŋa rahi rō atu ꞌana a au ki a kōrua, ꞌe taꞌe nō ko au, pē ira takoꞌa ꞌana te nuꞌu ko ꞌite ꞌana i te parautiꞌa

2 Iovani 1:1 ပူးပေါင်းရင်းမြစ်များ

Ruka 1:3

ꞌE, a au, e tōꞌoku repahoa hōnui ko Teofiro ē, i rara tahi rō, mai te haꞌamata ki te hopeꞌa, hē mau te parautiꞌa o te meꞌe taꞌatoꞌa topa era, ꞌe ki tōꞌoku manaꞌu meꞌe riva-riva mo pāpaꞌi atu ōꞌoku i te tī-tika mau,

Iovani 8:32

he ꞌite kōrua i te parautiꞌa, ꞌe hai nā parautiꞌa he eꞌa kōrua mai te rima o te meꞌe haka ꞌekaravo atu i a kōrua.

Aŋa o te ꞌĀpōtoro 11:30

Pē ira i aŋa ai, ꞌe he vaꞌai i tū tara era ki te rima o Verenāvē ararua ko Sauro mo maꞌu mo vaꞌai ki te nuꞌu pūꞌoko haka tere o te nūnaꞌa taŋata haka moe i te manaꞌu ꞌi ruŋa i a Ietū o Hūrea.

Rōmano 16:13

E ꞌaroha atu ki a Rufo, kope haka kē ꞌi tōꞌona aŋa iŋa ki a Ietū, ꞌe pē ira takoꞌa ꞌana ki tōꞌona matuꞌa vahine. A ia pa he matuꞌa takoꞌa ōꞌoku.

Karatia 2:14

ꞌO ira, i takeꞌa era e au ꞌina he tano tāꞌana meꞌe aŋa ki te parautiꞌa o te roŋo riva-riva o ruŋa i a Ietū, he kī e au ki a Pētero ꞌi muꞌa o te taina taꞌatoꞌa: «Mo ai e tano rō ꞌā mōꞌou, e te hūrio ē, mo noho pa he taŋata taꞌe he hūrio, ¿e tano rō ꞌana ia mo kī o tātou ki te nuꞌu taꞌe he hūrio mo haka tere i a rāua pa he hūrio?».

Karatia 2:5

ꞌIna a mātou kai haka roŋo ki te rāua manaꞌu, ꞌo taꞌe maꞌu haka ꞌou kōrua i te roŋo parautiꞌa o ruŋa i a Ietū hāpī atu era e mātou.

Karatia 3:1

E te taina pūꞌoko hio-hio o Karatia ē, ¿ꞌa ꞌai kōrua i haka maꞌa-maꞌa atu? ꞌI roto i te hāpī iŋa atu era o mātou i haka ꞌite riva-riva atu ai ki a kōrua he aha te meꞌe i ravaꞌa e Ietū mo tātou hora mate era ōꞌona ꞌi ruŋa i te tātaurō.

Karatia 5:7

ꞌI muꞌa ꞌā, a te ara parautiꞌa a kōrua e oho era. ꞌE hora nei, ¿ꞌa ꞌai te haka noho i a kōrua ꞌo maꞌu ꞌo oho i te hāpī parautiꞌa o te ꞌAtua?

Kōrosa 1:5

ꞌo te ai e tiaki takoꞌa rō ꞌana kōrua ki te meꞌe hōrea mai e ia mo tātou ꞌi te raŋi. A kōrua ko ŋaroꞌa era ꞌana o ruŋa i te meꞌe nei hora haka ꞌite atu era i te roŋo parautiꞌa o te ꞌAtua

1 Timoteo 2:4

A ia e haŋa rō ꞌana mo eꞌa o te taŋata taꞌatoꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. E haŋa takoꞌa rō ꞌana te ꞌAtua mo ꞌite o te taŋata i te hāpī parautiꞌa pē nei ē:

ꞌEvereo 10:26

Mo hara mo oho nō o tātou ka ai atu ko ꞌite ꞌana a tātou i te hāpī parautiꞌa o ruŋa i a Ietū, ꞌina ia he rua tūtia mo haka kore i te hara era o tātou.

1 Pētero 1:2

Te manaꞌu o te ꞌAtua Matuꞌa i haꞌataꞌa ai i a kōrua: mo haka riro i a kōrua he nuꞌu ꞌina e tahi hara haꞌataꞌa māꞌana hai Vārua Maitai ꞌe haꞌatura ki a Ietū ꞌi te haka kore e te ꞌAtua i te kōrua hara hai toto tehe era o Ietū ꞌi ruŋa i te tātaurō. Ka rahi ka oho nō te riva rahi ꞌe te haumārū o te ꞌAtua ꞌi ruŋa i a kōrua.

1 Pētero 5:1

Hora nei e haŋa rō ꞌana a au mo hatu ki te ŋā pūꞌoko haka tere ena o kōrua o te nuꞌu ⌊haka moe i te manaꞌu⌋ ꞌi ruŋa i a Ietū. A au he pūꞌoko haka tere takoꞌa, pē rāua, ꞌe he mataꞌite o te ꞌati topa era ꞌi ruŋa i te ⌊Kiritō⌋. Pē rāua e oꞌo takoꞌa rō a au ꞌi roto i tōꞌona nui-nui ka haka takeꞌa ena, te auraꞌa, i a au takoꞌa, pe muꞌa ka oho ena, te huru riva ōꞌona.

1 Pētero 5:13

Te nuꞌu haka moe i te manaꞌu ꞌi ruŋa i a Ietū o ⌊Vāvīrōnia⌋, haꞌataꞌa e te ꞌAtua māꞌana, pa he haꞌataꞌa iŋa ena i a kōrua, ꞌī e ꞌaroha atu ena ꞌe pē ira takoꞌa ꞌana a Marko, he kope pa he poki ꞌā ꞌāꞌaku.

1 Iovani 2:21

E pāpaꞌi atu ena a au taꞌe ꞌo te taꞌe ꞌite o kōrua i te hāpī parautiꞌa, ꞌo te ai e ꞌite rō ꞌana e kōrua. ꞌE, ko ꞌite takoꞌa ꞌana e kōrua ꞌina e tahi reo-reo eꞌa mai roto i te hāpī parautiꞌa.

1 Iovani 3:18

E te ŋā poki ꞌāꞌaku ē, ꞌina ko ai te tātou haŋa ki te rua hai haha nō; te tātou haŋa e haka takeꞌa hai meꞌe riva-riva aŋa e tātou.

2 Iovani 1:13

Te ŋā poki o tuꞌu taina haꞌataꞌa takoꞌa era e te ꞌAtua māꞌana ꞌī e ꞌaroha atu ena mo kōrua. ꞌIorana.

2 Iovani 1:5

ꞌE hora nei, ꞌī a au he ani atu ki a kōrua: e haŋa tātou ki te rua. Te roŋo nei he haŋa ki te rua taꞌe o te hora nei, he meꞌe ko haka ꞌite mai era ꞌā mai te hora haka moe i te manaꞌu ꞌi ruŋa i a Ietū.

3 Iovani 1:1

A au, te pūꞌoko haka tere o te nūnaꞌa taŋata ⌊haka moe i te manaꞌu⌋ ꞌi ruŋa i a Ietū, he ꞌaroha atu ki a koe, e Kāio ē, e te taina haŋa rahi ōꞌoku ē.