1 Timoteo 6:4 - Rapa Nui

⁴ te kope nei ia he kope manaꞌu i a ia nō te tano, ꞌe te parautiꞌa mau, ꞌina e tahi ꞌāꞌana meꞌe i ꞌite. Pa he māui-ui e tahi ōꞌona te haka tumu i te tātake o ruŋa i te meꞌe hauhaꞌa-ꞌore. Pē ira he poreko te mākota, te taꞌe au, te vā-vā, te manaꞌu ꞌino,

1 Timoteo 6:4 ပူးပေါင်းရင်းမြစ်များ

Aŋa o te ꞌĀpōtoro 15:2

He tātake ia a Pauro ꞌe a Verenāvē ki rā nuꞌu, he taꞌe tano o rā hāpī ki a rāua. ꞌO ira he toꞌo e te taina o Antiokia i a Pauro ꞌe i a Verenāvē ananake ko te tētahi nuꞌu ꞌe he haka oho ki Hērutarema mo vānaŋa o ruŋa i rā hāpī ki te nuꞌu ⌊ꞌāpōtoro⌋ ꞌe ki te tētahi atu nuꞌu pūꞌoko haka tere o ira.

Aŋa o te ꞌĀpōtoro 18:15

I ai ena he meꞌe o te haka tere iŋa o kōrua, o ruŋa o te vānaŋa ꞌe o te ꞌīŋoa, ka haka tī-tika e kōrua ꞌā. ꞌIna a au e ko ture i te kōrua meꞌe.

Aŋa o te ꞌĀpōtoro 8:9

I ai rō ꞌi ira e tahi taŋata te ꞌīŋoa ko Tīmona. Te aŋa ꞌāꞌana ꞌi muꞌa ꞌā he tahu-tahu ꞌe he reo-reo ki te taŋata o Tāmāria pē nei ē: a ia he taŋata hōnui.

Rōmano 12:16

ꞌIna ko tātake ꞌi roto i a kōrua. ꞌIna ko manaꞌu i hau rō atu ki te rua, ꞌo manaꞌu e ai rō ꞌana te nuꞌu mo taꞌe piri e kōrua ꞌe te aŋa mo taꞌe aŋa e kōrua. ꞌIna ko manaꞌu ko ꞌite tahi ꞌana i te meꞌe taꞌatoꞌa.

Rōmano 13:13

E noho tātou pa he nuꞌu haꞌere ꞌi roto i te māꞌeha. E haka rē te meꞌe taꞌe tano aŋa ꞌi te pō pa he ŋoŋoro taꞌe hāito i te meꞌe aŋa, pa he taꞌero ꞌava, pa he taiꞌata ꞌe he tētahi haka ꞌou atu meꞌe tuꞌu pē ira, pa he tātake ꞌe pa he pohe ki te meꞌe o te rua.

Rōmano 14:1

E toꞌo hai māhatu ki roto i a kōrua te nuꞌu ꞌina he pūai rahi te rāua haka moe iŋa i te manaꞌu ꞌi ruŋa i a Ietū. E uꞌi ꞌo haka tātake e kōrua.

Rōmano 2:8

ꞌE ki te nuꞌu haka tere hai manaꞌu o rāua mau nō, taꞌe haŋa ki te parautiꞌa, aŋa i te meꞌe taꞌe tano, te ūtuꞌa o te ꞌAtua mo rāua e paŋahaꞌa rō.

1 Kōrinto 11:16

Mo manaꞌu o te kope e tahi e hape rō ꞌana tāꞌaku meꞌe vānaŋa atu ena, he kī atu a au: he meꞌe nei te meꞌe hāpī e mātou e te ⌊ꞌāpōtoro⌋, ꞌe he meꞌe maꞌu e te nuꞌu haka moe i te manaꞌu ꞌi ruŋa i a Ietū ꞌi te kona taꞌatoꞌa.

1 Kōrinto 11:18

Te meꞌe ꞌāꞌaku i ŋaroꞌa: e taka-taka ena a kōrua, he tātake nō te aŋa ꞌe he haka topa-topa kē-kē, ꞌe ki tōꞌoku manaꞌu e ai rō ꞌā te parautiꞌa o te vānaŋa nei.

1 Kōrinto 3:18

E uꞌi ꞌo reo-reo ki a kōrua ꞌā hai manaꞌu ena pē nei ē: nuꞌu mārama-rama kōrua ki te mata o te taŋata o te ao nei. I hau rō atu ꞌi te tano mo riro o kōrua pa he nuꞌu taꞌe mārama-rama, ki riro iho ai kōrua mo te ꞌAtua he nuꞌu mārama-rama mau ꞌā.

1 Kōrinto 3:3

Ko te manaꞌu iŋa ꞌana kōrua pa he taŋata o te ao taꞌe ⌊haka moe i te manaꞌu⌋ ꞌi ruŋa i a Ietū. Hai mākota ꞌe hai tātake e takeꞌa ena ko te manaꞌu iŋa ꞌana kōrua hai manaꞌu taŋata, ꞌe o rā manaꞌu te haka tere i a kōrua.

2 Kōrinto 11:20

Mo tuꞌu atu, paꞌi, o te nuꞌu haꞌariro i a kōrua he ꞌekaravo o rāua, te nuꞌu toꞌo i te kōrua meꞌe, te nuꞌu reo-reo atu, te nuꞌu taꞌe haka au atu, ꞌe te nuꞌu vā-vā atu he haꞌaoromaꞌi e kōrua.

Karatia 5:15

ꞌE, mo moto ꞌe mo tātake ꞌi roto i a kōrua, e uꞌi ꞌo kore rō te kōrua haŋa pa he taina ꞌe ꞌo haka tapa rō te kōrua manaꞌu mai ruŋa i a Ietū.

Karatia 5:26

ꞌI roto i a tātou, ꞌina ko manaꞌu i hau rō atu tātou ki te rua, ꞌina ko haka tātake i te kope e tahi ki te rua ꞌe ꞌina ko mākota.

Karatia 6:3

Mo manaꞌu o te kope e tahi ꞌina a ia e ko tano mo hāꞌūꞌū i te rua ꞌi te meꞌe era ꞌata hau rō atu a ia ki rā kope, he meꞌe taꞌe he parautiꞌa, e reo-reo ꞌana ki a ia mau ꞌā.

Fīripo 1:15

Ko ꞌite ꞌana e au e ai rō ꞌana te nuꞌu haka ꞌite o ruŋa i a Ietū he mākota ꞌe he haŋa mo ai ꞌata hau rō atu rāua ki a au, ꞌe e ai takoꞌa rō ꞌā te nuꞌu haka ꞌite o ruŋa hai manaꞌu riva-riva.

Fīripo 2:14

Te meꞌe taꞌatoꞌa aŋa e kōrua, ana aŋa ꞌina ko tātake ꞌe ꞌina ko hēŋuꞌi-ŋuꞌi,

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

Kōrosa 2:18

ꞌIna takoꞌa ko tapa atu i te nuꞌu taꞌe haka au atu i a kōrua ꞌi te taꞌe haꞌamuri pē rāua ki te merahi. E haka tuꞌu rō ꞌana i a rāua pa he nuꞌu haumārū, taꞌe manaꞌu i hau rō atu ki te rua, ꞌe te parautiꞌa mau, he teꞌo-teꞌo nō te aŋa ꞌo te ai, ki te rāua kī, ko takeꞌa ꞌana i te meꞌe i haka takeꞌa e te ꞌAtua. ꞌE te meꞌe aŋa he haka paka ꞌi te manaꞌu taŋata nō.

2 Tētārōnika 2:4

Te taŋata nei he riri nō te aŋa mo te ꞌAtua ꞌe mo te meꞌe taꞌatoꞌa haꞌamuri e te taŋata pa he ꞌatua. E kī rō e nei taŋata: i a ia te pūai ꞌe te tōroꞌa ꞌata hau rō atu ki te pūai ꞌe ki te tōroꞌa o te ŋā meꞌe taꞌatoꞌa nei, ꞌe ꞌātā e uru rō ki roto i te Kona Haꞌamuri ꞌAtua, e noho rō ꞌe e kī rō ko ia te ꞌAtua.

1 Timoteo 1:4

ꞌe mo taꞌe haka roŋo haka ꞌou ki te ꞌaꞌamu taꞌe parautiꞌa o ruŋa i te hakaara. Te meꞌe nō, paꞌi, mo ravaꞌa mai te ŋā meꞌe era he tātake. He māuꞌa ia te hora mo haka ꞌite i te ara parautiꞌa o te ꞌAtua, he meꞌe ana aŋi-aŋi mau nō e ⌊haka moe i te manaꞌu⌋ ꞌi ruŋa i a ia.

1 Timoteo 1:7

E haŋa rō ꞌā a rāua mo riro he maꞌori hāpī o te ⌊haka tere iŋa ꞌa Mōtē⌋, ka ai atu ꞌina he aŋi-aŋi riva-riva o ruŋa i te meꞌe kī ꞌe hāpī e rāua pa he nuꞌu ꞌite.

1 Timoteo 3:6

ꞌO ira, te taŋata mo pūꞌoko haka tere ꞌina ko ai e haka moe iho ꞌana i te manaꞌu ꞌi ruŋa i a Ietū, ꞌo haka paka rō ꞌe he topa ꞌi ruŋa i a ia te ūtuꞌa vaꞌai era ki a Rukifero.

2 Timoteo 2:14

E haka manaꞌu koe ki te nuꞌu, e Timoteo ē, i te ŋā meꞌe kī atu era e au, ꞌe ꞌai ka kī rō hai ꞌīŋoa o te ꞌAtua: ꞌina a rāua ko tātake o ruŋa i te auraꞌa o te vānaŋa; ꞌina, paꞌi, e tahi hauhaꞌa. Te meꞌe mau nō mo ravaꞌa he haka kore i te haka moe iŋa o te manaꞌu ꞌi ruŋa i a Ietū o te nuꞌu haka roŋo i rā vānaŋa.

2 Timoteo 2:23

ꞌIna koe ko haka roŋo ki te vānaŋa tahaŋa o te nuꞌu taꞌe haka moe i te manaꞌu ꞌi ruŋa i a Ietū; ko ꞌite ꞌana, paꞌi, koe: te meꞌe nō mo ravaꞌa he tātake.

2 Timoteo 3:4

E riro takoꞌa rō a rāua he taŋata hoꞌo i te rua, aŋa i te meꞌe ꞌina he manaꞌu hia, ꞌe haka paka i a rāua. ꞌE te meꞌe mau nō ka kimi era he reka, taꞌe he ꞌAtua.

Tito 3:9

E Tito, ꞌina koe ko haka māuꞌa tuꞌu hora ki te tātake tahaŋa o ruŋa i te hakaara tupuna ꞌe o ruŋa i te ⌊haka tere iŋa era ꞌa Mōtē⌋; ꞌina, paꞌi, e tahi meꞌe riva-riva mo ravaꞌa.

Tanatiako 1:19

E te taina haŋa rahi ē, e uꞌi ꞌo rehu: a kōrua taꞌatoꞌa e ꞌite mo haka roŋo i te vānaŋa. ꞌE, ana vānaŋa, ꞌi raꞌe ana manaꞌu riva-riva te kōrua meꞌe mo kī, ꞌe ꞌina ko riri tahaŋa.

2 Pētero 2:12

Te nuꞌu nei pa he ꞌanimare taꞌe aŋi-aŋi e tahi meꞌe, ꞌanimare noho hai meꞌe ŋaroꞌa nō o te hakari, poreko mo ꞌa-ꞌaru mo tiŋaꞌi mo haka mate. Te nuꞌu nei he vānaŋa taꞌe tano nō te aŋa mo te meꞌe ꞌina he aŋi-aŋi e rāua ꞌe ka mate ena pa he ꞌanimare

2 Pētero 2:18

He teꞌo-teꞌo te aŋa o ruŋa i a rāua hai vānaŋa ꞌina e tahi auraꞌa. Hai meꞌe rake-rake mo te hakari ꞌe hai meꞌe taꞌe tano pohe nō o te hakari e aŋa ena mo haka huri i te manaꞌu o te nuꞌu aŋa riꞌa-riꞌa i eꞌa ai mai roto i te meꞌe taꞌe tano.

Hura 1:10

ꞌE nā ia te nuꞌu oꞌo atu ena ki roto i a kōrua e vānaŋa taꞌe tano ꞌā mo te meꞌe ꞌina e rāua kai ꞌite. Te meꞌe ꞌite mau nō o rāua he meꞌe kī e te hakari, pa he oho iŋa o te ꞌanimare, ꞌe hai nei meꞌe e tiŋaꞌi e oho ena i a rāua.

Hura 1:16

Te nuꞌu ena he riri-riri nō te aŋa mo te meꞌe taꞌatoꞌa, ꞌina e tahi meꞌe tano mo rāua, te meꞌe haŋa mau nō he haka koa i a rāua. Te vānaŋa iŋa e haka tuꞌu rō ꞌana pa he meꞌe ena ē: i a rāua mau nō te tano, ꞌe te aŋa he haka paka i te tētahi mo ravaꞌa nō i te meꞌe mai i a rāua.

Meꞌe Haka Takeꞌa 3:17

’He ꞌono koe e kī ena, e riva-riva rō ꞌā ꞌe ꞌina e tahi aꞌa meꞌe hape; ꞌe te parautiꞌa ꞌina koe he aŋi-aŋi pē nei ē: a koe, ꞌi te meꞌe o te ꞌAtua, he haka ꞌaroha e tahi, he veve, he matapō ꞌe ꞌina uꞌu kahu uru.